ಅಬುಧಾಬಿ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಸನ್ರೈಸರ್ಸ್ ಹೈದರಾಬಾದ್ 4 ರನ್ಗಳ ರೋಚಕ ಜಯ ದಾಖಲಿಸಿದೆ. ಈ ಮೂಲಕ ಕೊಹ್ಲಿ ಪಡೆ ನಿರಾಸೆ ಅನುಭವಿಸಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಹೈದರಾಬಾದ್ ತಂಡವನ್ನು ಕೊಹ್ಲಿ ಪಡೆ 142 ರನ್ಗಳಿಗೆ ಕಟ್ಟಿ ಹಾಕಿತು. ಬಳಿಕ ಗುರಿ ಬೆನ್ನತ್ತಿದ ಆರ್ಸಿಬಿ ಆರಂಭದಲ್ಲೇ ಕೊಹ್ಲಿ (5) ಹಾಗೂ ಡೇನಿಯಲ್ ಕ್ರಿಸ್ಟಿಯನ್ (1) ವಿಕೆಟ್ ಕಳೆದುಕೊಂಡು ಒತ್ತಡಕ್ಕೆ ಸಿಲುಕಿತು. ಒಂದೆಡೆ ಆರಂಭಿಕರಾಗಿ ಆಗಮಿಸಿ ಉತ್ತಮವಾಗಿ ಆಡುತ್ತಿದ್ದ ದೇವದತ್ ಪಡಿಕಲ್ಗೆ ಜೊತೆಯಾದ ಶ್ರೀಕಾರ್ ಭರತ್ (12) ಕೂಡ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ.
ಈ ವೇಳೆ 38 ರನ್ಗೆ 3 ವಿಕೆಟ್ ಕಳೆದುಕೊಂಡು ಆರ್ಸಿಬಿ ಸಂಕಷ್ಟಕ್ಕೆ ಸಿಲುಕಿತ್ತು. ಆಗ ಗ್ಲೇನ್ ಮ್ಯಾಕ್ಸವೆಲ್, ಪಡಿಕಲ್ ಜೊತೆಯಾದರು. ಬಿರುಸಿನ ಆಟಕ್ಕಿಳಿದಿದ್ದ ಮ್ಯಾಕ್ಸವೆಲ್ 40 ರನ್ಗಳಿಗೆ ರನೌಟ್ ಆದರು. ನಂತರ ಪಡಿಕಲ್ (41) ಕೂಡ ರಶಿದ್ ಖಾನ್ಗೆ ವಿಕೆಟ್ ಒಪ್ಪಿಸಿದರು.
ಕ್ರೀಸ್ನಲ್ಲಿ ಎಬಿ ಡಿಬಿಲಿಯರ್ಸ್ ಇದ್ದಿದ್ದರಿಂದ ಆರ್ಸಿಬಿ ಜಯದ ಕನಸು ಕಾಣುತ್ತಿತ್ತು. ಗೆಲ್ಲಲು ಕೊನೆಯ ಎಸೆತದಲ್ಲಿ ತಂಡಕ್ಕೆ 6 ರನ್ ಬೇಕಿತ್ತು. ಆದ್ರೆ ಎಬಿಡಿ 2 ರನ್ ಗಳಿಸಿದ್ದರಿಂದ, ಹೈದರಾಬಾದ್ ತಂಡ 4 ರನ್ಗಳ ಜಯ ಸಾಧಿಸಿತು.
ಹೈದರಾಬಾದ್ ಪರ ಭುವನೇಶ್ವರ್ ಕುಮಾರ, ಜಾಸನ್ ಹೋಲ್ಡರ್, ಸಿದ್ದಾರ್ಥ ಕೌಲ್, ಉಮ್ರಾನ್ ಮಲಿನ್, ರಶೀದ್ ಖಾನ್ ತಲಾ 1 ವಿಕೆಟ್ ಪಡೆದರು.
ಇನ್ನು ಮೊದಲು ಬ್ಯಾಟಿಂಗ್ ಆರಂಭಿಸಿದ್ದ ಹೈದರಾಬಾಡ್ ತಂಡ ಉತ್ತಮ ಆರಂಭ ಪಡೆದರೂ ಮಧ್ಯಮ ಕ್ರಮಾಂಕದಲ್ಲಿ ವೈಫಲ್ಯ ಅನುಭವಿಸಿದ್ದರಿಂದ 142 ರನ್ಗಳ ಸಾಧಾರಣ ಗುರಿ ಗಳಿಸಿತು.
ಯುವ ಬ್ಯಾಟರ್ ಅಭಿಷೇಕ್ ಶರ್ಮಾ(13) ವಿಕೆಟ್ ಕಳೆದುಕೊಂಡರೂ ನಾಯಕ ವಿಲಿಯಮ್ಸನ್ ಮತ್ತು ಜೇಸನ್ ರಾಯ್ ಅತ್ಯುತ್ತಮ ಜೊತೆಯಾಟದಿಂದ 2ನೇ ವಿಕೆಟ್ಗೆ 70 ರನ್ ಗಳಿಸಿತು. ಆದರೆ 29 ಎಸೆತಗಳಲ್ಲಿ 31ರನ್ಗಳಿಸಿದ್ದ ವಿಲಿಯಮ್ಸನ್ ವಿಕೆಟ್ ಕಳೆದುಕೊಳ್ಳುತ್ತಿದ್ದಂತೆ ಹೈದರಾಬಾದ್ ಕುಸಿತ ಆರಂಭವಾಯಿತು.
ಯುವ ಬ್ಯಾಟರ್ ಪ್ರಿಯಂ ಗರ್ಗ್ 11ಎಸೆತಗಳಲ್ಲಿ ಕೇವಲ14 ರನ್ಗಳಿಸಿ ಕ್ರಿಸ್ಚಿಯನ್ಗೆ ವಿಕೆಟ್ ಒಪ್ಪಿಸಿ ಮತ್ತೊಮ್ಮೆ ವೈಫಲ್ಯ ಅನುಭವಿಸಿದರು. ಅದೇ ಓವರ್ ಕೊನೆಯ ಎಸೆತದಲ್ಲಿ 38 ಎಸೆತಗಳಲ್ಲಿ 44 ರನ್ಗಳಿಸಿದ್ದ ಆರಂಭಿಕ ಜೇಸನ್ ರಾಯ್ ಬೌಲರ್ ಕ್ರಿಶ್ಚಿಯನ್ಗೆ ರಿವರ್ಸ್ ಕ್ಯಾಚ್ ನೀಡಿ ಪೆವಿಲಿಯನ್ ಸೇರಿಕೊಂಡರು. ಭರವಸೆಯ ಬ್ಯಾಟರ್ ಅಬ್ದುಲ್ ಸಮದ್ (1) ಮತ್ತು ವೃದ್ಧಿಮಾನ್ ಸಹಾ 10ರನ್ಗಳಿಗೆ ಸುಸ್ತಾದರು.
ಕೊನೆಯಲ್ಲಿ ಜೇಸನ್ ಹೋಲ್ಡರ್ 16 ಮತ್ತು ರಶೀದ್ ಅಜೇಯ 7 ರನ್ಗಳಿಸಿದರು. ಆರ್ಸಿಬಿ ಪರ ಹರ್ಷಲ್ ಪಟೇಲ್ 33 ರನ್ ನೀಡಿ 3 ವಿಕೆಟ್ ಪಡೆದರೆ, ಇವರಿಗೆ ಸಾಥ್ ನೀಡಿದ ಡೇನಿಯಲ್ ಕ್ರಿಶ್ಚಿಯನ್ 14ಕ್ಕೆ 2, ಯುಜ್ವೇಂದ್ರ ಚಹಾಲ್ 27ಕ್ಕೆ 1 ಮತ್ತು ಜಾರ್ಜ್ ಗಾರ್ಟನ್ 29ಕ್ಕೆ 1 ವಿಕೆಟ್ ಪಡೆದರು.
