ಪಂಜಾಬ್​ ವಿರುದ್ಧ ಸುಲಭ ಗೆಲುವು.. ಪಾಯಿಂಟ್ ಪಟ್ಟಿಯಲ್ಲಿ ಖಾತೆ ತೆರೆದ ಚೆನ್ನೈ!

ಮೊದಲ ಪಂದ್ಯದಲ್ಲಿ ಸೋಲು ಕಂಡು ನಿರಾಸೆ ಅನುಭವಿಸಿದ್ದ ಚೆನ್ನೈ ಸೂಪರ್ ಕಿಂಗ್ಸ್​ ಇಂದಿನ ಪಂದ್ಯದಲ್ಲಿ ಪಂಜಾಬ್​ ವಿರುದ್ಧ ಗೆಲುವು ದಾಖಲೆ ಮಾಡಿ ಜಯದ ಹಾದಿಗೆ ಮರಳಿದೆ.

ಮುಂಬೈ: ಬಲಿಷ್ಠ ಪಂಜಾಬ್​ ವಿರುದ್ಧದ ಐಪಿಎಲ್​ ಪಂದ್ಯದಲ್ಲಿ 6 ವಿಕೆಟ್​ಗಳ ಸುಲಭ ಗೆಲುವು ದಾಖಲು ಮಾಡುವ ಮೂಲಕ ಚೆನ್ನೈ ಸೂಪರ್​ ಕಿಂಗ್ಸ್​​ ಪಾಯಿಂಟ್ ಪಟ್ಟಿಯಲ್ಲಿ ಖಾತೆ ಓಪನ್ ಮಾಡಿದೆ.

ಡೆಲ್ಲಿ ವಿರುದ್ಧದ ಮೊದಲ ಪಂದ್ಯದಲ್ಲಿ ಸೋಲು ಕಂಡಿದ್ದ ಚೆನ್ನೈ ಸೂಪರ್​ ಕಿಂಗ್ಸ್ ಇಂದಿನ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನದ ಮೂಲಕ 6 ವಿಕೆಟ್​ಗಳ ಗೆಲುವು ದಾಖಲು ಮಾಡಿದ್ದು, ಬಲಿಷ್ಠ ಪಂಜಾಬ್​ ತಂಡಕ್ಕೆ ಸೋಲಿನ ರುಚಿ ತೋರಿಸಿದೆ.

4ವಿಕೆಟ್ ಪಡೆದು ಮಿಂಚಿದ ದೀಪಕ್​ ಚಹರ್​​

ಟಾಸ್ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ್ದ ಪಂಜಾಬ್​ ಕಿಂಗ್ಸ್​​ ಬ್ಯಾಟಿಂಗ್​ನಲ್ಲಿ ವೈಫಲ್ಯ ಅನುಭವಿಸಿತು. ಚೆನ್ನೈ ಬೌಲಿಂಗ್​ ದಾಳಿಗೆ ತತ್ತರಿಸಿ 20 ಓವರ್​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡು ಕೇವಲ 106ರನ್ ಮಾತ್ರ ಗಳಿಕೆ ಮಾಡಿತು. ತಂಡದ ಪರ ಶಾರೂಕ್​ ಖಾನ್​​ 47ರನ್​ಗಳಿಕೆ ಮಾಡಿರುವುದು ಅತ್ಯಧಿಕ ಸ್ಕೋರ್​ ಆಗಿತ್ತು. ಉಳಿದಂತೆ ಕ್ಯಾಪ್ಟನ್ ರಾಹುಲ್​(5), ಗೇಲ್​(10), ದೀಪಕ್​ ಹೂಡಾ(10) ಪೂರನ್​(0) ಹಾಗೂ ಮಯಾಂಕ್​(0) ರನ್​ಗಳಿಕೆ ಮಾಡಿ ನಿರಾಸೆ ಮೂಡಿಸಿದರು.

ಚೆನ್ನೈ ಪರ ಮಾರಕ ಬೌಲಿಂಗ್​ ಪ್ರದರ್ಶನ ನೀಡಿದ ದೀಪಕ್​ ಚಹರ್​​ 4 ಓವರ್​ಗಳಲ್ಲಿ 13 ರನ್​ ನೀಡಿ ಪ್ರಮುಖ 4 ವಿಕೆಟ್​ ಪಡೆದುಕೊಂಡರೆ, ಸ್ಯಾಮ್​ ಕರ್ರನ್​, ಮೊಯಿನ್ ಅಲಿ, ಡ್ವೇನ್​ ಬ್ರಾವೋ ತಲಾ 1ವಿಕೆಟ್ ಕಬಳಿಸಿ ತಂಡಕ್ಕೆ ಮೆಲುಗೈ ತಂದುಕೊಟ್ಟರು.

• That's that from Match 8.@ChennaiIPL chase down the target in 15.4 overs and win by 6 wickets.
  
  Scorecard - https://t.co/L0gFzXxDzS #VIVOIPL #PBKSvCSK pic.twitter.com/RgC75BEw1a

  — IndianPremierLeague (@IPL) April 16, 2021 " class="align-text-top noRightClick twitterSection" data="

  That's that from Match 8.@ChennaiIPL chase down the target in 15.4 overs and win by 6 wickets.
  
  Scorecard - https://t.co/L0gFzXxDzS #VIVOIPL #PBKSvCSK pic.twitter.com/RgC75BEw1a

  — IndianPremierLeague (@IPL) April 16, 2021

  ">

  That's that from Match 8.@ChennaiIPL chase down the target in 15.4 overs and win by 6 wickets.
  
  Scorecard - https://t.co/L0gFzXxDzS #VIVOIPL #PBKSvCSK pic.twitter.com/RgC75BEw1a

  — IndianPremierLeague (@IPL) April 16, 2021

107 ರನ್​ಗಳ ಗುರಿ ಬೆನ್ನತ್ತಿದ್ದ ಚೆನ್ನೈ ಆರಂಭಿಕ ಆಘಾತದ ನಡುವೆ ಕೂಡ ಕೇವಲ 4 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿದೆ. ಆರಂಭದಲ್ಲೇ ಋತುರಾಜ್​(5) ರನ್​ಗಳಿಕೆ ಮಾಡಿ ಮತ್ತೊಮ್ಮೆ ವೈಫಲ್ಯ ಅನುಭವಿಸಿದ್ರೆ, ಡುಪ್ಲೆಸಿ ಹಾಗೂ ಮೊಯಿನ್​ ತಂಡವನ್ನ ಗೆಲುವಿನ ದಡಕ್ಕೆ ತೆಗೆದುಕೊಂಡು ಹೋದರು. ಈ ಜೋಡಿ 80ರನ್​ಗಳ ಜೊತೆಯಾಟವಾಡಿತು. 46ರನ್​ಗಳಿಕೆ ಮಾಡಿದ್ದ ವೇಳೆ ಮೊಯಿನ್​ ಅಲಿ ವಿಕೆಟ್ ಒಪ್ಪಿಸಿದರು.

ಇದಾದ ಬಳಿಕ ಬಂದ ರೈನಾ (8), ರಾಯುಡು(0)ರನ್​ಗಳಿಗೆ ವಿಕೆಟ್​ ಒಪ್ಪಿಸಿದರು. ಆದರೆ ಡುಪ್ಲೆಸಿ ಅಜೇಯ(36)ರನ್​, ಕರ್ರನ್​ ಅಜೇಯ(5)ರನ್​ಗಳಿಕೆ ಮಾಡಿದರು. ತಂಡ ಕೊನೆಯದಾಗಿ 15. 4ಓವರ್​ಗಳಲ್ಲಿ 4 ವಿಕೆಟ್​ ಕಳೆದುಕೊಂಡು 107ರನ್​ಗಳಿಕೆ ಮಾಡಿ ಗೆಲುವಿನ ನಗೆ ಬೀರಿದೆ. ಪಂಜಾಬ್​ ತಂಡದ ಪರ ಮೊಹಮ್ಮದ್ ಶಮ್ಮಿ 2 ವಿಕೆಟ್​​, ಅರ್ಷದೀಪ್​ ಹಾಗೂ ಮುರ್ಗನ್​ ಅಶ್ವಿನ್ ತಲಾ 1ವಿಕೆಟ್ ಪಡೆದುಕೊಂಡರು.