ಅಬು ಧಾಬಿ: ಹತ್ತಾರು ಅಡಚಣೆ, ಕೊರೊನಾ ಸಂಕಷ್ಟ ಎಲ್ಲವೂ ಮೀರಿ ಅರಬ್ ನಾಡಿನಲ್ಲಿ ಇಂದಿನಿಂದ 13ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿ ಆರಂಭಗೊಳ್ಳುತ್ತಿದೆ. ಮೊದಲ ಪಂದ್ಯದಲ್ಲೇ ಬಲಿಷ್ಠ ರೋಹಿತ್-ಧೋನಿ ಬಳಗ ಮುಖಾಮುಖಿಯಾಗುತ್ತಿರುವುದು ಕ್ರೀಡಾಭಿಮಾನಿಗಳಲ್ಲಿ ಕಾತುರ ಮೂಡಿಸಿದೆ.
ಅಲ್ ಶೇಖ್ ಝಹೇದ್ ಕ್ರೀಡಾಂಗಣದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಹಾಗೂ ರನ್ನರ್ ಅಪ್ ತಂಡ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮುಖಾಮುಖಿಯಾಗುತ್ತಿದ್ದು, ಈ ಮೂಲಕ 13ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗೆ ಚಾಲನೆ ಸಿಗಲಿದೆ. ಜತೆಗೆ ಮುಂದಿನ 53 ದಿನಗಳ ಕಾಲ ಹೊಡಿಬಡಿ ಆಟ ಜೋರಾಗಿ ನಡೆಯಲಿದೆ.
ಐಪಿಎಲ್ ಇತಿಹಾಸದಲ್ಲೇ ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಯಶಸ್ವಿ ತಂಡ ಎಂಬ ಖ್ಯಾತಿಗಳಿಸಿವೆ. ಆದರೆ ಈ ಸಲ ಎರಡು ತಂಡಕ್ಕೂ ಕೆಲ ಅನುಭವಿ ಆಟಗಾರರ ಕೊರತೆ ಉಂಟಾಗಿದ್ದು, ಮುಂಬೈ ತಂಡದಲ್ಲಿ ಮಲಿಂಗಾ ಹಾಗೂ ಚೆನ್ನೈ ತಂಡದಲ್ಲಿ ರೈನಾ, ಹರ್ಭಜನ್ ಅನುಪಸ್ಥಿತಿ ಎದ್ದು ಕಾಡಲಿದೆ. ಇದರ ಮಧ್ಯೆ ಕೂಡ ಉಭಯ ತಂಡ ಸಮತೋಲನದಿಂದ ಕೂಡಿದ್ದು, ಬಲಿಷ್ಠ ಸ್ಪರ್ಧೆ ಏರ್ಪಡಲಿದೆ.
ಈ ಹಿಂದಿನ ಐಪಿಎಲ್ ಟೂರ್ನಾಮೆಂಟ್ಗಳಿಗೆ ಹೋಲಿಕೆ ಮಾಡಿದರೆ, ಈ ಸಲ ವಿಭಿನ್ನವಾಗಿ ಐಪಿಎಲ್ ನಡೆಯಲಿದ್ದು, ಯಾವುದೇ ಕ್ರೀಡಾಭಿಮಾನಿಗಳು ಮೈದಾನದಲ್ಲಿ ಇರುವುದಿಲ್ಲ. ಜತೆಗೆ ಮೈದಾನದಲ್ಲಿ ಕ್ರಿಕೆಟರ್ಸ್ ಸಿಕ್ಸರ್, ಬೌಂಡರಿ ಹಾಗೂ ವಿಕೆಟ್ ಪಡೆದಾಗ ಹುರಿದುಂಬಿಸಲು ಚೀಯರ್ ಗರ್ಲ್ಸ್ ಸಹ ಇರಲ್ಲ.
ಉಭಯ ತಂಡಗಳು
ಚೆನ್ನೈ ಸೂಪರ್ ಕಿಂಗ್ಸ್: ಮಹೇಂದ್ರ ಸಿಂಗ್ ಧೋನಿ(ಕ್ಯಾಪ್ಟನ್, ವಿಕೆಟ್ ಕೀಪರ್, ಶೇನ್ ವಾಟ್ಸನ್, ಡ್ವೇನ್ ಬ್ರಾವೋ, ಡುಪ್ಲೆಸಿ, ಕೇದಾರ್ ಜಾಧವ್, ಜಡೇಜಾ, ಚಾವ್ಲಾ, ಶಾರ್ದೂಲ್ ಠಾಕೂರ್, ಇಮ್ರಾನ್ ತಾಹೀರ್,ಋತುರಾಜ್ ಗಾಯ್ಕವಾಡ್, ಜಗದೀಶನ್, ಕರ್ಣ ಶರ್ಮಾ, ಲುಂಗಿ ಗಿಡಿ, ಸ್ಯಾಂಟನರ್, ಸ್ಯಾಮ್ ಕರನ್, ಹ್ಯಾಜಲ್ವುಡ್, ಸಾಯಿ ಕಿಶೋರ್
ಮುಂಬೈ ಇಂಡಿಯನ್ಸ್: ರೋಹಿತ್ ಶರ್ಮಾ(ಕ್ಯಾಪ್ಟನ್), ಕ್ವಿಂಟನ್ ಡಿಕಾಕ್, ಆದಿತ್ಯ ತಾರೆ(ವಿಕೆಟ್ ಕೀಪರ್) ದೇಶಮುಖ, ಸೌರಭ್ ತಿವಾರಿ, ಜಸ್ಪ್ರೀತ್ ಬೂಮ್ರಾ, ಕೃಣಾಲ್ ಪಾಂಡ್ಯ, ಹಾರ್ದಿಕ್ ಪಾಂಡ್ಯ, ಪೊಲಾರ್ಡ್, ಚಾಹರ್, ಕ್ರಿಸ್ ಲಿನ್, ರುದರ್ಫೋರ್ಡ್, ಅನ್ಮೋಲ್ಪ್ರೀತ್, ಮೆಕ್ಲೆಂಗಾನ್, ಅನುಕೂಲ್ ರಾಯ್, ಇಶಾನ್ ಕಿಶನ್, ನೇಥನ್ ಕೌಲ್ಟರ್, ಪ್ಯಾಟಿನ್ಸನ್
ಮೊದಲ ಪಂದ್ಯ: ಮುಂಬೈ ಇಂಡಿಯನ್ಸ್-ಚೆನ್ನೈ ಸೂಪರ್ ಕಿಂಗ್ಸ್
ಸ್ಥಳ: ಶೇಖ್ ಝಹೇದ್, ಅಬು ಧಾಬಿ
ಸಮಯ: ಸೆ.19 ರಂದು ಸಂಜೆ 07: 30ಕ್ಕೆ
ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್
