ಬಿಗ್​​ ಬ್ಯಾಷ್ ಲೀಗ್​: ಬ್ರಿಸ್ಬೇನ್​ ವಿರುದ್ಧ ಗೆದ್ದು 6ನೇ ಬಾರಿಗೆ ಫೈನಲ್ ತಲುಪಿದ ಪರ್ತ್​​​

ಬ್ರಿಸ್ಬೇನ್​ ವಿರುದ್ಧ ರೋಚಕ ಗೆಲುವು ದಾಖಲಿಸುವ ಮೂಲಕ ಫೈನಲ್​ ಪ್ರವೇಶಿಸಿರುವ ಪರ್ತ್​​​ ಸ್ಕಾರ್ಚರ್ಸ್ ಒಟ್ಟು 6ನೇ ಫೈನಲ್​ ತಲುಪಿದಂತಾಗಿದೆ.

ಕ್ಯಾನ್​ಬೆರಾ: ಲಿಯಾಮ್ ಲಿವಿಂಗ್‌ಸ್ಟೋನ್‌ 77ರನ್​ ಮತ್ತು ಕ್ಯಾಮರೂನ್‌ ಬೆನ್​ಕ್ರಾಫ್ಟ್ ಅಜೇಯ‌ ಅರ್ಧಶತಕ (50), ಮಿಚೆಲ್ ಮಾರ್ಷ್‌ ಅಜೇಯ 49 ರನ್‌ಗಳ ನೆರವಿನಿಂದ ಬ್ರಿಸ್ಬೇನ್ ಹೀಟ್ ವಿರುದ್ಧ ಪರ್ತ್​​​ ಸ್ಕಾರ್ಚರ್ಸ್‌ 49 ರನ್‌ಗಳ ಜಯ ಸಾಧಿಸಿ ಬಿಗ್​​ ಬ್ಯಾಷ್​​​​ ಲೀಗ್​​​-10ನೇ ಆವೃತ್ತಿಯ ಫೈನಲ್​ಗೇರಿದೆ. ಫೆಬ್ರುವರಿ 6ರಂದು ಸಿಡ್ನಿ ಸಿಕ್ಸರ್​ ವಿರುದ್ಧ ಸೆಣಸಾಡಲಿದೆ.

ಬಿಬಿಎಲ್​​ನ ಚಾಲೆಂಜರ್ಸ್​ ಪಂದ್ಯದಲ್ಲಿ ಟಾಸ್​​ ಗೆದ್ದು ಬ್ರಿಸ್ಬೇನ್​ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇಂಗ್ಲೆಂಡ್​ ಆರಂಭಿಕ ಜೇಸನ್ ರಾಯ್​ ಅನುಪಸ್ಥಿತಿಯ ಹೊರತಾಗಿಯೂ ಮೊದಲು ಬ್ಯಾಟಿಂಗ್ ಮಾಡಿದ ಸ್ಕಾಚರ್ಸ್​ ಉತ್ತಮ ಮೊತ್ತವನ್ನೇ ಪೇರಿಸಿತು. 39 ಎಸೆತಗಳಲ್ಲಿ 77 ರನ್​​ ಗಳಿಸಿದ ಲಿಯಾಮ್ ಲಿವಿಂಗ್‌ಸ್ಟೋನ್‌ ಅರ್ಧ ಡಜನ್​ ಸಿಕ್ಸರ್​ಗಳನ್ನು ಬಾರಿಸಿದರು. ಕೇವಲ 27 ಎಸೆತಗಳಲ್ಲಿ 50ರ ಗಡಿ ದಾಟಿದರು.

ಬೆನ್‌ಕ್ರಾಫ್ಟ್ ಅವರೊಂದಿಗಿನ ಜೊತೆಯಾಟದಲ್ಲಿ 10ನೇ ಓವರ್‌ನೊಳಗೆ 100 ರನ್​ ದಾಟಿದರು. ಮಾರ್ನಸ್​ ಲಬುಶೇನ್​​ನ ಓವರ್​​​ನಲ್ಲಿ ಮೂರು ಸಿಕ್ಸರ್, ಬೌಂಡರಿ ಬಾರಿಸಿ ಶತಕದತ್ತ ಮುನ್ನುಗ್ಗುತ್ತಿದ್ದ ಲಿವಿಂಗ್‌ಸ್ಟೋನ್ ವೇಗಕ್ಕೆ, ಮಿಚೆಲ್ ಸ್ವೆಪ್ಸನ್ 12ನೇ ಓವರ್‌ನ ಮೊದಲ ಎಸೆತದಲ್ಲಿ ತಡೆ ಹಾಕಿದರು. ಅದಾಗಲೇ ತಂಡಕ್ಕೆ 114 ರನ್​ಗಳು ಹರಿದು ಬಂದಿದ್ದವು.

ಹೀಟ್​ ಹೆಚ್ಚಿಸಿದ ಮಾರ್ಷ್, ಬೆನ್​ಕ್ರಾಫ್ಟ್

ಲಿವಿಂಗ್‌ಸ್ಟೋನ್ ಔಟಾದ ನಂತರವೂ ರನ್​ ವೇಗವನ್ನು ಕಣಕ್ಕಿಳಿದ ಮಿಚೆಲ್​ ಮಾರ್ಷ್​ ಮತ್ತಷ್ಟು ಹೆಚ್ಚಿಸಿದರು. 15ನೇ ಓವರ್​​ನಲ್ಲಿ ಸ್ಕಾಚರ್ಸ್​​ ಪವರ್ ಸರ್ಜ್​ ತೆಗೆದುಕೊಂಡಿತು. ಮೋರ್ನೆ ಮಾರ್ಕೆಲ್​ ಓವರ್​ನಲ್ಲಿ ಮೂರು ಬೌಂಡರಿ ಮತ್ತು ಒಂದು ಸಿಕ್ಸರ್ ಸೇರಿಸಿ 22 ರನ್​ ಬಾರಿಸಿದರು. ಪವರ್ ಸರ್ಜ್‌ನಲ್ಲಿ ಒಟ್ಟು 33 ರನ್ ಸೇರಿಸಿದರು. ಬೆನ್​ಕ್ರಾಫ್ಟ್ ಮತ್ತು ಮಾರ್ಷ್​​ ದಾಳಿ ಮುಂದುವರೆಯುತ್ತಿದ್ದ ಸಂದರ್ಭದಲ್ಲಿ 19ನೇ ಓವರ್‌ನ ಮೊದಲ ಎಸೆತದ ನಂತರ ಮಳೆ ಸುರಿಯಿತು. ತಮ್ಮ ಮುರಿಯದ 2ನೇ ವಿಕೆಟ್‌ಗೆ 75ರನ್​ ಸೇರಿಸಿದರು.

ಸವಾಲು ಕೊಟ್ಟ ಮಳೆ: ಬ್ರಿಸ್ಬೇನ್​ಗೆ ಆರಂಭಿಕ ಆಘಾತ

ಮಳೆ ಸುರಿದ ಕಾರಣ ಬ್ರಿಸ್ಬೇನ್​ಗೆ ಇನ್ನೂ ಸವಾಲುವಾಗುವಂತೆ ಮಾಡಿತು. ಮೊದಲ ಇನ್ನಿಂಗ್ಸ್‌ನಲ್ಲಿ 11 ಎಸೆತಗಳು ಉಳಿದವು. ಡಕ್ವರ್ಥ್​​ ಲೂಯಿಸ್ ಅನ್ವಯ ಬ್ರಿಸ್ಬೇನ್​ಗೆ 18 ಓವರ್‌ಗಳಲ್ಲಿ 200 ಗುರಿ ನೀಡಲಾಯಿತು. ಗುರಿ ಬೆನ್ನಟ್ಟಿದ ಹೀಟ್​​ನ ಕ್ರಿಸ್ ಲಿನ್ ಮತ್ತು ಜೋ ಡೆನ್ಲಿ, ರಿಚರ್ಡ್‌ಸನ್‌ರ ಮೊದಲ ಓವರ್​​ನಲ್ಲಿ ಕೇವಲ ಮೂರು ಮತ್ತು ಅವರ ಎರಡನೇ ಓವರ್​​ನಲ್ಲಿ 22 ರನ್​ ಚಚ್ಚಿದರು. ಆದರೆ, ಬೆಹ್ರೆಂಡೋರ್ಫ್ ಬೌಲಿಂಗ್​​ನಲ್ಲಿ ಸತತ ಎರಡು ಎಸೆತಗಳಲ್ಲಿ ಇಬ್ಬರೂ ಪವಿಲಿಯನ್​ ಸೇರಿದರು.

• Started from the bottom, now we're here 💪🏆 #MADETOUGH #BBL10 pic.twitter.com/oOKHcZx7EN

  — Perth Scorchers (@ScorchersBBL) February 4, 2021 " class="align-text-top noRightClick twitterSection" data="

  Started from the bottom, now we're here 💪🏆 #MADETOUGH #BBL10 pic.twitter.com/oOKHcZx7EN

  — Perth Scorchers (@ScorchersBBL) February 4, 2021

  ">

  Started from the bottom, now we're here 💪🏆 #MADETOUGH #BBL10 pic.twitter.com/oOKHcZx7EN

  — Perth Scorchers (@ScorchersBBL) February 4, 2021

ಬೆಹ್ರೆಂಡೋರ್ಫ್ ನಂತರ ಫವಾಡ್ ಮತ್ತು ಹಾರ್ಡಿ​ ದಾಳಿ ನಡೆಸಿ ಸಂಪೂರ್ಣವಾಗಿ ತಮ್ಮ ಹಿಡಿತಕ್ಕೆ ತೆಗೆದುಕೊಂಡರು. ಮಾರ್ನಸ್ ಲಬುಶೇನ್ (15), ಸ್ಯಾಮ್ ಹೀಜ್ಲೆಟ್ (3), ಜಿಮ್ಮಿ ಪೀರ್ಸನ್ (15) ಅಂದುಕೊಂಡಷ್ಟು ಪ್ರದರ್ಶನ ತೋರಲಿಲ್ಲ. ಆದರೆ, ​ಸಂಕಷ್ಟದಲ್ಲಿದ್ದ ತಂಡಕ್ಕೆ ಜೋ ಬರ್ನ್ಸ್ (38) ಅಡಿಪಾಯ ಹಾಕಲು ಪ್ರಯತ್ನಿಸಿದರಾದರೂ ಉಳಿದವರು ಯಾರೂ ಅವರ ಜೊತೆ ನಿಲ್ಲಲಿಲ್ಲ. ಹೀಗಾಗಿ, ಬ್ರಿಸ್ಬೇನ್​ 9 ವಿಕೆಟ್​ ಕಳೆದುಕೊಂಡು 150 ರನ್​ ಗಳಿಸಲಷ್ಟೇ ಶಕ್ತವಾಯಿತು.

ಐದನೇ ಬಾರಿ ಫೈನಲ್​ ಪ್ರವೇಶ: ಬ್ರಿಸ್ಬೇನ್​ ವಿರುದ್ಧ ರೋಚಕ ಗೆಲುವು ದಾಖಲಿಸುವ ಮೂಲಕ ಫೈನಲ್​ ಪ್ರವೇಶಿಸಿರುವ ಪರ್ತ್​​​ ಸ್ಕಾರ್ಚರ್ಸ್, ಒಟ್ಟು 6ನೇ ಫೈನಲ್​ ತಲುಪಿದಂತಾಗಿದೆ. ಅದರಲ್ಲಿ ಮೂರು ಬಾರಿ ಪ್ರಶಸ್ತಿ ಜಯಿಸಿದರೆ, ಎರಡು ಬಾರಿ ರನ್ನರ್​ಅಪ್​ ಆಗಿದೆ.

ಸಂಕ್ಷಿಪ್ತ ಸ್ಕೋರ್​​: ಪರ್ತ್ ಸ್ಕಾರ್ಚರ್ಸ್ 18.1 ಓವರ್‌ಗಳಲ್ಲಿ 189/1 (ಲಿಯಾಮ್ ಲಿವಿಂಗ್​ಸ್ಟೋನ್​ 77, ಕ್ಯಾಮರೂನ್‌ ಬೆನ್​ಕ್ರಾಫ್ಟ್ 58*, ಮಿಚೆಲ್ ಮಾರ್ಷ್ 49*; ಮಿಚೆಲ್ ಸ್ವೆ ಪ್ಸನ್ 1-26) 18 ಓವರ್‌ಗಳಲ್ಲಿ ಬ್ರಿಸ್ಬೇನ್ ಹೀಟ್ 150/9 (ಜೋ ಬರ್ನ್ಸ್ 38; ಆರನ್ ಹಾರ್ಡಿ 3-46, ಆಂಡ್ರ್ಯೂ ಟೈ 2-25, ಫವಾದ್ ಅಹ್ಮದ್ 2-26, ಜೇಸನ್ ಬೆಹ್ರೆಂಡೋರ್ಫ್ 2-19)