ಮೆಹಿದಿ ಹಸನ್​ ಚೊಚ್ಚಲ ಶತಕ: ಉತ್ತಮ ಮೊತ್ತ ಕಲೆಹಾಕಿದ ಬಾಂಗ್ಲಾ

ಬಾಂಗ್ಲಾದೇಶವು ವೆಸ್ಟ್​ ಇಂಡೀಸ್​ ವಿರುದ್ಧ ಮೊದಲ ಟೆಸ್ಟ್​​ನ ಪ್ರಥಮ ಇನ್ನಿಂಗ್ಸ್​​ನಲ್ಲಿ ಉತ್ತಮ ಮೊತ್ತ ಕಲೆಹಾಕಿದ್ದು, ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡು 430 ರನ್ ಪೇರಿಸಿದೆ.

ಚಿತ್ತಗಾಂಗ್: 8ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಆಲ್​​ರೌಂಡರ್​ ಮೆಹಿದಿ ಹಸನ್​ ಬಾರಿಸಿದ ಚೊಚ್ಚಲ ಶತಕದ (103) ನೆರವಿನಿಂದ ಬಾಂಗ್ಲಾದೇಶವು ವೆಸ್ಟ್​ ಇಂಡೀಸ್​ ವಿರುದ್ಧ ಮೊದಲ ಟೆಸ್ಟ್​​ನ ಪ್ರಥಮ ಇನ್ನಿಂಗ್ಸ್​​ನಲ್ಲಿ ಉತ್ತಮ ಮೊತ್ತ ಕಲೆಹಾಕಿದೆ. ಬಾಂಗ್ಲಾ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡು 430 ರನ್ ಗಳಿಸಿದೆ.

ಇದಕ್ಕೆ ತಿರುಗೇಟು ನೀಡಲು ಮುಂದಾಗಿರುವ ಮೊದಲ ಇನ್ನಿಂಗ್ಸ್​​ನ ಎರಡನೇ ದಿನದ ಅಂತ್ಯಕ್ಕೆ ವಿಂಡೀಸ್​ 75ಕ್ಕೆ 2 ವಿಕೆಟ್​ ಕಳೆದುಕೊಂಡಿದೆ. ಆರಂಭದಲ್ಲಿ ಜಾನ್​ ಚಾಪ್​ವೆಲ್​​ (3), ಶೇನ್ ಮೊಸ್ಲೆ (2) ಮುಸ್ತಾಫಿಜರ್ ಬೌಲಿಂಗ್​ನಲ್ಲಿ ಬೇಗನೇ ಔಟಾದರು. ಕ್ರೆಗ್​ ಬ್ರಾಥ್​ವೇಟ್​ (49) ಮತ್ತು ಕುಮ್ರಾ ಬೊನ್ನಾರ್​ (17) ಅಜೇಯರಾಗಿದ್ದು, 51 ರನ್​ಗಳ ಜೊತೆಯಾಟವಾಡಿದ್ದಾರೆ.

ಇದನ್ನೂ ಓದಿ...ಮಳೆ ಅಡ್ಡಿ: ಬಾಬರ್ ಅಜಾಮ್​ 77, ದಿನದಂತ್ಯಕ್ಕೆ ಪಾಕ್​ 145/3

8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಆಲ್‌ರೌಂಡರ್ ಮೆಹಿದಿ, 168 ಎಸೆತಗಳಲ್ಲಿ 103 ರನ್ ಗಳಿಸಿದರು. ಅದರಲ್ಲಿ 13 ಬೌಂಡರಿಗಳು ಸೇರಿವೆ. ಈ ಮೂಲಕ ತಂಡದ ಮೊತ್ತ 400ರ ಗಡಿ ದಾಟಲು ನೆರವಾದರು. ಅಲ್ಲದೆ, ಮೂರು ಪ್ರಮುಖ ಜೊತೆಯಾಟಗಳಲ್ಲಿ ಭಾಗಿಯಾದರು. 17 ತಿಂಗಳ ನಂತರ ತಂಡಕ್ಕೆ ಮರಳಿದ ಶಕೀಬ್ ಹಲ್​ ಹಸನ್ ಅದ್ಭುತ ಪ್ರದರ್ಶನ ತೋರಿದರು.

• Stumps in Chattogram 🏏
  
  An unbroken half-century stand between Kraigg Brathwaite and Nkurmah Bonner has taken West Indies to 75/2.
  
  They trail by 355 runs.#BANvWI ➡️ https://t.co/OYKP4vYfsj pic.twitter.com/BlcsUdwKMJ

  — ICC (@ICC) February 4, 2021 " class="align-text-top noRightClick twitterSection" data="

  Stumps in Chattogram 🏏
  
  An unbroken half-century stand between Kraigg Brathwaite and Nkurmah Bonner has taken West Indies to 75/2.
  
  They trail by 355 runs.#BANvWI ➡️ https://t.co/OYKP4vYfsj pic.twitter.com/BlcsUdwKMJ

  — ICC (@ICC) February 4, 2021

  ">

  Stumps in Chattogram 🏏
  
  An unbroken half-century stand between Kraigg Brathwaite and Nkurmah Bonner has taken West Indies to 75/2.
  
  They trail by 355 runs.#BANvWI ➡️ https://t.co/OYKP4vYfsj pic.twitter.com/BlcsUdwKMJ

  — ICC (@ICC) February 4, 2021

7ನೇ ವಿಕೆಟ್​ಗೆ ಶಕೀಬ್ (68) ಜೊತೆ 67 ರನ್​, 8ನೇ ವಿಕೆಟ್​ಗೆ ತೈಜುಲ್​ ಇಸ್ಲಾಂ ಜೊತೆ 45 ರನ್​, 9ನೇ ವಿಕೆಟ್​ಗೆ ನಯೀಮ್ ಹಸನ್ ಜೊತೆ (24) 67 ರನ್​ಗಳ ಜೊತೆಯಾಟವಾಡಿದರು. ಮೊದಲ ದಿನದ ಅಂತ್ಯಕ್ಕೆ ಬಾಂಗ್ಲಾ 245ಕ್ಕೆ 5 ವಿಕೆಟ್​ ಕಳೆದುಕೊಂಡಿತ್ತು. ಶಕೀಬ್ ಮತ್ತು ಲಿತ್ತನ್ ದಾಸ್​ ಇನ್ನೂ ಕ್ರೀಸ್​ನಲ್ಲಿದ್ದರು. ಆದರೆ, ಇಂದು ಇನ್ನಿಂಗ್ಸ್ ಮುಂದುವರೆಸಿದ ದಾಸ್​ ಬೇಗನೇ ವಿಕೆಟ್ ಒಪ್ಪಿಸಿದರು. ವಿಂಡೀಸ್​ ಪರ ಜೊಮೆಲ್ ವಾರಿಕನ್‌ 133ಕ್ಕೆ 4, ರಖೀಮ್ ಕಾರ್ನವಾಲ್‌ 114ಕ್ಕೆ 2, ಕ್ರುಮಾ ಬೊನ್ನರ್‌ 16ಕ್ಕೆ 1 ವಿಕೆಟ್ ಪಡೆದುಕೊಂಡರು.