Mumbai Test: ಕಿವೀಸ್‌ ವಿರುದ್ಧ ಟೆಸ್ಟ್‌ ಗೆದ್ದ ಭಾರತ; 372 ರನ್‌ಗಳಿಂದ ಜಯಭೇರಿ

ನ್ಯೂಜಿಲ್ಯಾಂಡ್​ ವಿರುದ್ಧದ ಎರಡನೇ ಟೆಸ್ಟ್​ನಲ್ಲಿ ಭಾರತ 372 ರನ್​ಗಳ ಭರ್ಜರಿ ಗೆಲುವು ಸಾಧಿಸಿದೆ. ಈ ಮೂಲಕ ಕೊಹ್ಲಿ ಪಡೆ 372 ರನ್​ಗಳ ಬೃಹತ್‌ ಅಂತರದಿಂದ ಸರಣಿಯನ್ನು 1-0 ರಿಂದ ಗೆದ್ದು ಬೀಗಿತು.

ಮುಂಬೈ: ನ್ಯೂಜಿಲ್ಯಾಂಡ್​ ವಿರುದ್ಧದ 2ನೇ ಟೆಸ್ಟ್​ ಪಂದ್ಯದಲ್ಲಿ ಭಾರತ ತಂಡ ಭರ್ಜರಿ ಗೆಲುವು ದಾಖಲಿಸಿದೆ.

• CHAMPIONS 👏👏
  
  This is #TeamIndia's 14th consecutive Test series win at home.#INDvNZ @Paytm pic.twitter.com/FtKIKVCzt8

  — BCCI (@BCCI) December 6, 2021 " class="align-text-top noRightClick twitterSection" data="

  CHAMPIONS 👏👏
  
  This is #TeamIndia's 14th consecutive Test series win at home.#INDvNZ @Paytm pic.twitter.com/FtKIKVCzt8

  — BCCI (@BCCI) December 6, 2021

  ">

  CHAMPIONS 👏👏
  
  This is #TeamIndia's 14th consecutive Test series win at home.#INDvNZ @Paytm pic.twitter.com/FtKIKVCzt8

  — BCCI (@BCCI) December 6, 2021

ಕೊಹ್ಲಿ ಪಡೆ ನೀಡಿದ 540 ರನ್​ ಗುರಿ ಬೆನ್ನಟ್ಟಿದ್ದ ನ್ಯೂಜಿಲ್ಯಾಂಡ್​ 4ನೇ ದಿನದಾಟದ ಆರಂಭದ ಕೆಲವೇ ಹೊತ್ತಿನಲ್ಲಿ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 167 ರನ್​ಗಳಿಸಲಷ್ಟೇ ಶಕ್ತವಾಯಿತು. ಹೀಗಾಗಿ, ಭಾರತ 372 ರನ್​ಗಳ ಬೃಹತ್‌ ಅಂತರದಿಂದ ಸರಣಿಯನ್ನು 1-0 ರಿಂದ ಗೆದ್ದು ಬೀಗಿತು.

ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 325 ರನ್​ಗಳಿಗೆ ಆಲೌಟ್ ಆದರೆ, ಕಿವೀಸ್​ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಅಶ್ವಿನ್ (8ಕ್ಕೆ4) ಮತ್ತು ಸಿರಾಜ್​ (19ಕ್ಕೆ3) ದಾಳಿಗೆ ಸಿಲುಕಿ ಕೇವಲ 62 ರನ್​ಗಳಿಗೆ ಸರ್ವಪತನ ಕಂಡಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ ಸಿಕ್ಕಿರುವ 263 ರನ್​ಗಳ ಬೃಹತ್​ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್​ ಆರಂಭಿಸಿದ್ದ ಭಾರತ 7 ವಿಕೆಟ್​ ಕಳೆದುಕೊಂಡು 276 ರನ್​ಗಳಿಸಿದ್ದ ವೇಳೆ ಡಿಕ್ಲೇರ್ ಘೋಷಿಸಿಕೊಂಡಿತು. ಈ ಮೂಲಕ ಪ್ರವಾಸಿ ತಂಡಕ್ಕೆ 540 ರನ್​ಗಳ ಬೃಹತ್ ಟಾರ್ಗೆಟ್‌ ನೀಡಿತು.

ಇದನ್ನೂ ಓದಿ: ಮಾಸ್ಕ್​, ಸಾಮಾಜಿಕ ಅಂತರವಿಲ್ಲದೇ ಕಾಲೇಜು​ ವಾರ್ಷಿಕೋತ್ಸವ: 42 ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಕೋವಿಡ್‌

ಮಯಾಂಕ್​ ಅಗರ್ವಾಲ್ 62, ಪೂಜಾರ 47, ಶುಬ್ಮನ್​ ಗಿಲ್​ 47, ಕೊಹ್ಲಿ 36 ಮತ್ತು ಅಕ್ಷರ್ ಪಟೇಲ್ 41 ರನ್​ಗಳಿಸಿದ್ದರು. ಕಿವೀಸ್​ ಪರ ಮೊದಲ ಇನ್ನಿಂಗ್ಸ್​ನಲ್ಲಿ ಎಲ್ಲಾ 10 ವಿಕೆಟ್ ಪಡೆದಿದ್ದ ಅಜಾಜ್​ ಮತ್ತೆ 4 ವಿಕೆಟ್ ಪಡೆದರೆ, ರಚಿನ್ ರವೀಂದ್ರ 3 ವಿಕೆಟ್ ಪಡೆದರು.

ಆರಂಭಿಕ ಆಘಾತ:

540 ರನ್​ಗಳ ಗುರಿ ಬೆನ್ನಟ್ಟಿದ ಕಿವೀಸ್​ ರವಿಚಂದ್ರನ್ ಅಶ್ವಿನ್ ಮತ್ತು ಅಕ್ಷರ್ ಪಟೇಲ್ ದಾಳಿಗೆ ಸಿಲುಕಿ 55 ರನ್​ಗಳಾಗುಷ್ಟರಲ್ಲಿ 3 ವಿಕೆಟ್​ ಕಳೆದುಕೊಂಡಿತು. ನಾಯಕ ಟಾಮ್ ಲೇಥಮ್​(6), ವಿಲ್​ ಯಂಗ್(20) ಮತ್ತು ರಾಸ್​ ಟೇಲರ್​(6) ಅಶ್ವಿನ್ ಸ್ಪಿನ್ ಮೋಡಿಗೆ ಬಲಿಯಾದರು.

ಡೇರಿಲ್ ಮಿಚೆಲ್ - ನಿಕೋಲ್ಸ್ ಜೊತೆಯಾಟ:

ಆದರೆ, 4ನೇ ವಿಕೆಟ್​ಗೆ ಒಂದಾದ ಡೇರಿಲ್ ಮಿಚೆಲ್ ಮತ್ತು ಹೆನ್ರಿ ನಿಕೋಲ್ಸ್​ 73 ರನ್​ ಸೇರಿಸಿ ಭಾರತೀಯ ಬೌಲರ್​ಗಳನ್ನು ಸ್ವಲ್ಪ ಸಮಯ ಕಾಡಿದರು. ಆದರೆ 2ನೇ ಸ್ಪೆಲ್​ನಲ್ಲಿ ದಾಳಿಗಿಳಿದ ಅಕ್ಷರ್​ ಪಟೇಲ್​ 92 ಎಸೆತಗಳಲ್ಲಿ 2 ಸಿಕ್ಸರ್ ಮತ್ತು 7 ಬೌಂಡರಿ ಸಹಿತ 60 ರನ್​ಗಳಿಸಿದ್ದ ಮಿಚೆಲ್ ವಿಕೆಟ್​ ಪಡೆದು ಬ್ರೇಕ್ ನೀಡಿದರು. ಇವರ ಬೆನ್ನಲ್ಲೇ ಬಂದ ವಿಕೆಟ್ ಕೀಪರ್ ಟಾಮ್ ಬ್ಲಂಡೆಲ್ ಖಾತೆ ತೆರೆಯುವ ಮುನ್ನವೇ ರನ್​ಔಟ್ ಆಗಿ ವಾಪಸ್ ಆದರು.

ಹೆನ್ರಿ ನಿಕೋಲ್ಸ್​ ಅಜೇಯ 36 ಮ್ತು ರಚಿನ್ ರವೀಂದ್ರ 2 ರನ್​ಗಳಿಸಿ 4ನೇ ದಿನಕ್ಕೆ ಬ್ಯಾಟಿಂಗ್ ಆರಂಭಿಸಿದ್ದರು. ಆದ್ರೆ ಭಾರತದ ದಾಳಿಗೆ ನಲುಗಿದ ಕಿವೀಸ್​ ಪಡೆ ಇಂದಿನ ದಿನ ಕೇವಲ 27 ರನ್​ಗಳಿಸಿ ತನ್ನೆಲ್ಲ ವಿಕೆಟ್​​ ಕಳೆದುಕೊಂಡು ಹೀನಾಯ ಸೋಲು ಕಂಡಿತು.

ಭಾರತದ ಪರ ಆರ್.ಅಶ್ವಿನ್ 27ಕ್ಕೆ 4, ಜಯಂತ್​ ಯಾದವ್​ 49ಕ್ಕೆ 4, ಅಕ್ಷರ್ ಪಟೇಲ್ 42ಕ್ಕೆ 1 ವಿಕೆಟ್ ಪಡೆದು ಮಿಂಚಿದರು.