ಆಕ್ಲೆಂಡ್ : ಕ್ರಿಕೆಟ್ಗೆ ಭಾರತದ ಅಗತ್ಯವಿದೆ, ಭಾರತದಿಂದಲೇ ವಿಶ್ವದಲ್ಲಿ ಕ್ರಿಕೆಟ್ ಆದಾಯ ಕಾಣುವಂತಾಗಿದೆ ಎಂದು ನ್ಯೂಜಿಲ್ಯಾಂಡ್ ಕಂಡಂತಹ ಶ್ರೇಷ್ಟ ಕ್ರಿಕೆಟಿಗರ ರಿಚರ್ಡ್ ಹ್ಯಾಡ್ಲಿ ಐಸಿಸಿ ಬಿಡುಗಡೆ ಮಾಡಿರುವ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಭಾರತ ಇಲ್ಲದಿದ್ದರೆ ವಿಶ್ವಕ್ರಿಕೆಟ್ ವಿಭಿನ್ನವಾಗಿರುತ್ತಿತ್ತು. ಭಾರತ ಕ್ರಿಕೆಟ್ನಲ್ಲಿ ಸಾಕಷ್ಟು ಆದಾಯ ಉಂಟು ಮಾಡುತ್ತಿದೆ. ವಿಶೇಷವಾಗಿ ಟೆಲಿವಿಸನ್ ರೈಟ್ಸ್ಮ ಸ್ಪಾನ್ಸರ್ಷಿಪ್, ಜಾಹೀರಾತು, ಐಪಿಎಲ್ನಂತಹ ಲೀಗ್ ಆಯೋಜಿಸುವ ಮೂಲಕ ಪ್ರೇಕ್ಷಕರನ್ನು ಆಕರ್ಷಿಸುತ್ತಿದೆ.
ಇನ್ನು, ವಿವಿಧ ರೀತಿಯಲ್ಲಿ ಭಾರತ ಕ್ರಿಕೆಟ್ಗೆ ನೆರವಾಗುತ್ತಿದೆ. ಭಾರತವಿಲ್ಲದೆ, ವಿಶ್ವ ಕ್ರಿಕೆಟ್ನ ಮುಖ ಬೇರೆ ರೀತಿಯೇ ಇರುತ್ತಿತ್ತು, ಹಾಗಾಗಿ, ಕ್ರಿಕೆಟ್ಗೆ ಭಾರತದ ಅಗತ್ಯ ಖಂಡಿತಾ ಇದೆ ಎಂದು 70ರ ದಶಕದ ಶ್ರೇಷ್ಠ ಆಟಗಾರ ತಿಳಿಸಿದ್ದಾರೆ.
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಂತಹ ಹಣ ಸಂಪಾದಿಸುವ ದೊಡ್ಡ ಲೀಗ್ ಇದ್ದರೂ, ಟೆಸ್ಟ್ ಕ್ರಿಕೆಟ್‌ನತ್ತ ಭಾರತದ ಕೊಡುಗೆ ಬಗ್ಗೆ ಕೇಳಿದಾಗ, "ಟೆಸ್ಟ್ ಕ್ರಿಕೆಟ್ಗೆ ಭಾರತವು ಅತ್ಯುತ್ತಮ ಕೊಡುಗೆ ನೀಡಿದೆ, ವಾಸ್ತವವಾಗಿ, ಆಟದ ಎಲ್ಲಾ ಸ್ವರೂಪಗಳಲ್ಲೂ ಅದರ ಕೊಡುಗೆ ಅಪಾರ " ಎಂದು ಹ್ಯಾಡ್ಲಿ ಹೇಳಿದರು.
"ಟೆಸ್ಟ್ ಕ್ರಿಕೆಟ್ಗೆ ಭಾರತದ ಕೊಡುಗೆ ಅಪಾರ. ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಮೊದಲ ಟೆಸ್ಟ್‌ನಲ್ಲಿ 36 ರನ್ಗಳಿಗೆ ಆಲೌಟ್ ಆಗಿ ಅತ್ಯಂತ ಹೀನಾಯವಾಗಿ ಸೋಲು ಕಂಡಿದೆ. ಆದರೂ, ಉತ್ಸಾಹದಿಂದ ಪುಟಿದೆದ್ದು ಐತಿಹಾಸಿಕ ಟೆಸ್ಟ್ ಸರಣಿ ಗೆದ್ದಿದೆ.
ನಿಜಕ್ಕೂ ಅದ್ಭುತ. ಅಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಮತ್ತೆ ಜೀವ ಬಂದಿತ್ತು. ಅದರಲ್ಲೂ ತಂಡಕ್ಕೆ ಕೆಲವು ಯುವ ಆಟಗಾರರು ಸೇರಿಕೊಂಡರು ಮತ್ತು ಅದ್ಭುತ ಪ್ರದರ್ಶನ ತೋರಿದರು" ಎಂದು ಭಾರತ ತಂಡವನ್ನು ಗುಣಗಾನ ಮಾಡಿದ್ದಾರೆ.
ಇದನ್ನು ಓದಿ:ಇಂಗ್ಲೆಂಡ್ ಪ್ರವಾಸ: ಭಾರತದ ಮಹಿಳಾ-ಪುರುಷ ತಂಡಗಳಿಗೆ ಕಠಿಣ ಕ್ವಾರಂಟೈನ್
