ವಿಡಿಯೋ: ಪಾಕಿಸ್ತಾನ ನಾಯಕಿ ಬಿಸ್ಮಾ ಮಗುವಿನೊಂದಿಗೆ ಸಮಯ ಕಳೆದ ಭಾರತೀಯ ಆಟಗಾರ್ತಿಯರು

ಬಿಸ್ಮಾ ತಾಯಿಯಾದ ಕೇವಲ 6 ತಿಂಗಳಿಗೆ ಮೈದಾನಕ್ಕೆ ಮರಳಿ ಫಿಟ್​ನೆಸ್​ ಕಾಪಾಡಿಕೊಂಡು ವಿಶ್ವಕಪ್​ನಲ್ಲಿ ಪಾಕಿಸ್ತಾನವನ್ನು ಪ್ರತಿನಿಧಿಸುವ ಮೂಲಕ ವಿವಾಹದ ನಂತರವೂ ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳುವುದಕ್ಕೆ ಮಾದರಿಯಾಗಿ ನಿಂತಿದ್ದಾರೆ.

ಮೌಂಟ್​ ಮೌಂಗನುಯಿ: ಭಾನುವಾರ ಭಾರತ ಮಹಿಳಾ ತಂಡ 2022ರ ಏಕದಿನ ವಿಶ್ವಕಪ್​ನ ಮೊದಲ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ 107ರನ್​ಗಳ ಸುಲಭ ಜಯ ಸಾಧಿಸಿ ಟೂರ್ನಮೆಂಟ್​ನಲ್ಲಿ ಶುಭಾರಂಭ ಮಾಡಿದೆ.

ಈ ಪಂದ್ಯ ಮುಗಿಯುತ್ತಿದ್ದಂತೆ ಭಾರತೀಯ ಆಟಗಾರ್ತಿಯರು ಪಾಕಿಸ್ತಾನ ತಂಡದ ನಾಯಕಿ ಬಿಸ್ಮಾ ಮರೂಫ್​ ಅವರು ಮಗುವಿನೊಂದಿಗೆ ಕೆಲವು ಸಮಯ ಕಳೆದಿರುವುದು ಇಂಟರ್​ನೆಟ್​​ನಲ್ಲಿ ಸದ್ದು ಮಾಡುತ್ತಿದೆ. ಹರ್ಮನ್ ಪ್ರೀತ್ ಕೌರ್, ಸ್ಮೃತಿ ಮಂಧಾನ ಸೇರಿದಂತೆ ಹಲವಾರು ಭಾರತೀಯ ಕ್ರಿಕೆಟಿಗರು ಪಂದ್ಯದ ನಂತರ ಮಗುವಿನೊಂದಿಗೆ ಆಟವಾಡುತ್ತಾ, ಸೆಲ್ಫಿ ತೆಗೆದುಕೊಂಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲಾತಾಣದಲ್ಲಿ ಭಾರಿ ವೈರಲ್ ಆಗುತ್ತಿದ್ದು, ಎರಡೂ ದೇಶದ ಕ್ರಿಕೆಟ್ ಅಭಿಮಾನಿಗಳು ಮೆಚ್ಚುಗೆಯ ಸುರಿಮಳೆ ಸುರಿಸಿದ್ದಾರೆ.

• This video ..
  
  🇮🇳🙌🏻🇵🇰#INDvPAK #INDvSL #PAKvIND #PAKvAUS#CWC22 #Peshawarblast pic.twitter.com/VuoCOGyzKW

  — Dhruba Jyot Nath 🇮🇳 (@Dhrubayogi) March 6, 2022 " class="align-text-top noRightClick twitterSection" data="

  This video ..
  
  🇮🇳🙌🏻🇵🇰#INDvPAK #INDvSL #PAKvIND #PAKvAUS#CWC22 #Peshawarblast pic.twitter.com/VuoCOGyzKW

  — Dhruba Jyot Nath 🇮🇳 (@Dhrubayogi) March 6, 2022

  ">

  This video ..
  
  🇮🇳🙌🏻🇵🇰#INDvPAK #INDvSL #PAKvIND #PAKvAUS#CWC22 #Peshawarblast pic.twitter.com/VuoCOGyzKW

  — Dhruba Jyot Nath 🇮🇳 (@Dhrubayogi) March 6, 2022

ಈ ಫೋಟೋವನ್ನು ಸ್ವತಃ ಪಾಕಿಸ್ತಾನ ಕ್ರಿಕೆಟ್​ ಮಂಡಳಿ ಮತ್ತು ಐಸಿಸಿ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿಕೊಂಡಿವೆ. ಲಕ್ಷಾಂತರ ಅಭಿಮಾನಿಗಳು ಕೂಡ ಈ ದಿನದ ಅದ್ಭುತ ಫೋಟೋ ಎಂದು ಬಣ್ಣಿಸಿದ್ದಾರೆ.

ಬಿಸ್ಮಾ ತಾಯಿಯಾದ ಕೇವಲ 6 ತಿಂಗಳಿಗೆ ಮೈದಾನಕ್ಕೆ ಮರಳಿ ಫಿಟ್​ನೆಸ್​ ಕಾಪಾಡಿಕೊಂಡು ವಿಶ್ವಕಪ್​ನಲ್ಲಿ ಪಾಕಿಸ್ತಾನವನ್ನು ಪ್ರತಿನಿಧಿಸುವ ಮೂಲಕ ವಿವಾಹದ ನಂತರವೂ ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳುವುದಕ್ಕೆ ಮಾದರಿಯಾಗಿ ನಿಂತಿದ್ದಾರೆ. ಈ ವಿಶ್ವಕಪ್​ನ ವಿಶೇಷವೆಂದರೆ ಬಿಸ್ಮಾ ಮಾತ್ರವಲ್ಲದೆ ಕಿವೀಸ್ ಮಾಜಿ ನಾಯಕಿ ಕೂಡ ಮಗುವಿಗೆ ಜನ್ಮ ನೀಡಿದ ನಂತರ ಮತ್ತೆ ಮೈದಾನಕ್ಕೆ ಮರಳಿದ್ದು, ಕಿವೀಸ್​ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ.

ಇನ್ನು ಪಂದ್ಯದಕ್ಕೆ ಬರುವುದಾದರೆ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ ತಂಡ ಮಂಧಾನ ಅವರ 52ರನ್​ಗಳ ಹೊರತಾಗಿಯೂ ಒಂದು ಹಂತದಲ್ಲಿ 114ಕ್ಕೆ 6 ವಿಕೆಟ್ ಕಳೆದುಕೊಂಡಿತ್ತು. ಆದರೂ ಪೂಜಾ ವಸ್ತ್ರಾಕರ್​ 67 ರನ್​ ಮತ್ತು ಸ್ನೇಹ್​ ರಾಣಾ ಅಜೇಯ 53 ರನ್​ಗಳ ನೆರವಿನಿಂದ 244 ರನ್​ಗಳ ಸ್ಪರ್ಧಾತ್ಮಕ ರನ್​ ದಾಖಲಿಸಿತ್ತು.

245 ರನ್​ಗಳ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ ಪಾಕಿಸ್ತಾನ 7 ಇರುವಂತೆಯೇ 137 ರನ್​ಗಳಿಗೆ ಆಲೌಟ್ ಆಯಿತು. ರಾಜೇಶ್ವರಿ ಗಾಯಕ್ವಾಡ್​ 31ಕ್ಕೆ 4 ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನೂ ಓದಿ:ವನಿತೆಯರ ವಿಶ್ವಕಪ್ ಕ್ರಿಕೆಟ್‌​: ಪಾಕ್‌ ವಿರುದ್ಧ ಗೆದ್ದು ಬೀಗಿದ ಟೀಂ ಇಂಡಿಯಾ