ಬೌಲರ್​ಗಳ ಸಾಹಸ, ಬ್ಯಾಟಿಂಗ್​ ವೈಭವ: ದಕ್ಷಿಣ ಆಫ್ರಿಕಾ ವಿರುದ್ದ ಭಾರತಕ್ಕೆ 8 ವಿಕೆಟ್​ ಜಯ

ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಭಾರತ 8 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿದೆ. 3 ಪಂದ್ಯಗಳ ಸರಣಿಯಲ್ಲಿ ಭಾರತ 1-0 ಮುನ್ನಡೆ ಸಾಧಿಸಿತು.

ತಿರುವನಂತಪುರಂ, ಕೇರಳ: ವಿಶ್ವಕಪ್​ ಗೆಲ್ಲುವ ನೆಚ್ಚಿನ ತಂಡಗಳಲ್ಲಿ ಒಂದಾಗಿರುವ ಭಾರತ ಏಷ್ಯಾಕಪ್​ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಸರಣಿಯಲ್ಲಿ ಬೌಲರ್​ಗಳ ಕಳಪೆ ಪ್ರದರ್ಶನದಿಂದ ಪಂದ್ಯಗಳನ್ನು ಕೈಚೆಲ್ಲಿತ್ತು. ಇದರಿಂದ ಭಾರತದ ಬೌಲಿಂಗ್ ವಿಭಾಗ ಟೀಕೆಗೂ ಗುರಿಯಾಗಿತ್ತು. ಆದರೆ, ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಸರಣಿಯ ಮೊದಲ ಪಂದ್ಯದಲ್ಲಿ ಬೌಲರ್​ಗಳ ಸಾಹಸದಿಂದ ಭಾರತ 8 ವಿಕೆಟ್​ಗಳ ಜಯ ಸಾಧಿಸಿದೆ.

ಟಾಸ್​ ಗೆದ್ದು ಮೊದಲು ಬೌಲಿಂಗ್​ ಮಾಡಿದ ಭಾರತ ಹರಿಣಗಳನ್ನು ನಿಗದಿತ 20 ಓವರ್​ಗಳಲ್ಲಿ 106/8 ರನ್​ಗಳಿಗೆ ಕಟ್ಟಿಹಾಕಿತು. ಭಾರತದ ಬೌಲರ್​ಗಳ ಕರಾರುವಾಕ್​ ದಾಳಿಗೆ ಸಾಕ್ಷಿಯಾಗಿದೆ. ಗುರಿ ಬೆನ್ನಟ್ಟಿದ ಭಾರತ 2 ವಿಕೆಟ್​ ನಷ್ಟಕ್ಕೆ 110 ರನ್​ ಗಳಿಸಿ ಸರಣಿಯಲ್ಲಿ 1-0 ಮುನ್ನಡೆ ಪಡೆಯಿತು.

• That Winning Feeling! 👏 👏 #TeamIndia begin the T20I series with a superb win in Thiruvananthapuram. 🙌 🙌
  
  Scorecard ▶️ https://t.co/L93S9k4QqD #INDvSA | @mastercardindia pic.twitter.com/r8OmRhdVk4

  — BCCI (@BCCI) September 28, 2022 " class="align-text-top noRightClick twitterSection" data="

  That Winning Feeling! 👏 👏 #TeamIndia begin the T20I series with a superb win in Thiruvananthapuram. 🙌 🙌
  
  Scorecard ▶️ https://t.co/L93S9k4QqD #INDvSA | @mastercardindia pic.twitter.com/r8OmRhdVk4

  — BCCI (@BCCI) September 28, 2022

  ">

  That Winning Feeling! 👏 👏 #TeamIndia begin the T20I series with a superb win in Thiruvananthapuram. 🙌 🙌
  
  Scorecard ▶️ https://t.co/L93S9k4QqD #INDvSA | @mastercardindia pic.twitter.com/r8OmRhdVk4

  — BCCI (@BCCI) September 28, 2022

ವರ್ಕ್ ಆದ 3+ 2 ಫಾರ್ಮುಲಾ: ಆಸ್ಟ್ರೇಲಿಯಾ ವಿರುದ್ಧ ಅನುಭವಿ ವೇಗಿಗಳಾದ ಭುವನೇಶ್ವರ್​ ಕುಮಾರ್​, ಜಸ್ಪ್ರೀತ್​ ಬೂಮ್ರಾ, ಉಮೇಶ್​ ಯಾದವ್​ ವಿಕೆಟ್​ ಪಡೆಯಲು ತಿಣುಕಾಡಿದ್ದರು. ಅಲ್ಲದೇ 200 ರನ್​ ಗಳಿಸಿದಾಗ್ಯೂ ಪಂದ್ಯವನ್ನು ಸೋತಿದ್ದರು. ಇದು ವಿಶ್ವಕಪ್​ ಗೆಲ್ಲುವ ತಂಡದ ಮೇಲೆ ಕರಿಛಾಯೆ ಮೂಡಿಸಿತ್ತು. ಇಂದು ಕೇರಳದ ತಿರುವನಂತಪುರಂನಲ್ಲಿ ನಡೆದ ಪಂದ್ಯದಲ್ಲಿ ಬೌಲರ್​ಗಳು ಈ ಎಲ್ಲಾ ಟೀಕೆಗಳನ್ನು ಮೆಟ್ಟಿ ನಿಂತು ಪಂದ್ಯವನ್ನು ಗೆಲ್ಲಿಸಿಕೊಟ್ಟರು.

7 ವಿಕೆಟ್​ ಕೆಡವಿದ ವೇಗಿಗಳು: ಭುವನೇಶ್ವರ್​, ಬೂಮ್ರಾ ವಿಶ್ರಾಂತಿಯಲ್ಲಿ ಸ್ಥಾನ ಪಡೆದಿರುವ ಯುವ ವೇಗಿಗಳಾದ ಅರ್ಷದೀಪ್​ ಸಿಂಗ್​, ದೀಪಕ್​ ಚಹರ್​ ಕರಾಮತ್ತು ತೋರಿದರು. ಇನ್ನೊಂದೆಡೆ ಆಸೀಸ್​ ಸರಣಿಯಲ್ಲಿ ವೈಫಲ್ಯ ಅನುಭವಿಸಿದ್ದ ಹರ್ಷಲ್​ ಪಟೇಲ್​ ಕೂಡ 2 ವಿಕೆಟ್​ ಪಡೆದು ಆತ್ಮವಿಶ್ವಾಸ ವೃದ್ಧಿಸಿಕೊಂಡರು.

ಬೂಮ್ರಾರ ಪ್ರತಿರೂಪದಂತೆ ದಾಳಿ ನಡೆಸಿದ ಅರ್ಷದೀಪ್​ ಸಿಂಗ್​ ಪ್ರಮುಖ 3 ವಿಕೆಟ್​ ಕಿತ್ತರು. ದಾಳಿ ಹೇಗಿತ್ತೆಂದರೆ, ಮೇಲ್ಪಂಕ್ತಿ ಆಟಗಾರರಾದ ರಿಲೀ ರೊಸೊವ್, ಡೇವಿಡ್ ಮಿಲ್ಲರ್​ನ್ನು ಸೊನ್ನೆಗೆ, ಕ್ವಿಂಟನ್ ​ಡಿ ಕಾಕ್​ 1 ರನ್​ಗೆ ಔಟ್​ ಮಾಡಿ ಭಾರತಕ್ಕೆ ಅದ್ಭುತ ಆರಂಭ ನೀಡಿದರು. ಮತ್ತೊಂದು ತುದಿಯಲ್ಲಿ ಮಿಂಚಿನ ದಾಳಿ ಮಾಡಿದ ದೀಪಕ್​ ಚಹರ್​ ಕೂಡ 2 ವಿಕೆಟ್​ ಕಿತ್ತು ಹರಿಣಗಳ ಬ್ಯಾಟಿಂಗ್​ ಪುಡಿಗಟ್ಟಿದರು.

ಹರಿಣಗಳ ಬ್ಯಾಟಿಂಗ್​ ವೈಫಲ್ಯ: ವಿಶ್ವಕಪ್​ ಪೇವರೇಟ್​ ತಂಡಗಳಲ್ಲಿ ಒಂದಾದ ದಕ್ಷಿಣ ಆಫ್ರಿಕಾ ಭಾರತದ ಬೌಲಿಂಗ್​ ದಾಳಿಗೆ ಅಕ್ಷರಶಃ ನಲುಗಿತು. ಕೇವಲ 9 ರನ್​ಗೆ 5 ವಿಕೆಟ್​ ಕಳೆದುಕೊಂಡು ಭಾರೀ ಸಂಕಷ್ಟಕ್ಕೆ ಸಿಲುಕಿತ್ತು. ಆರಂಭಿಕ ಆಟಗಾರ ಡಿ ಕಾಕ್​ 1, ನಾಯಕ ತೆಂಬಾ ಬವುಮಾ 0, ರಿಲೀ ರೊಸೊವ್ ಸೊನ್ನೆ ಸುತ್ತಿದರು. ಹರಿಣಗಳ 5 ಬ್ಯಾಟರ್​ಗಳಲ್ಲಿ ನಾಲ್ವರು ಸೊನ್ನೆ ಸುತ್ತಿದರೆ ಡಿಕಾಕ್​ 1 ರನ್​ ಗಳಿಸಿದರು.

ಕೇಶವ್​ ಮಹಾರಾಜ್​ ನೆರವು: ಕಡಿಮೆ ಮೊತ್ತಕ್ಕೆ ಆಲೌಟ್​ ಆಗುವ ಭೀತಿಯಲ್ಲಿದ್ದ ದಕ್ಷಿಣ ಆಫ್ರಿಕಾಗೆ ಕೇಶವ್​ ಮಹಾರಾಜ್​ ಉತ್ತಮ ಬ್ಯಾಟಿಂಗ್​ ಮಾಡಿ ನೆರವಾದರು. 35 ಎಸೆತಗಳಲ್ಲಿ 5 ಬೌಂಡರಿ 2 ಸಿಕ್ಸರ್​ ಸಿಡಿಸಿ 41 ರನ್​ ಗಳಿಸಿ ಔಟಾದರು. ಆಲ್​ರೌಂಡರ್​ ವೇಯ್ನ ಪಾರ್ನೆಲ್​ 24, ಆ್ಯಡಂ ಮಾರ್ಕ್ರಮ್​ 25 ರನ್​ ಗಳಿಸಿದರು.

ರಾಹುಲ್​, ಸೂರ್ಯ ಅರ್ಧಶತಕ: ಬೌಲರ್​ಗಳಿಗೆ ಹೆಚ್ಚು ನೆರವಾಗುತ್ತಿದ್ದ ಪಿಚ್​ನಲ್ಲಿ ಭಾರತ ತಂಡದ ನಾಯಕ ರೋಹಿತ್​ ಶರ್ಮಾ ಖಾತೆ ತೆರೆಯುವ ಮುನ್ನವೇ ಔಟಾದರು. ಬ್ಯಾಟಿಂಗ್​ ಕಿಂಗ್​ ವಿರಾಟ್​ ಕೊಹ್ಲಿ ಕೂಡ 3 ರನ್​ಗೆ ಸುಸ್ತಾದರು. ಬಳಿಕ ಕ್ರೀಸ್​ ಹಂಚಿಕೊಂಡ ಕೆ ಎಲ್​ ರಾಹುಲ್​, ಸೂರ್ಯಕುಮಾರ್​ ಯಾದವ್​ ಹರಿಣಗಳ ಮೇಲೆ ಸವಾರಿ ಮಾಡಿದರು. ಆಸೀಸ್​ ಸಿರೀಸ್​ನಲ್ಲಿ ರನ್​ ಗಳಿಸಲು ಪರದಾಡಿದ್ದ ರಾಹುಲ್​ ಎಚ್ಚರಿಕೆಯ ಆಟವಾಡುವ ಮೂಲಕ ಅರ್ಧಶತಕ ಸಿಡಿಸಿದರು.

4 ಸಿಕ್ಸರ್​, 2 ಬೌಂಡರಿ ಬಾರಿಸಿದ ರಾಹುಲ್​ ಔಟಾಗದೇ 51 ರನ್​ ಗಳಿಸಿದರು. ಇನ್ನು ಭರ್ಜರಿ ಫಾರ್ಮ್​ನಲ್ಲಿರುವ ಸೂರ್ಯಕುಮಾರ್​ ಯಾದವ್​ ಆಫ್ರಿಕಾದ ಬೌಲರ್​ಗಳನ್ನು ದಂಡಿಸಿದರು. 3 ಸಿಕ್ಸರ್​, 5 ಬೌಂಡರಿ ಸಮೇತ 50 ರನ್​ ಬಾರಿಸಿ ತಾವೇಕೆ ವಿಶ್ವದ ನಂ.2 ಟಿ20 ಬ್ಯಾಟ್ಸ್​ಮನ್​ ಎಂಬುದನ್ನು ತೋರಿಸಿಕೊಟ್ಟರು. ಹರಿಣಗಳ ಪರವಾಗಿ ಕಗಿಸೋ ರಬಾಡಾ, ಅನ್ರಿಚ್ ನಾರ್ಟ್ಜೆ ತಲಾ 1 ವಿಕೆಟ್​ ಪಡೆದರು.

ಓದಿ: ಮಾದಕ ದ್ರವ್ಯ ವಿರೋಧಿ ಅಭಿಯಾನದ ಲೋಗೋ ಬಿಡುಗಡೆ ಮಾಡಿದ ಸೌರವ್ ಗಂಗೂಲಿ