ಮೌಂಟ್ ಮೌಂಗನ್ಯುಯಿ: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಎರಡನೇ ಟಿ20 ಪಂದ್ಯದಲ್ಲಿ ಸೂರ್ಯ ಕುಮಾರ್ ಯಾದವ್ 7 ಸಿಕ್ಸರ್ ಮತ್ತು 11 ಬೌಂಡರಿ ಇಂದ ಅಬ್ಬರದ ಶತಕ(111) ದಾಖಲಿಸಿದ್ದು, ಕೀವೀಸ್ ಗೆಲ್ಲಲು 191 ರನ್ಗಳ ಗುರಿ ಮೀರಬೇಕಿದೆ. ಸ್ಕೈ ಅವರ ಎರಡನೇ ಟಿ 20 ಶತಕ ಇದಾಗಿದ್ದು, ಹಲವಾರು ದಾಖಲೆಗಳು ಉಡೀಸ್ ಆಗಿವೆ.
ಐಸಿಸಿ ಟಿ20 ರ‍್ಯಾಂಕಿಂಗ್ನ ನಂ 1 ಬ್ಯಾಟರ್ ಮತ್ತು ಭಾರತ 360 ಪ್ಲೇಯರ್ ಸೂರ್ಯ ಕುಮಾರ್ ಬೇ ಓವಲ್‌ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ 6 ಸಿಕ್ಸರ್ ಹಾಗೂ 10 ಬೌಂಡರಿಗಳ ನೆರವಿನಿಂದ 49 ಎಸೆತಗಳಲ್ಲಿ 100 ರನ್ ಬಾರಿಸಿದರು. ಸೂರ್ಯಕುಮಾರ್ ಯಾದವ್ ಒಂದು ವರ್ಷದಲ್ಲಿ ಎರಡು ಟಿ20 ಶತಕಗಳನ್ನು ಗಳಿಸಿದ ಎರಡನೇ ಭಾರತೀಯ ಬ್ಯಾಟ್ಸ್‌ಮನ್ ಆಗಿದ್ದಾರೆ. 2018ರಲ್ಲಿ ರೋಹಿತ್ ಶರ್ಮಾ ಕೂಡ ಈ ಸಾಧನೆ ಮಾಡಿದ್ದರು. ಅಲ್ಲದೆ ಟಿ20ಯಲ್ಲಿ 100 ಬೌಂಡರಿಗಳನ್ನು ಪೂರೈಸಿದ ದಾಖಲೆಯನ್ನು ಸಹ ಸೂರ್ಯಕುಮಾರ್ ಯಾದವ್ ಬರೆದರು.
ಬಾಬರ್ ದಾಖಲೆ ಉಡೀಸ್ : ಸೂರ್ಯಕುಮಾರ್ ಯಾದವ್ ಈ ವರ್ಷ ಉತ್ತಮ ಫಾರ್ಮ್ನಲ್ಲಿದ್ದು, 11ನೇ ಬಾರಿ 50ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಇದು ಭಾರತೀಯ ಆಟಗಾರನ ಅತ್ಯುತ್ತಮ ಪ್ರದರ್ಶನವಾಗಿದೆ. ಪಾಕಿಸ್ತಾನಿ ಆಟಗಾರ ಬಾಬರ್ ಅವರು ಒಂದು ವರ್ಷದಲ್ಲಿ 10 ಅರ್ಧಶತಕ ಬಾರಿಸಿದ್ದರು ಈ ದಾಖಲೆಯನ್ನೂ ಸ್ಕೈ ಉಡೀಸ್ ಮಾಡಿದ್ದಾರೆ.
ಬಾಕಿ ಬ್ಯಾಟರ್ಗಳ ಸಾಧಾರಣ ಪ್ರದರ್ಶನ : ಸೂರ್ಯ ಕುಮಾರ್ ಯಾದವ್ ಬಿಟ್ಟರೆ ಬಾಕಿ ಆಟಗಾರರು ಉತ್ತಮ ಪ್ರದರ್ಶನ ನೀಡಲಿಲ್ಲ. ಪಂತ್ಗೆ ಆರಂಭಿಕರಾಗಿ ಬಡ್ತಿ ಸಿಕ್ಕಿದರೂ ವಿಫಲರಾದರು. ಇಶನ್ ಕಿಶನ್ 36 ಗಳಿಸಿದ್ದು ಬಿಟ್ಟರೆ ಬೇರಾರು ಕ್ರೀಸ್ನಲ್ಲಿ ಭದ್ರವಾಗಿ ನಿಲ್ಲಲಿಲ್ಲ.
ಈವರೆಗೆ : ಭಾತರ ನೀಡಿರುವ ಗುರಿಯನ್ನು ಬೆನ್ನು ಹತ್ತಿದರುವ ನ್ಯೂಜಿಲೆಂಡ್ 10 ಓವರ್ಗೆ 75 ರನ್ಗೆ 3 ವಿಕೆಟ್ಗಳನ್ನು ಕಳೆದುಕೊಂಡಿದೆ.
ಇದನ್ನೂ ಓದಿ : IND VS NZ 2nd T20: ಟಾಸ್ ಗೆದ್ದ ನ್ಯೂಜಿಲೆಂಡ್ ಫೀಲ್ಡಿಂಗ್‌, ಟೀಂ ಇಂಡಿಯಾದಲ್ಲಿ ಚಹಲ್‌ಗೆ ಸ್ಥಾನ
