ಬರ್ಮಿಂಗ್ಹ್ಯಾಮ್: ಆತಿಥೇಯ ಇಂಗ್ಲೆಂಡ್ ವಿರುದ್ಧ ನಡೆದ ಎರಡನೇ ಟಿ20 ಪಂದ್ಯದಲ್ಲಿ 20 ಓವರ್ನಷ್ಟಕ್ಕೆ 8ವಿಕೆಟ್ ಕಳೆದಕೊಂಡ ಟೀಂ ಇಂಡಿಯಾ 170ರನ್ಗಳಿಕೆ ಮಾಡಿದ್ದು, ಇಂಗ್ಲೆಂಡ್ ಗೆಲುವಿಗೆ 171ರನ್ಗಳ ಸ್ಪರ್ಧಾತ್ಮಕ ಗುರಿ ನೀಡಿದೆ. ಗ್ಲೀಸನ್, ಜೋರ್ಡನ್ ಮಾರಕ ಬೌಲಿಂಗ್ ದಾಳಿ ನಡುವೆ ಮಿಂಚಿದ ಜಡೇಜಾ ಅಜೇಯ 46ರನ್ಗಳಿಕೆ ಮಾಡಿದರು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ ಉತ್ತಮ ಆರಂಭ ಪಡೆದುಕೊಂಡಿತು. ರೋಹಿತ್ ಶರ್ಮಾ ಜೊತೆ ಇನ್ನಿಂಗ್ಸ್ ಆರಂಭಿಸಿದ ಪಂತ್ ತಂಡಕ್ಕೆ ಬದ್ರ ಬುನಾದಿ ಹಾಕಿದರು. ಜೋಡಿ 4.5 ಓವರ್ಗಳಲ್ಲಿ 49ರನ್ಗಳ ಜೊತೆಯಾಟವಾಡಿತು. ಈ ವೇಳೆ ರೋಹಿತ್ ಶರ್ಮಾ(31) ಗ್ಲೀಸನ್ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರು. ಈ ಮೂಲಕ ಭಾರತಕ್ಕೆ ಆಘಾತ ನೀಡಿ, ಟಿ20ಯಲ್ಲಿ ಮೊದಲ ಅಂತಾರಾಷ್ಟ್ರೀಯ ವಿಕೆಟ್ ಪಡೆದುಕೊಂಡರು.ಇದರ ಬೆನ್ನಲ್ಲೇ ಬಂದ ವಿರಾಟ್ ಕೊಹ್ಲಿ(1) ಗ್ಲೀಸನ್ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರೆ, ನಂತರದ ಎಸೆತದಲ್ಲೇ ಪಂತ್(26) ಗ್ಲೀಸನ್ ಓವರ್ನಲ್ಲಿ ಕ್ಯಾಚ್ ನೀಡಿದರು.
ಮಧ್ಯಮ ಕ್ರಮಾಂಕದಲ್ಲಿ ಸೂರ್ಯಕುಮಾರ್ ಯಾದವ್(15), ಪಾಂಡ್ಯಾ(12), ಕಾರ್ತಿಕ್(12) ವಿಕೆಟ್ ಒಪ್ಪಿಸಿದರು. ಆದರೆ, ಏಕಾಂಗಿಯಾಗಿ ಹೋರಾಟ ನಡೆಸಿದ ರವೀಂದ್ರ ಜಡೇಜಾ 46ರನ್ಗಳಿಕೆ ಮಾಡಿ ಅಜೇಯರಾಗಿ ಉಳಿದರು. ಇವರಿಗೆ ಹರ್ಷಲ್ ಪಟೇಲ್(12) ಸಾಥ್ ನೀಡಿದರು.
ಮಿಂಚಿದ ಗ್ಲೀಸನ್: ಇಂಗ್ಲೆಂಡ್ ತಂಡದ ಕಣಕ್ಕಿಳಿದಿದ್ದ 34 ವರ್ಷದ ರಿಚರ್ಡ್ ಗ್ಲೀಸರ್ ತಾವು ಪದಾರ್ಪಣೆ ಮಾಡಿದ ಮೊದಲ ಟಿ20 ಪಂದ್ಯದಲ್ಲೇ ಮಿಂಚು ಹರಿಸಿದರು. 4 ಓವರ್ಗಳ ಕೋಟಾದಲ್ಲಿ 1 ಓವರ್ ಮೆಡನ್ ಸೇರಿ ಕೇವಲ 15ರನ್ ನೀಡಿದ ಈ ಬೌಲರ್ ರೋಹಿತ್, ಕೊಹ್ಲಿ ಹಾಗೂ ಪಂತ್ ವಿಕೆಟ್ ಪಡೆದು ಸಂಭ್ರಮಿಸಿದರು.
ಇದನ್ನೂ ಓದಿರಿ: 5 ತಿಂಗಳ ಬಳಿಕ T20I ತಂಡಕ್ಕೆ ಮರಳಿದರೂ, ಕಳಪೆ ಫಾರ್ಮ್ನಿಂದ ಹೊರಬರದ ಕೊಹ್ಲಿ
ಭಾರತ ಕೊನೆಯದಾಗಿ 20 ಓವರ್ಗಳಲ್ಲಿ 8 ವಿಕೆಟ್ನಷ್ಟಕ್ಕೆ 170ರನ್ಗಳಿಕೆ ಮಾಡಿದ್ದು,ಬಟ್ಲರ್ ಪಡೆಗೆ 171ರನ್ ಟಾರ್ಗೆಟ್ ನೀಡಿದೆ. ಇಂಗ್ಲೆಂಡ್ ಪರ ಬೌಲಿಂಗ್ನಲ್ಲಿ ಮಿಂಚಿದ 34 ವರ್ಷದ ಡೆಬ್ಯುಮ್ಯಾನ್ ಗ್ಲೀಸನ್ 3 ವಿಕೆಟ್ ಪಡೆದರೆ, ಜೋರ್ಡನ್ 4 ವಿಕೆಟ್ ಕಿತ್ತರು.
ಬರ್ಮಿಂಗ್ಹ್ಯಾಮ್ ಮೈದಾನದಲ್ಲಿ ಈ ಪಂದ್ಯ ನಡೆಯುತ್ತಿದ್ದು, ಈ ಮೈದಾನದಲ್ಲಿ ಇಲ್ಲಿಯವರೆಗೂ ನಡೆದ ಮೂರು ಪಂದ್ಯಗಳಲ್ಲಿ ಇಂಗ್ಲೆಂಡ್ ಗೆಲುವು ದಾಖಲು ಮಾಡಿದೆ.
