2ನೇ T20I ಗೆದ್ದು ಸರಣಿ ಕೈವಶ ಮಾಡಿದ ರೋಹಿತ್ ಬಳಗ.. ಬರ್ಮಿಂಗ್​ಹ್ಯಾಮ್​​ನಲ್ಲಿ ಆಂಗ್ಲರಿಗೆ ಸೋಲು

ಟೀಂ ಇಂಡಿಯಾ ಸಂಘಟಿತ ಬೌಲಿಂಗ್ ದಾಳಿಗೆ ತತ್ತರಿಸಿದ ಜೋಸ್ ಬಟ್ಲರ್ ಬಳಗ ಎರಡನೇ ಟಿ-20 ಪಂದ್ಯದಲ್ಲೂ ಸೋಲು ಕಂಡಿದೆ. ಈ ಮೂಲಕ ರೋಹಿತ್ ಬಳಗ ಸರಣಿಯಲ್ಲಿ 2-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ.

ಬರ್ಮಿಂಗ್​ಹ್ಯಾಮ್​​: ಇಂಗ್ಲೆಂಡ್​ ವಿರುದ್ಧ ನಡೆದ 2ನೇ ಟಿ-20 ಪಂದ್ಯದಲ್ಲಿ ಟೀಂ ಇಂಡಿಯಾ 49 ರನ್​ಗಳ ಗೆಲುವಿನ ನಗೆ ಬೀರಿದೆ. ಈ ಮೂಲಕ ಒಂದು ಪಂದ್ಯ ಬಾಕಿ ಇರುವಾಗಲೇ ಚುಟುಕು ಸರಣಿ ಕೈವಶ ಮಾಡಿಕೊಂಡಿದೆ. ಜೊತೆಗೆ ಆಂಗ್ಲರ ನಾಡಿನಲ್ಲೇ ಟೆಸ್ಟ್​​ ಸೋಲಿಗೆ ಸೇಡು ತೀರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಬರ್ಮಿಂಗ್​ಹ್ಯಾಮ್ ಮೈದಾನದಲ್ಲಿ ನಡೆದ ಎರಡನೇ ಟಿ-20 ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ನಷ್ಟಕ್ಕೆ 170ರನ್​ಗಳಿಕೆ ಮಾಡಿತು. ತಂಡದ ಪರ ರೋಹಿತ್ ಶರ್ಮಾ(31), ಜಡೇಜಾ ಅಜೇಯ(46)ರನ್​​ಗಳಿಕೆ ಮಾಡಿದರು.

ಬ್ಯಾಟಿಂಗ್​ನಲ್ಲಿ ಮಿಂಚಿದ ಜಡೇಜಾ

ರೋಹಿತ್-ರಿಷಭ್ ಉತ್ತಮ ಆರಂಭ: ನಾಯಕ ರೋಹಿತ್ ಶರ್ಮಾ(31) ಮತ್ತು ರಿಷಭ್ ಪಂತ್​(26) ಭಾರತಕ್ಕೆ ಉತ್ತಮ ಅಡಿಪಾಯ ಹಾಕಿದರು. ಈ ಜೋಡಿ ಮೊದಲ ವಿಕೆಟ್​ಗೆ 49ರನ್​ಗಳಿಕೆ ಮಾಡಿತು. ಮಧ್ಯಮ ಕ್ರಮಾಂಕದಲ್ಲಿ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡ ಟೀಂ ಇಂಡಿಯಾಗೆ ಜಡೇಜಾ ಆಸರೆಯಾದರು. ಮಿಂಚಿನ ಬ್ಯಾಟಿಂಗ್​ ಬಲದಿಂದ 29 ಎಸೆತಗಳಲ್ಲಿ ಅಜೇಯ 46ರನ್​​ಗಳಿಕೆ ಮಾಡಿದರು. ಮಧ್ಯಮ ಕ್ರಮಾಂಕದಲ್ಲಿ ಸೂರ್ಯಕುಮಾರ್ ಯಾದವ್​(15), ಪಾಂಡ್ಯಾ(12), ಕಾರ್ತಿಕ್​(12), ಹರ್ಷಲ್ ಪಟೇಲ್​(12) ವಿಕೆಟ್ ಒಪ್ಪಿಸಿದರು.

171ರನ್​ಗಳ ಗುರಿ ಬೆನ್ನತ್ತಿದ್ದ ಇಂಗ್ಲೆಂಡ್ ತಂಡ ಭುವನೇಶ್ವರ್​ ಎಸೆದ ಮೊದಲ ಎಸೆತದಲ್ಲೇ ರಾಯ್​(0) ವಿಕೆಟ್ ಕಳೆದುಕೊಂಡಿತು. ಇದರ ಬೆನ್ನಲ್ಲೇ ಕ್ಯಾಪ್ಟನ್ ಬಟ್ಲರ್​​(4) ಭುವಿ ಓವರ್​ನಲ್ಲಿ ವಿಕೆಟ್ ಒಪ್ಪಿಸಿದರು. ನಂತರ ಬಂದ ಮಲನ್(19), ಲಿವಿಗ್​ಸ್ಟೋನ್​​(15)ರನ್​ಗಳಿಕೆ ಮಾಡಿ ಔಟಾದರು.

ಮೊಯಿನ್ ಅಲಿ- ವಿಲ್ಲಿ ಏಕಾಂಗಿ ಹೋರಾಟ: ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡ ಇಂಗ್ಲೆಂಡ್ ತಂಡ ಮಧ್ಯಮ ಕ್ರಮಾಂಕದಲ್ಲಿ ಸ್ವಲ್ಪ ಪ್ರತಿರೋಧ ಒಡ್ಡಿತ್ತು. ಮೊಯಿನ್ ಅಲಿ(35), ಡೇವಿಡ್​ ವಿಲ್ಲಿ ಅಜೇಯ(33)ರನ್​​ಗಳಿಕೆ ಮಾಡಿದರು. ಆದರೆ, ಕೊನೆಯದಾಗಿ ತಂಡ 17 ಓವರ್​​ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 121ರನ್​​ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಬರ್ಮಿಂಗ್​ಹ್ಯಾಮ್ ಮೈದಾನದಲ್ಲಿ ಇಂಗ್ಲೆಂಡ್ ತಂಡ ಟಿ20ಯಲ್ಲಿ ಮೊದಲ ಸೋಲು ಕಂಡಿದೆ.

• India take an unassailable 2-0 series lead 🎉
  
  A comprehensive performance in Edgbaston helps them win the second T20I by 49 runs. #ENGvIND | 📝 Scorecard: https://t.co/w0EN9Tmapp pic.twitter.com/gYvQrhHv6r

  — ICC (@ICC) July 9, 2022 " class="align-text-top noRightClick twitterSection" data="

  India take an unassailable 2-0 series lead 🎉
  
  A comprehensive performance in Edgbaston helps them win the second T20I by 49 runs. #ENGvIND | 📝 Scorecard: https://t.co/w0EN9Tmapp pic.twitter.com/gYvQrhHv6r

  — ICC (@ICC) July 9, 2022

  ">

  India take an unassailable 2-0 series lead 🎉
  
  A comprehensive performance in Edgbaston helps them win the second T20I by 49 runs. #ENGvIND | 📝 Scorecard: https://t.co/w0EN9Tmapp pic.twitter.com/gYvQrhHv6r

  — ICC (@ICC) July 9, 2022

ಭಾರತದ ಪರ ಬೌಲಿಂಗ್​ನಲ್ಲಿ ಮಿಂಚಿದ ಭುವನೇಶ್ವರ್ ಕುಮಾರ್ 3 ವಿಕೆಟ್ ಪಡೆದರೆ, ಚಹಲ್​, ಬುಮ್ರಾ ತಲಾ 2 ವಿಕೆಟ್ ಹಾಗೂ ಪಾಂಡ್ಯ, ಹರ್ಷಲ್ ತಲಾ 1 ವಿಕೆಟ್ ಕಿತ್ತರು. ಉತ್ತಮ ಪ್ರದರ್ಶನ ನೀಡಿದ ಭುವನೇಶ್ವರ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.

ಮೂರು ವಿಕೆಟ್ ಪಡೆದ ಗ್ಲೀಸನ್​

ಮಿಂಚಿದ ಗ್ಲೀಸನ್​: ಇಂಗ್ಲೆಂಡ್ ತಂಡದ ಕಣಕ್ಕಿಳಿದಿದ್ದ 34 ವರ್ಷದ ರಿಚರ್ಡ್ ಗ್ಲೀಸರ್ ತಾವು ಪದಾರ್ಪಣೆ ಮಾಡಿದ ಮೊದಲ ಟಿ20 ಪಂದ್ಯದಲ್ಲೇ ಮಿಂಚು ಹರಿಸಿದರು. 4 ಓವರ್​ಗಳ ಕೋಟಾದಲ್ಲಿ 1 ಓವರ್​ ಮೆಡನ್ ಸೇರಿ ಕೇವಲ 15ರನ್ ನೀಡಿದ ಈ ಬೌಲರ್ ರೋಹಿತ್​, ಕೊಹ್ಲಿ ಹಾಗೂ ಪಂತ್ ವಿಕೆಟ್ ಪಡೆದು ಸಂಭ್ರಮಿಸಿದರು. ಉಭಯ ತಂಡಗಳ ನಡುವೆ ನಾಳೆ ಕೊನೆಯ ಟಿ20 ಪಂದ್ಯ ನಡೆಯಲಿದೆ.