ಮೂರನೇ ಟೆಸ್ಟ್​: 197 ರನ್​ಗೆ ಆಸ್ಟ್ರೇಲಿಯಾ ಔಟ್​, ಭಾರತಕ್ಕೆ ಮತ್ತೆ ಸ್ಪಿನ್​ ಕಾಟ

ಇಂದೋರ್​ನಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಬೌನ್ಸಿ ಪಿಚ್​ನಲ್ಲಿ ಸ್ಪಿನ್​ ಜಾದೂ ಮಾಡುತ್ತಿದೆ. 197 ರನ್​ಗೆ ಆಸ್ಟ್ರೇಲಿಯಾ ಔಟ್​ ಆದರೆ, 2ನೇ ಇನಿಂಗ್ಸ್​ನಲ್ಲಿ ಭಾರತ ಮತ್ತೆ ಸ್ಪಿನ್​ ಖೆಡ್ಡಾಕ್ಕೆ ಬಿದ್ದಿದೆ.

ಇಂದೋರ್(ಮಧ್ಯಪ್ರದೇಶ): ಹೋಳ್ಕರ್​ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್​ನ ಮೊದಲ ದಿನದಂದು ಭಾರತವನ್ನು ಸ್ಪಿನ್​ ಖೆಡ್ಡಾಕ್ಕೆ ಕೆಡವಿದ್ದ ಆಸ್ಟ್ರೇಲಿಯಾ, 2ನೇ ದಿನದಲ್ಲಿ ತಾನೂ ಸರ್ವಪತನ ಕಂಡಿತು. 47 ರನ್​ಗಳ ಮುನ್ನಡೆಯೊಂದಿಗೆ ದಿನದಾಟ ಆರಂಭಿಸಿದ ಆಸೀಸ್​ ಪಡೆ ಕೇವಲ 11 ರನ್​ಗಳಿಗೆ 6 ವಿಕೆಟ್​ ಕಳೆದುಕೊಂಡು ದಿಢೀರ್​ ಕುಸಿತ ಕಂಡಿತು. ಇದರಿಂದ ತಂಡ ಮೊದಲ ಇನಿಂಗ್ಸ್​ನಲ್ಲಿ 197 ರನ್​ ಗಳಿಸಲು ಮಾತ್ರ ಸಾಧ್ಯವಾಯಿತು. ರವೀಂದ್ರ ಜಡೇಜಾ, ಆರ್​.ಅಶ್ವಿನ್​ ಮತ್ತು ಉಮೇಶ್​ ಯಾದವ್​ ಕಾಂಗರೂ ಪಡೆಯನ್ನು ಕಾಡಿದರು.

4 ವಿಕೆಟ್​ಗೆ 156 ರನ್​ಗಳಿಂದ ಎರಡನೇ ದಿನದಾಟ ಆರಂಭಿಸಿದ ಆಸೀಸ್​ ಕ್ಯಾಮರೂನ್ ಗ್ರೀನ್ ಮತ್ತು ಪೀಟರ್ ಹ್ಯಾಂಡ್ಸ್‌ಕಾಂಬ್ ತುಸು ಹೋರಾಟ ನಡೆಸಿದರು. ಇಬ್ಬರೂ ಸೇರಿ 30 ಸೇರಿಸಿ ಔಟಾದರು. ಹ್ಯಾಂಡ್ಸ್​ಕಾಂಬ್​ 19 ರನ್​ ಗಳಿಸಿ ಔಟಾಗುವ ಮೂಲಕ ತಂಡ ದಿಢೀರ್​ ಕುಸಿತ ಕಂಡಿತು. ಗ್ರೀನ್​ 21 ರನ್​ ಮಾಡಿದರೆ, ಅಲೆಕ್ಸ್​ ಕ್ಯಾರಿ 3, ಮಿಚೆಲ್​ ಸ್ಟಾರ್ಕ್​ 1, ನಾಥನ್​ ಲಿಯಾನ್​ 5, ಮರ್ಫಿ 0, ಕುಹ್ನೆಮನ್​ ಸೊನ್ನೆ ಸುತ್ತಿ ಇನಿಂಗ್ಸ್​ ಮುಗಿಸಿದರು.

• Innings Break!
  
  6 wickets fell for 11 runs in the morning session as Australia are all out for 197, with a lead of 88 runs.
  
  Scorecard - https://t.co/t0IGbs2qyj #INDvAUS @mastercardindia pic.twitter.com/gMSWusE6Vn

  — BCCI (@BCCI) March 2, 2023 " class="align-text-top noRightClick twitterSection" data="

  Innings Break!
  
  6 wickets fell for 11 runs in the morning session as Australia are all out for 197, with a lead of 88 runs.
  
  Scorecard - https://t.co/t0IGbs2qyj #INDvAUS @mastercardindia pic.twitter.com/gMSWusE6Vn

  — BCCI (@BCCI) March 2, 2023

  ">

  Innings Break!
  
  6 wickets fell for 11 runs in the morning session as Australia are all out for 197, with a lead of 88 runs.
  
  Scorecard - https://t.co/t0IGbs2qyj #INDvAUS @mastercardindia pic.twitter.com/gMSWusE6Vn

  — BCCI (@BCCI) March 2, 2023

ಬೆಳಗಿನ ಜಾವವೇ ಆಸೀಸ್​ ಮೇಲೆ ದಂಡೆತ್ತಿ ಬಂದ ಉಮೇಸ್​ ಯಾದವ್​​ ಕರಾರುವಾಕ್​ ದಾಳಿಯಿಂದ ಮೂರು ವಿಕೆಟ್​ ಉರುಳಿಸಿದರೆ, ಸ್ಪಿನ್ನರ್​ ಅಶ್ವಿನ್​ ಮೂವರಿಗೆ ಪೆವಿಲಿಯನ್​ ದಾರಿ ತೋರಿಸಿದರು. ಮೂರು ಪಂದ್ಯಗಳಲ್ಲಿ ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯಾ ಮುನ್ನಡೆ ಸಾಧಿಸಿತ್ತು. ನಿನ್ನೆ ರವೀಂದ್ರ ಜಡೇಜಾ ಅವರು, 60 ರನ್ ಮಾಡಿ ಮುನ್ನುಗ್ಗುತ್ತಿದ್ದ ಉಸ್ಮಾನ್ ಖವಾಜಾ ಸೇರಿದಂತೆ ನಾಲ್ಕು ವಿಕೆಟ್‌ಗಳನ್ನು ಪಡೆದಿದ್ದರು.

88 ರನ್​ಗಳ ಹಿನ್ನಡೆಯೊಂದಿಗೆ ಎರಡನೇ ಇನಿಂಗ್ಸ್​ ಆರಂಭಿಸಿರುವ ಭಾರತ ಮತ್ತೆ ಸ್ಪಿನ್​ ದಾಳಿಗೆ ಸಿಲುಕಿದೆ. ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ರೋಹಿತ್ ಶರ್ಮಾ (12) ಮತ್ತು ಶುಭಮನ್ ಗಿಲ್ (5) ಮತ್ತೆ ವಿಫಲರಾದರು. ನಾಥನ್​ ಲಿಯಾನ್​ ಎಸೆತದಲ್ಲಿ ರೋಹಿತ್​ ಎಲ್​ಬಿ ಬಲೆಗೆ ಬಿದ್ದರೆ, ಗಿಲ್​ ಕ್ಲೀನ್​ಬೌಲ್ಡ್​ ಆದರು. ಬಳಿಕ ನಿಧಾನವಾಗಿ ಮೈದಾನದಲ್ಲಿ ನೆಲೆಯೂರುತ್ತಿದ್ದ ವಿರಾಟ್​ ಕೊಹ್ಲಿ 13 ರನ್​ ಗಳಿಸಿದ್ದಾಗ ಕುಹ್ನೆಮನ್​ ಎಲ್​ಬಿ ಬಲೆಗೆ ಬಿದ್ದು ಔಟಾದರು. ಚೇತೇಶ್ವರ್​​ ಪೂಜಾರಾ ಮತ್ತು ರವೀಂದ್ರ ಜಡೇಜಾ ಕ್ರೀಸ್​​ನಲ್ಲಿದ್ದಾರೆ.

​ಭಾರತ ಮೊದಲ ದಿನದಾಟದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿತ್ತು. ಆಸೀಸ್​ ಸ್ಪಿನ್ನರ್‌ಗಳ ದಾಳಿಗೆ ಸಿಲುಕಿ ಕೇವಲ 109 ರನ್‌ಗಳಿಗೆ ಆಲೌಟ್ ಆಗಿತ್ತು. ಮ್ಯಾಥ್ಯೂ ಕುಹ್ನೆಮನ್ 5 ವಿಕೆಟ್ ಕಿತ್ತರೆ, ನಾಥನ್​ ಲಿಯನಾ 3, ಮರ್ಫಿ 1 ವಿಕೆಟ್​ ಪಡೆದಿದ್ದರು.

ಓದಿ: ಮಹಿಳಾ ಪ್ರೀಮಿಯರ್ ಲೀಗ್‌ 'ಶಕ್ತಿ' ಅನಾವರಣ: ವಿಡಿಯೋ