ಏಕದಿನ ವಿಶ್ವಕಪ್​ಗೂ ಮುನ್ನ ಪಾಕಿಸ್ತಾನಕ್ಕೆ ಭಾರಿ ಹಿನ್ನಡೆ: ನಂ.1 ಸ್ಥಾನ ಆಸ್ಟ್ರೇಲಿಯಾ ಪಾಲು!

ಐಸಿಸಿ ಏಕದಿನ ಕ್ರಿಕೆಟ್‌ ತಂಡಗಳ ಶ್ರೇಯಾಂಕದಲ್ಲಿ ಮಹತ್ವದ ಬದಲಾವಣೆಯಾಗಿದೆೆ.

ದುಬೈ: ವಿಶ್ವಕಪ್​ಗೂ ಮುನ್ನ ಐಸಿಸಿ ಏಕದಿನ ಕ್ರಿಕೆಟ್ ಶ್ರೇಯಾಂಕದಲ್ಲಿ ಭಾರಿ ಪೈಪೋಟಿ ಏರ್ಪಟ್ಟಿದೆ. ಏಷ್ಯಾಕಪ್​ ಗೆಲ್ಲುವ ಫೇವರೆಟ್​ ತಂಡ ಎನಿಸಿಕೊಂಡಿದ್ದ ಪಾಕಿಸ್ತಾನ ಸೂಪರ್​ ಫೋರ್​ ಹಂತದಲ್ಲಿ ಎರಡು ಸೋಲು ಕಂಡು ಫೈನಲ್​ಗೆ ಅರ್ಹತೆಯನ್ನೇ ಪಡೆದುಕೊಳ್ಳಲಿಲ್ಲ. ಈ ನಿರಾಸೆಯ ಜೊತೆಗೆ ಪಾಕ್​ಗೆ ಶ್ರೇಯಾಂಕ ಕುಸಿತದ ಮುಖಭಂಗವೂ ಎದುರಾಗಿದೆ. ತನ್ನ ದೇಶದಲ್ಲೇ ಸತತ ಏಕದಿನ ಪಂದ್ಯಗಳನ್ನು ಆಡಿ ಐಸಿಸಿ ಏಕದಿನ ತಂಡಗಳ ಶ್ರೇಯಾಂಕದಲ್ಲಿ ಅಗ್ರಸ್ಥಾನ ಗಳಿಸಿದ್ದ ತಂಡಕ್ಕೆ ವಿಶ್ವಕಪ್​ಗೂ ಮುನ್ನ ಇದು ಭಾರಿ ಹಿನ್ನಡೆ ಎಂದೇ ಹೇಳಲಾಗುತ್ತಿದೆ. ದಕ್ಷಿಣ ಆಫ್ರಿಕಾ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ ಆಸ್ಟ್ರೇಲಿಯಾ ನಂ.1 ಸ್ಥಾನಕ್ಕೇರಿದೆ.

ಪಾಕಿಸ್ತಾನದ ಪಿಚ್​ಗಳಲ್ಲಿ ಎಲ್ಲಾ ತಂಡಗಳನ್ನೂ ಮಣಿಸಿದ ಪಾಕ್​, ಲಂಕಾ ಅಖಾಡದಲ್ಲಿ ಮಂಕಾಯಿತು. ಭಾರತದ ಮುಂದೆ 128 ರನ್​ಗಳ ಅಲ್ಪಮೊತ್ತಕ್ಕೆ ಕುಸಿದರೆ, ನಿನ್ನೆ (ಗುರುವಾರ) ಶ್ರೀಲಂಕಾ ವಿರುದ್ಧ ಹೋರಾಡಿ ಸೋಲನುಭವಿಸಿತು. ನಿನ್ನೆಯ ಸೋಲಿನಿಂದ ಪಾಕಿಸ್ತಾನ ನಂ.1 ರ್‍ಯಾಂಕಿಂಗ್ ಮತ್ತು ಏಷ್ಯಾಕಪ್​ ಫೈನಲ್​ ಪ್ರವೇಶವನ್ನು ಕಳೆದುಕೊಂಡಿತು.

• We could see a new #1 team on the @MRFWorldwide ICC Men's ODI Team Rankings as early as Friday 😲https://t.co/4wpbzjfg1j

  — ICC (@ICC) September 15, 2023 " class="align-text-top noRightClick twitterSection" data="

  We could see a new #1 team on the @MRFWorldwide ICC Men's ODI Team Rankings as early as Friday 😲https://t.co/4wpbzjfg1j

  — ICC (@ICC) September 15, 2023

  ">

  We could see a new #1 team on the @MRFWorldwide ICC Men's ODI Team Rankings as early as Friday 😲https://t.co/4wpbzjfg1j

  — ICC (@ICC) September 15, 2023

ವಿಶ್ವಕಪ್​ಗೂ ಮುನ್ನ ಭಾರತ ನಂ. 1!: ವಿಶ್ವಕಪ್​ಗೂ ಮುನ್ನ ಭಾರತ ತಂಡ ಅಗ್ರಸ್ಥಾನಕ್ಕೇರುವ ಸಾಧ್ಯತೆ ಇದೆ. ನಂ.1 ಆಗಿದ್ದ ಪಾಕ್​ ಮೂರನೇ ಸ್ಥಾನಕ್ಕೆ ಕುಸಿದಿದ್ದು, ಭಾರತ ಎರಡನೇ ಸ್ಥಾನದಲ್ಲಿದೆ. ಏಷ್ಯಾಕಪ್​ನಲ್ಲಿ ಇಂದು ಬಾಂಗ್ಲಾ ವಿರುದ್ಧ ಆಡುತ್ತಿದ್ದು, ಸೆಪ್ಟೆಂಬರ್​ 17ಕ್ಕೆ ಶ್ರೀಲಂಕಾ ವಿರುದ್ಧ ಏಷ್ಯಾಕಪ್​ ಫೈನಲ್ ಪಂದ್ಯವಿದೆ. ಇದಾದ ನಂತರ ವಿಶ್ವಕಪ್​ ತಯಾರಿಯ ಹಿನ್ನೆಲೆಯಲ್ಲಿ ಆಸ್ಟ್ರೇಲಿಯಾ ಜೊತೆ ತವರು ಮೈದಾನದಲ್ಲಿ ಮೂರು ಏಕದಿನ ಪಂದ್ಯದ ಸರಣಿ ಆಡಲಿದೆ. ಇವುಗಳಲ್ಲಿ ಭಾರತ ಸತತ ಗೆಲುವು ಸಾಧಿಸಿದೇ ಆದಲ್ಲಿ ವಿಶ್ವಕಪ್​ಗೂ ಮುನ್ನ ಅಗ್ರಸ್ಥಾನ ಅಲಂಕರಿಸಲಿದೆ. ಸದ್ಯ ಭಾರತ ಟೆಸ್ಟ್​ ಮತ್ತು ಟಿ20ಯಲ್ಲಿ ನಂ.1 ತಂಡವಾಗಿದೆ. ಏಕದಿನದಲ್ಲೂ ಅಗ್ರ ಶ್ರೇಯಾಂಕಿತ ತಂಡವಾದರೆ ಮತ್ತೆ ಮೂರು ಮಾದರಿಯ 'ಬಾದ್​ಶಾ' ಆಗಲಿದೆ.

ಹರಿಣಗಳ ಮೇಲೆ ಕಾಂಗರೂ ಸವಾರಿ: ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಆಸ್ಟ್ರೇಲಿಯಾ ತಂಡ ಐವರು ಪ್ರಮುಖ ಆಟಗಾರರ ಗಾಯದಿಂದ ಹೊರಗುಳಿದಿದ್ದರೂ ಉತ್ತಮ ಪ್ರದರ್ಶನ ನೀಡುತ್ತಿದೆ. ವಿಚೆಲ್​ ಮಾರ್ಷ ನಾಯಕತ್ವದಲ್ಲಿ ತಂಡ ಮೂರು ಟಿ20 ಪಂದ್ಯಗಳಲ್ಲಿ ಸೋಲು ಕಂಡಿತ್ತು. ಆದರೆ ಏಕದಿನದಲ್ಲಿ ಕಮ್​ಬ್ಯಾಕ್​ ಮಾಡಿದ ಆಸ್ಟ್ರೇಲಿಯಾ ಐದು ಪಂದ್ಯಗಳ ಸರಣಿಯಲ್ಲಿ ಮೊದಲೆರಡು ಮ್ಯಾಚ್​ ಗೆದ್ದು, ಅಗ್ರಸ್ಥಾನಕ್ಕೇರಿದೆ. ದ.ಆಫ್ರಿಕಾ ವಿರುದ್ಧ ಮೂರನೇ ಪಂದ್ಯದಲ್ಲಿ ಸೋಲುಂಡಿರುವ ಆಸಿಸ್​ಗೆ ಸರಣಿ ವಶಕ್ಕೆ ಇನ್ನುಳಿದ ಎರಡು ಪಂದ್ಯಗಳಲ್ಲಿ ಒಂದನ್ನು ಗೆಲ್ಲಲೇಬೇಕಿದೆ. ನಂತರ ಭಾರತ ಪ್ರವಾಸದಲ್ಲಿ ಮೂರು ಏಕದಿನ ಪಂದ್ಯ ಮುಂದುವರೆದು ವಿಶ್ವಕಪ್​ನಲ್ಲಿ ಆಡಲಿದೆ.

• Indian Team ranking in all formats:
  
  Test - 1
  T20I - 1
  ODI - 2
  
  The best team in the world.....!!!!! pic.twitter.com/I2gt9YMPX6

  — Johns. (@CricCrazyJohns) September 15, 2023 " class="align-text-top noRightClick twitterSection" data="

  Indian Team ranking in all formats:
  
  Test - 1
  T20I - 1
  ODI - 2
  
  The best team in the world.....!!!!! pic.twitter.com/I2gt9YMPX6

  — Johns. (@CricCrazyJohns) September 15, 2023

  ">

  Indian Team ranking in all formats:
  
  Test - 1
  T20I - 1
  ODI - 2
  
  The best team in the world.....!!!!! pic.twitter.com/I2gt9YMPX6

  — Johns. (@CricCrazyJohns) September 15, 2023

ನಂ.1 ಪಟ್ಟಕ್ಕೆ ಇಂಡೋ-ಆಸಿಸ್​ ಫೈಟ್​: ಪ್ರಸ್ತುತ ಆಸ್ಟ್ರೇಲಿಯಾ 118 ರೇಟಿಂಗ್​ನಿಂದ ಮೊದಲ ಸ್ಥಾನದಲ್ಲಿದೆ. ಭಾರತ 116 ಅಂಕಗಳಿಂದ ಎರಡನೇ ಸ್ಥಾನದಲ್ಲಿದೆ. ಭಾರತದಲ್ಲಿ ನಡೆಯುವ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಯಾರು ಪ್ರಾಬಲ್ಯ ಸಾಧಿಸುತ್ತಾರೋ ಅವರು ವಿಶ್ವಕಪ್​ಗೂ ಮುನ್ನ ನಂ.1 ಸ್ಥಾನ ಪಡೆಯಲಿದ್ದಾರೆ.

ಇದನ್ನೂ ಓದಿ: ಏಷ್ಯಾಕಪ್‌ನಲ್ಲಿಂದು ಭಾರತ-ಬಾಂಗ್ಲಾದೇಶ ಫೈಟ್​: ಟಾಸ್‌ ಗೆದ್ದ ಭಾರತ ಬೌಲಿಂಗ್, ತಿಲಕ್​ ವರ್ಮಾ ಪಾದಾರ್ಪಣೆ