IND Vs AUS 3rd Test: ಆಸೀಸ್​ ಸ್ಪಿನ್ನರ್​ಗಳೆದುರು ಎಡವಿಡ ಭಾರತ, 109ಕ್ಕೆ ಸರ್ವ ಪತನ

ಇಂದೋರ್​ನ ಹೋಳ್ಕರ್​ ಕ್ರೀಡಾಂಗಣದಲ್ಲಿ ಮೂರನೇ ಟೆಸ್ಟ್​ ಪಂದ್ಯ - 109ಕ್ಕೆ ಸರ್ವ ಪತನ ಕಂಡ ಭಾರತ - ಆಸಿಸ್​ ಸ್ಪಿನ್ನರ್​ಗಳೆದುರು ಭಾರತೀಯರ ಬ್ಯಾಟಿಂಗ್​ ವಿಫಲ

ಇಂದೋರ್​ : ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ ಫೈನಲ್​ಗೆ ತಲುಪುವ ಗುರಿಯೊಂದಿಗೆ ಕಣಕ್ಕಿಳಿದ ಭಾರತ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಪತನದ ಹಾದಿ ಹಿಡಿದಿದೆ. ಮೊದಲ ದಿನದಾಟದ ಭೋಜನ ವಿರಾಮದ ವೇಳೆಗೆ 7 ವಿಕೆಟ್​ ಕಳೆದು ಕೊಂಡಿತ್ತು. ನಂತರ ಅರ್ಧಗಂಟೆಯಲ್ಲಿ ಎಲ್ಲಾ ವಿಕೆಟ್​ ಕಳೆದುಕೊಂಡ ಭಾರತ 109 ರನ್​ ಗಳಿಸಿತು. ಬೌನ್ಸಿ ಪಿಚ್​ನಲ್ಲಿ ಕಮಾಲ್​ ಮಾಡಿದ ಆಸೀಸ್​ ಸ್ಪಿನ್ನರ್​ಗಳು ಭಾರತವನ್ನು ಕಾಡಿದರು. ಮ್ಯಾಥ್ಯೂ ಕುಹ್ನೆಮನ್ 5 ವಿಕೆಟ್​ ಗಳಿಸಿದರು.

ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್​ - ಗವಾಸ್ಕರ್​ ಟ್ರೋಫಿಯ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಟಾಸ್​ ಗೆದ್ದ ಭಾರತ ತಂಡದ ನಾಯಕ ರೋಹಿತ್​ ಶರ್ಮಾ ಬ್ಯಾಟಿಂಗ್​ ಆಯ್ದುಕೊಂಡಿದ್ದಾರೆ. ಬ್ಯಾಟಿಂಗ್​ನಲ್ಲಿ ವಿರಾಟ್​ 22 ಮತ್ತು ಗಿಲ್​ 21 ರನ್​ ಗಳಿಸಿದ್ದು ಬಿಟ್ಟರೆ ಮತ್ತಾರು 20ರ ಗಡಿ ದಾಟಿಲ್ಲ. 5ರನ್​ ಒಳಗೆ 5 ವಿಕೆಟ್​ಗಳನ್ನು ಭಾರತೀಯರು ಒಪ್ಪಿಸಿದ್ದಾರೆ.

• A brilliant bowling performance from Australia 👏#WTC23 | #INDvAUS | 📝: https://t.co/FFaPxt9fIY pic.twitter.com/M8pfmScWiv

  — ICC (@ICC) March 1, 2023 " class="align-text-top noRightClick twitterSection" data="

  A brilliant bowling performance from Australia 👏#WTC23 | #INDvAUS | 📝: https://t.co/FFaPxt9fIY pic.twitter.com/M8pfmScWiv

  — ICC (@ICC) March 1, 2023

  ">

  A brilliant bowling performance from Australia 👏#WTC23 | #INDvAUS | 📝: https://t.co/FFaPxt9fIY pic.twitter.com/M8pfmScWiv

  — ICC (@ICC) March 1, 2023

ಮ್ಯಾಥ್ಯೂ ಕುಹ್ನೆಮನ್ 5, ನಾಥನ್ ಲಿಯಾನ್ 3 ಮತ್ತು ಟಾಡ್ ಮರ್ಫಿ 1 ವಿಕೆಟ್​ ಪಡೆದರು. ಮೈಕೆಲ್ ಕಾಸ್ಪ್ರೊವಿಚ್ ಆಸಿಸ್​ ತಂಡ ಮೂವರು ಸ್ಪಿನ್ನರ್​ಗಳೊಂದಿಗೆ ಆಡುವ ಅಗತ್ಯ ಇಲ್ಲ ಎಂಬ ಅಭಿಪ್ರಾಯ ವ್ಯಕ್ತ ಪಡಿಸಿದ್ದರು. ಆದರೆ ಆಸಿಸ್​ ಸ್ಪಿನ್ನರ್​ಗಳು ಈ ಅಭಿಪ್ರಾಯವನ್ನು ಅಡಿ ಮೇಲೆ ಮಾಡಿದ್ದಾರೆ. ಬೌನ್ಸಿ ಪಿಚ್​ನಲ್ಲೂ ಕಮಾಲ್​ ಮಾಡಿದ್ದು 9 ವಿಕೆಟ್​ಗಳನ್ನು ಸ್ಪಿನ್ನರ್​ಗಳೇ ಕಬಳಿಸಿದ್ದಾರೆ.

ಮೊದಲ ಟೆಸ್ಟ್​ನಲ್ಲಿ ಶತಕ ಗಳಿಸಿದ್ದ ನಾಯಕ ರೋಹಿತ್​ ಶರ್ಮಾ 12 ರನ್​ಗೆ ವಿಕೆಟ್ ಒಪ್ಪಿಸಿದರು. ಫಾರ್ಮ್​ ಕೊರತೆಯಿಂದ ಹೊರಗುಳಿದಿರುವ ಕೆ. ಎಲ್. ರಾಹುಲ್​ ಸ್ಥಾನಕ್ಕೆ ಬದಲಿಯಾಗಿ ಬಂದ ಶುಭಮನ್​ ಗಿಲ್​ ವೇಗವಾಗಿ ರನ್​ ಗಳಿಸಿದರಾದರೂ 21 ರನ್​ಗೆ (18 ಎಸೆತದಲ್ಲಿ) ಪೆವಿಲಿಯನ್​​ ದಾರಿ ಹಿಡಿದರು. 101ನೇ ಪಂದ್ಯ ಆಡುತ್ತಿರುವ ಚೇತೇಶ್ವರ ಪೂಜಾರ ಒಂದು ರನ್​ಗೆ ಔಟ್​ ಆದರು.

ಕಳೆದೆರಡು ಪಂದ್ಯಗಳಲ್ಲಿ ಉತ್ತಮ ಬ್ಯಾಟಿಂಗ್​ ಮಾಡಿದ್ದ ಜಡೇಜ (4) ಬಡ್ತಿ ಪಡೆದರಾದರೂ ಲಿಯಾನ್​ ಬೌಲಿಂಗ್​ನಲ್ಲಿ ಎಡವಿದರು. ಶ್ರೇಯಸ್​ ಅಯ್ಯರ್​ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದ್ದಾರೆ. ವಿರಾಟ್​ ಕೊಹ್ಲಿ ತವರು ನೆಲದ ಅಂತರಾಷ್ಟ್ರೀಯ 200ನೇ ಪಂದ್ಯದಲ್ಲಿ ಎದುರಾಳಿಗಳ ಮೇಲೆ ಸವಾರಿ ಮಾಡುವಂತೆ ಕಂಡರೂ 22 ರನ್​ಗೆ ಪೆವಿಲಿಯನ್​ ಹಾದಿ ಹಿಡಿದರು. ಡೆಬ್ಯೂ ಸಿರೀಸ್​ನಲ್ಲಿ ಕೀಪರ್​ ಶ್ರೀಕರ್​ ಭರತ್​(17) ಮತ್ತೆ ವೈಫಲ್ಯ ಕಂಡರು. ಅಶ್ವಿನ್​ 3ಕ್ಕೆ ಔಟ್​ ಆದರೆ, ಉಮೇಶ್​ ಯಾದವ್​ ಎರಡು ಸಿಕ್ಸ್​ ಮತ್ತು 1 ಬೌಂಡರಿಯಿಂದ 17 ರನ್​ ಗಳಿಸಿದರು. ಸಿರಾಜ್​ ಶೂನ್ಯ ಸುತ್ತಿದರು ಭಾರತ 109 ಮೊದಲ ಇನ್ನಿಂಗ್ಸ್​ ಮುಗಿಸಿದೆ.

• 🚨 Team News 🚨
  
  2️⃣ changes for #TeamIndia as Shubman Gill & Umesh Yadav are named in the team. #INDvAUS | @mastercardindia
  
  Follow the match ▶️ https://t.co/xymbrIdggs
  
  Here's our Playing XI 🔽 pic.twitter.com/8tAOuzn1Xp

  — BCCI (@BCCI) March 1, 2023 " class="align-text-top noRightClick twitterSection" data="

  🚨 Team News 🚨
  
  2️⃣ changes for #TeamIndia as Shubman Gill & Umesh Yadav are named in the team. #INDvAUS | @mastercardindia
  
  Follow the match ▶️ https://t.co/xymbrIdggs
  
  Here's our Playing XI 🔽 pic.twitter.com/8tAOuzn1Xp

  — BCCI (@BCCI) March 1, 2023

  ">

  🚨 Team News 🚨
  
  2️⃣ changes for #TeamIndia as Shubman Gill & Umesh Yadav are named in the team. #INDvAUS | @mastercardindia
  
  Follow the match ▶️ https://t.co/xymbrIdggs
  
  Here's our Playing XI 🔽 pic.twitter.com/8tAOuzn1Xp

  — BCCI (@BCCI) March 1, 2023

ಈಗಾಗಲೇ ಸರಣಿಯಲ್ಲಿ 2-0 ಮುನ್ನಡೆಯಲ್ಲಿರುವ ಟೀಂ ಇಂಡಿಯಾ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಕೆಲ ಬದಲಾವಣೆಯೊಂದಿಗೆ ಕಣಕ್ಕಿಳಿದಿದೆ. ಭಾರತ ತಂಡದಲ್ಲಿ ಆರಂಭಿಕ ರಾಹುಲ್​ ಬದಲಿಗೆ ಯುವ ಆಟಗಾರ ಶುಭಮನ್​ ಗಿಲ್​ ಹಾಗೂ ಮೊಹಮದ್​ ಶಮಿ ಸ್ಥಾನದಲ್ಲಿ ಉಮೇಶ್​ ಯಾದವ್​ ಆಡಲಿದ್ದಾರೆ. ವೇಗಿ ಮೊಹಮದ್​ ಶಮಿಗೆ ವಿಶ್ರಾಂತಿ ನೀಡಲಾಗಿದೆ. ಇನ್ನುಳಿದಂತೆ ಕಳೆದೆರಡು ಪಂದ್ಯಗಳನ್ನಾಡಿದ ಆಟಗಾರರನ್ನೇ ಮುಂದುವರೆಸಲಾಗಿದೆ. ಇನ್ನೊಂದೆಡೆ ಗಾಯಾಳುಗಳ ಸಮಸ್ಯೆಗೆ ಸಿಲುಕಿರುವ ಕಾಂಗರೂ ಪಡೆಯನ್ನು ಪ್ಯಾಟ್​ ಕಮಿನ್ಸ್​ ಅನುಪಸ್ಥಿತಿಯಲ್ಲಿ ಸ್ಟಿವ್​ ಸ್ಮಿತ್​ ಮುನ್ನಡೆಸುತ್ತಿದ್ದಾರೆ. ತಮ್ಮ ತಾಯಿಯ ಆನಾರೋಗ್ಯದ ಹಿನ್ನೆಲೆಯಲ್ಲಿ ತವರಿಗೆ ತೆರಳಿದ್ದ ಕಮಿನ್ಸ್ ಇನ್ನೂ ಸಹ ತಂಡವನ್ನು ಸೇರಿಕೊಂಡಿಲ್ಲ.

ಜೊತೆಗೆ, ಆರಂಭಿಕ ಆಟಗಾರ ಡೇವಿಡ್​ ವಾರ್ನರ್​, ವೇಗದ ಬೌಲರ್​ ಜೋಶ್​ ಹೇಜಲ್​ವುಡ್​ ಗಾಯದಿಂದಾಗಿ ಆಸ್ಟ್ರೇಲಿಯಾಗೆ ಮರಳಿದ್ದಾರೆ. ಇವರೊಟ್ಟಿಗೆ ಸ್ಪಿನ್​ ಬೌಲರ್​ ಆಸ್ಟನ್​ ಅಗರ್​ ಕೂಡ ವಾಪಸ್​ ತೆರಳಿದ್ದಾರೆ. ಹೀಗಾಗಿ ಈ ಪಂದ್ಯದಲ್ಲಿ ಆಸೀಸ್​ ತಂಡದಲ್ಲಿ ಎರಡು ಬದಲಾವಣೆ ಮಾಡಲಾಗಿದೆ. ಆಲ್​ರೌಂಡರ್​ ಕ್ಯಾಮರೂನ್ ಗ್ರೀನ್ ಹಾಗೂ ವೇಗದ ಬೌಲರ್​ ಮಿಚೆಲ್​ ಸ್ಟಾರ್ಕ್​ ಆಡುವ 11ರ ಬಳಗಕ್ಕೆ ಮರಳಿದ್ದಾರೆ. ಟ್ರಾವಿಸ್​ ಹೆಡ್​ ಆರಂಭಿಕರಾಗಿ ಕಣಕ್ಕಿಳಿಯಲಿದ್ದಾರೆ.

ಮೊದಲೆರಡು ಟೆಸ್ಟ್​ ಪಂದ್ಯಗಳಲ್ಲಿ ಸೋತು ಈಗಾಗಲೇ ಸರಣಿ ಕೈಬಿಟ್ಟಿರುವ ಆಸೀಸ್​​ ಮೂರನೇ ಪಂದ್ಯದಲ್ಲಾದರೂ ಪುಟಿದೇಳಲಿದೆಯಾ ಎಂಬ ನಿರೀಕ್ಷೆ ಎಲ್ಲರಲ್ಲಿದೆ. ಇತ್ತ ಈಗಾಗಲೇ 2-0 ಅಂತರದ ಮುನ್ನಡೆಯೊಂದಿಗೆ ಬಾರ್ಡರ್​ - ಗವಾಸ್ಕರ್​ ಟ್ರೋಫಿಯನ್ನು ಮತ್ತೊಮ್ಮೆ ತನ್ನಲ್ಲೇ ಉಳಿಸಿಕೊಂಡಿರುವ ಟೀಂ ಇಂಡಿಯಾ ತನ್ನ ಗೆಲುವಿನ ಓಟ ಮುಂದುವರೆಸುವ ಮೂಲಕ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​​ಗೆ ಲಗ್ಗೆ ಇಡುವತ್ತ ದೃಷ್ಟಿ ನೆಟ್ಟಿದೆ.

ಎರಡೂ ತಂಡಗಳ 11ರ ಬಳಗ: ಭಾರತ : ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ್ ಪೂಜಾರ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ರವೀಂದ್ರ ಜಡೇಜಾ, ಶ್ರೀಕರ್ ಭರತ್ (ವಿ. ಕೀ), ಅಕ್ಸರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ಉಮೇಶ್ ಯಾದವ್, ಮೊಹಮ್ಮದ್ ಸಿರಾಜ್

ಆಸ್ಟ್ರೇಲಿಯಾ : ಉಸ್ಮಾನ್ ಖವಾಜಾ, ಟ್ರಾವಿಸ್ ಹೆಡ್, ಮಾರ್ನಸ್ ಲ್ಯಾಬುಶೇನ್​, ಸ್ಟೀವನ್ ಸ್ಮಿತ್ (ನಾಯಕ), ಪೀಟರ್ ಹ್ಯಾಂಡ್​​​ಸ್ಕೋಬ್, ಕ್ಯಾಮರೂನ್ ಗ್ರೀನ್, ಅಲೆಕ್ಸ್ ಕ್ಯಾರಿ (ವಿ. ಕೀ), ಮಿಚೆಲ್ ಸ್ಟಾರ್ಕ್, ನಾಥನ್ ಲಿಯಾನ್, ಟಾಡ್ ಮರ್ಫಿ, ಮ್ಯಾಥ್ಯೂ ಕುಹ್ನೆಮನ್

ಇದನ್ನೂ ಓದಿ: ಭಾರತ ಮಹಿಳಾ ತಂಡಕ್ಕೆ ಸ್ನೂಕರ್ ವಿಶ್ವಕಪ್ ಪ್ರಶಸ್ತಿ