ವೆಸ್ಟ್​ ಇಂಡೀಸ್​ ವಿರುದ್ಧ 6 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದ ಭಾರತ, ಟಿ-20 ಸರಣಿಯಲ್ಲಿ 1-0 ಮುನ್ನಡೆ

ಯುವ ಸ್ಪಿನ್ನರ್ ರವಿ ಬಿಷ್ಣೋಯ್​​ ಬೌಲಿಂಗ್ ಮತ್ತು ನಾಯಕ ರೋಹಿತ್ ಶರ್ಮಾರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಆತಿಥೇಯ ಭಾರತ ತಂಡ 4 ವಿಕೆಟ್​ ಅಂತರದಿಂದ ವಿಂಡೀಸ್​ ವಿರುದ್ಧ ಜಯ ಸಾಧಿಸಿದೆ.

ಕೋಲ್ಕತ್ತಾ: ರವಿ ಬಿಷ್ಣೋಯ್​ ಬೌಲಿಂಗ್ ಮತ್ತು ನಾಯಕ ರೋಹಿತ್ ಶರ್ಮಾ ಹಾಗೂ ಸೂರ್ಯಕುಮಾರ್ ಯಾದವ್​ ಅವರ ಅಬ್ಬರ ಬ್ಯಾಟಿಂಗ್ ನೆರವಿನಿಂದ ವೆಸ್ಟ್​ ಇಂಡೀಸ್​ ವಿರುದ್ಧದ ಮೊದಲ ಏಕದಿನ ಪಂದ್ಯವನ್ನು ಭಾರತ 6 ವಿಕೆಟ್​ಗಳಿಂದ ಗೆದ್ದು 3 ಪಂದ್ಯಗಳ ಸರಣಿಯನ್ನು 1-0ಯಲ್ಲಿ ಮುನ್ನಡೆ ಪಡೆದುಕೊಂಡಿದೆ.

ವೆಸ್ಟ್​ ಇಂಡೀಸ್​ ನೀಡಿದ್ದ 158 ರನ್​ಗಳ ಗುರಿಯನ್ನು ಬೆನ್ನಟ್ಟಿದ ಭಾರತ ತಂಡ ಇನ್ನು 7 ಎಸೆತಗಳಿರುವಂತೆಯೇ 4 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿದೆ. ಆರಂಭಿಕರಾಗಿ ಕಣಕ್ಕಿಳಿದಿದ್ದ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶನ್​ ಮೊದಲ ವಿಕೆಟ್​ಗೆ 64 ರನ್​ಗಳಿಸಿದರು. ರೋಹಿತ್ 19 ಎಸೆತಗಳಲ್ಲಿ 4 ಬೌಂಡರಿ ಮತ್ತು 3 ಸಿಕ್ಸರ್​ ಸಹಿತ 40 ರನ್​ಗಳಿಸಿದರು.

ಆದರೆ ಇಶಾನ್​ ಕಿಶನ್​ ಆರಂಭದಿಂದ ವಿಕೆಟ್ ಒಪ್ಪಿಸುವವರೆಗೂ ರನ್​ಗಳಿಸಲೂ ಪರದಾಡಿದರು. ಜಾರ್ಖಂಡ್​ ಬ್ಯಾಟರ್​ 42 ಎಸೆತಗಳಲ್ಲಿ 4 ಬೌಂಡರಿ ಸೇರಿದಂತೆ ಕೇವಲ 35 ರನ್​ಗಳಿಸಿದರು. ರಾಸ್ಟನ್​ ಚೇಸ್​ ಭಾರತದ ಆರಂಭಿಕರಿಬ್ಬರ ವಿಕೆಟ್​ ಪಡೆದುಕೊಂಡರು.

• .@surya_14kumar and Venkatesh Iyer take #TeamIndia home with a 6-wicket win in the 1st T20I.
  
  Scorecard - https://t.co/dSGcIkX1sx #INDvWI @Paytm pic.twitter.com/jfrJo0fsR3

  — BCCI (@BCCI) February 16, 2022 " class="align-text-top noRightClick twitterSection" data="

  .@surya_14kumar and Venkatesh Iyer take #TeamIndia home with a 6-wicket win in the 1st T20I.
  
  Scorecard - https://t.co/dSGcIkX1sx #INDvWI @Paytm pic.twitter.com/jfrJo0fsR3

  — BCCI (@BCCI) February 16, 2022

  ">

  .@surya_14kumar and Venkatesh Iyer take #TeamIndia home with a 6-wicket win in the 1st T20I.
  
  Scorecard - https://t.co/dSGcIkX1sx #INDvWI @Paytm pic.twitter.com/jfrJo0fsR3

  — BCCI (@BCCI) February 16, 2022

ನಂತರ ಬಂದ ವಿರಾಟ್​ ಕೊಹ್ಲಿ 13 ಎಸೆತಗಳಲ್ಲಿ 17, ರಿಷಭ್​ ಪಂತ್​ 8 ರನ್​ಗಳಿಸಿ ಬಂದ ದಾರಿಯಲ್ಲೇ ವಾಪಸ್​ ತೆರಳಿದರು. ಆದರೆ, ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ ಸೂರ್ಯಕುಮಾರ್ ಯಾದವ್​ ಕೇವಲ 18 ಎಸೆತಗಳಲ್ಲಿ 5 ಬೌಂಡರಿ 1 ಸಿಕ್ಸರ್​ ಸಹಿತ ಅಜೇಯ 34 ರನ್​ಗಳಿಸಿದರೆ, ಆಲ್​ರೌಂಡರ್​ ವೆಂಕಟೇಶ್ ಅಯ್ಯರ್​13 ಎಸೆತಗಳಲ್ಲಿ 24 ರನ್​ಗಳಿಸಿ ತಂಡವನ್ನ ಗೆಲುವಿನ ಗಡಿ ದಾಟಿಸಿದರು. ವೆಸ್ಟ್​ ಇಂಡೀಸ್ ಪರ ರಾಸ್ಟನ್ ಚೇಸ್​ 4 ಓವರ್​ಗಳಲ್ಲಿ 14 ರನ್​ ನೀಡಿ 2 ವಿಕೆಟ್​ ಪಡೆದರು, ಅಲೆನ್​ ಮತ್ತು ಕಾಟ್ರೆಲ್ ತಲಾ ಒಂದು ವಿಕೆಟ್​ ಪಡೆದರು.

ಇದಕ್ಕೂ ಮುನ್ನ ಟಾಸ್ ಸೋತು ಬ್ಯಾಟಿಂಗ್ ಮಾಡಿದ್ದ ವೆಸ್ಟ್​ ಇಂಡೀಸ್​ 20 ಓವರ್​ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 157 ರನ್​ಗಳಿಸಿತ್ತು. ನಿಕೋಲಸ್​ ಪೂರನ್​ 43 ಎಸೆತಗಳಲ್ಲಿ 4 ಬೌಂಡರಿ ಮತ್ತು 5 ಸಿಕ್ಸರ್​ ಸಹಿತ 61 ರನ್​ಗಳಿಸಿದರೆ, ನಾಯಕ ಪೊಲಾರ್ಡ್​ ಅಜೇಯ 24, ಕೈಲ್ ಮೇಯರ್ಸ್​ 31 ರನ್​ಗಳಿಸಿದರು.

ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದ ಯುವ ಸ್ಪಿನ್ನರ್ ರವಿ ಬಿಷ್ಣೋಯ್​​ 17ಕ್ಕೆ 2 ವಿಕೆಟ್​ ಪಡೆದು ಮಿಂಚಿದರು. ಹರ್ಷಲ್ ಪಟೇಲ್ 37ಕ್ಕೆ 2, ಭುವನೇಶ್ವರ್​ 31ಕ್ಕೆ1, ದೀಪಕ್​ ಚಾಹರ್​ 28ಕ್ಕೆ1, ಚಹಲ್ 34ಕ್ಕೆ 1 ವಿಕೆಟ್ ಪಡೆದರು.

ಇದನ್ನೂ ಓದಿ:ವಿದೇಶಿ ಆಟಗಾರರ ಮೇಲೆ ಹೆಚ್ಚು ಹೂಡಿಕೆ; ಅಗ್ರಸ್ಥಾನದಲ್ಲಿ SRH, RCB, ಅತ್ಯಂತ ಕಡಿಮೆ ವ್ಯಯಿಸಿದ CSK