ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ಪುರುಷ ತಂಡಗಳ ಟೆಸ್ಟ್ ಸರಣಿಗೆ ಬಾರ್ಡರ್ - ಗವಾಸ್ಕರ್ ಟ್ರೋಫಿ ಇರುವಂತೆ, ಮಹಿಳಾ ಟೆಸ್ಟ್ ಸರಣಿಗೆ ಮಾಜಿ ಮಹಿಳಾ ಕ್ರಿಕೆಟಿಗರ ಹೆಸರಿನೊಂದಿಗೆ ಟ್ರೋಫಿ ಅಗತ್ಯವಿದೆ ಎಂದು ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಮತ್ತು ಐಸಿಸಿ ವುಮೆನ್ಸ್ ಕಮಿಟಿಯ ಸದಸ್ಯೆ ಮೆಲ್ ಜೋನ್ಸ್ ಹೇಳಿದ್ದಾರೆ.
ಬಾರ್ಡರ್-ಗವಾಸ್ಕರ್ ಟ್ರೋಫಿಯಂತಹದನ್ನು ಮಹಿಳಾ ಕ್ರಿಕೆಟ್ ಸಹ ಹೊಂದುವುದು ಅದ್ಭುತವಾಗಿದೆ. ಮಹಿಳಾ ಕ್ರಿಕೆಟ್ಗೂ ಕೂಡ ನಮ್ಮದೇ ಆದ ಹೊಸ ಮಾರ್ಗವನ್ನು ಹುಡುಕಬೇಕಿದೆ ಎಂದು ಜೋನ್ಸ್ ಕ್ರಿಕೆಟ್ ಡಾಟ್ ಕಾಮ್ಗೆ ತಿಳಿಸಿದ್ದಾರೆ.
" ನಾವು ಕ್ರಿಕೆಟ್ ಆಟವನ್ನು ಇಷ್ಟಪಡುತ್ತೇವೆ, ಏಕೆಂದರೆ ಅದರೊಂದಿಗೆ ಇತಿಹಾಸವನ್ನು ಜೋಡಿಸಲಾಗಿದೆ. ಪುರುಷರ ಮತ್ತು ಮಹಿಳೆಯರ ಎರಡೂ ತಂಡಗಳೂ ತಮ್ಮದೇ ಆದ ಆ್ಯಷಸ್ ಟ್ರೋಫಿಗಳ ಹಿಂದೆ ಈ ಭವ್ಯವಾದ ಕಥಾಹಂದರವನ್ನು ಹೊಂದಿವೆ. ಇದೀಗ ನಾವು ಆ್ಯಷಸ್‌ನಂತೆಯೇ ಭಾರತದೊಂದಿಗೆ ಮತ್ತೊಂದು ಟ್ರೋಫಿಯನ್ನು ಪಡೆಯಬೇಕಿದೆ" ಎಂದು ಜೋನ್ಸ್ ಹೇಳಿದ್ದಾರೆ.
ಭಾರತ ಮತ್ತು ಆಸ್ಟ್ರೇಲಿಯಾ ಮಹಿಳಾ ತಂಡಗಳು 1977ರಲ್ಲಿ ಪರ್ತ್ನಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನಾಡಿದ್ದವು. ಆ ಪಂದ್ಯವನ್ನು ಆಸ್ಟ್ರೇಲಿಯಾ 147 ರನ್ಗಳಿಂದ ಗೆದ್ದಿತ್ತು. ನಂತರದ 44 ವರ್ಷಗಳಲ್ಲಿ ಎರಡೂ ತಂಡಗಳು 8 ಟೆಸ್ಟ್ನ ಪಂದ್ಯಗಳನ್ನಾಡಿವೆ. ಇದರಲ್ಲಿ 5 ಡ್ರಾಗೊಂಡಿದ್ದರೆ, 4 ಪಂದ್ಯಗಳನ್ನು ಆಸ್ಟ್ರೇಲಿಯಾ ವನಿತೆಯರು ಗೆದ್ದುಕೊಂಡಿದ್ದಾರೆ.
ಸೆಪ್ಟೆಂಬರ್-ಅಕ್ಟೋಬರ್ನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳು ಪರ್ತ್ನಲ್ಲಿ ತಮ್ಮ 10ನೇ ಟೆಸ್ಟ್ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿವೆ.
ಇದನ್ನು ಓದಿ:ಹೀಗಾದ್ರೆ... ಆಂಗ್ಲರ ವಿರುದ್ಧ ಭಾರತ ಟೆಸ್ಟ್ ಸರಣಿ ಕ್ಲೀನ್ ಸ್ವೀಪ್ ಮಾಡಲಿದೆ: ಇಂಗ್ಲೆಂಡ್ ಮಾಜಿ ಬೌಲರ್
