ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ಗೆ ಮತ್ತೆ ಮುಖಭಂಗ: 8 ವಿಕೆಟ್​ಗಳಿಂದ ಮಣಿಸಿದ ಶ್ರೀಲಂಕಾಗೆ ಸತತ ಎರಡನೇ ಗೆಲುವು

ಸತತ ಮೂರು ಪಂದ್ಯಗಳಲ್ಲಿ ಸೋತ ಇಂಗ್ಲೆಂಡ್​ ಸೆಮಿಫೈನಲ್​ ಹಾದಿಯನ್ನು ಕಠಿಣ ಮಾಡಿಕೊಂಡರೆ, ಸತತ 2 ಗೆಲುವು ದಾಖಲಿಸಿದ ಶ್ರೀಲಂಕಾ ಸೆಮೀಸ್​ ಆಸೆ ಉಳಿಸಿಕೊಂಡಿತು. ಇಂಗ್ಲೆಂಡ್​ ಮುಂದಿನ ಪಂದ್ಯ ಅ.29 ರಂದು ಭಾರತ ವಿರುದ್ಧ ಆಡಲಿದೆ. ಲಂಕಾ 30 ರಂದು ಅಫ್ಘಾನಿಸ್ತಾನ ಎದುರು ಸೆಣಸಲಿದೆ.

ಬೆಂಗಳೂರು: ವಿಶ್ವಕಪ್​ ಫೇವರೆಟ್​ ತಂಡಗಳಲ್ಲಿ ಒಂದಾದ ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ಗೆ ಈ ಬಾರಿಯ ಟೂರ್ನಿ ಅದ್ಯಾಕೋ ಒಗ್ಗಿಲ್ಲ. ಏಕದಿನ ವಿಶ್ವಕಪ್​ಗೆ ಅರ್ಹತಾ ಪಂದ್ಯಗಳನ್ನು ಆಡಿದ ತಂಡಗಳ ಎದುರು ಸೋಲು ಕಾಣುತ್ತಿದೆ. ಮೊದಲು ಅಫ್ಘಾನಿಸ್ತಾನ ವಿರುದ್ಧ ಸೋತಿದ್ದರೆ, ಗುರುವಾರ ನಡೆದ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಮಂಡಿಯೂರಿದೆ.

• Sri Lanka have upended a strong England lineup to keep their #CWC23 semi-finals qualification hopes alive 👌
  
  With this, they have triumphed in their last five ICC Men's Cricket World Cup encounters against England 🎇#ENGvSL 📝: https://t.co/VsDcKNha02 pic.twitter.com/WORxTQSajE

  — ICC Cricket World Cup (@cricketworldcup) October 26, 2023 " class="align-text-top noRightClick twitterSection" data="

  Sri Lanka have upended a strong England lineup to keep their #CWC23 semi-finals qualification hopes alive 👌
  
  With this, they have triumphed in their last five ICC Men's Cricket World Cup encounters against England 🎇#ENGvSL 📝: https://t.co/VsDcKNha02 pic.twitter.com/WORxTQSajE

  — ICC Cricket World Cup (@cricketworldcup) October 26, 2023

  ">

  Sri Lanka have upended a strong England lineup to keep their #CWC23 semi-finals qualification hopes alive 👌
  
  With this, they have triumphed in their last five ICC Men's Cricket World Cup encounters against England 🎇#ENGvSL 📝: https://t.co/VsDcKNha02 pic.twitter.com/WORxTQSajE

  — ICC Cricket World Cup (@cricketworldcup) October 26, 2023

ಬ್ಯಾಟಿಂಗ್​ ಸ್ವರ್ಗ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ಇಂಗ್ಲೆಂಡ್​ ಬ್ಯಾಟರ್​ಗಳ ವೈಫಲ್ಯದಿಂದ 33.2 ಓವರ್​ಗಳಲ್ಲಿ 156 ರನ್​ಗೆ ಸರ್ವಪತನ ಕಂಡಿತು. ಸಾಧಾರಣ ಗುರಿ ಬೆನ್ನತ್ತಿದ ಲಂಕಾ ಪಡೆ 25.4 ಓವರ್​ಗಳಲ್ಲಿ 2 ವಿಕೆಟ್​ ಕಳೆದುಕೊಂಡು 160 ರನ್​ ಗಳಿಸಿ ಟೂರ್ನಿಯಲ್ಲಿ ಸತತ 2ನೇ ಗೆಲುವು ದಾಖಲಿಸಿ, ಸೆಮಿಫೈನಲ್​ ಆಸೆ ಜೀವಂತವಾಗಿರಿಸಿಕೊಂಡಿತು. ಆಂಗ್ಲಪಡೆ ಸತತ ಮೂರು ಪಂದ್ಯಗಳಲ್ಲಿ ಸೋತು ಸೆಮೀಸ್​ನಿಂದ ಮತ್ತಷ್ಟು ದೂರವಾಯಿತು.

ಗೆಲುವು ತಂದುಕೊಟ್ಟ ಅರ್ಧಶತಕಗಳ ಜೋಡಿ: ಸಾಧಾರಣ ಗುರಿ ಬೆನ್ನಟ್ಟಿದ ಲಂಕಾದ ಮೇಲೆ ಒತ್ತಡ ಹೇರಲು ಇಂಗ್ಲೆಂಡ್​ ಪ್ರಯತ್ನಿಸಿತು. ಕುಸಾಲ್​ ಪೆರಾರ 4, ನಾಯಕ ಕುಸಾಲ್​ ಮೆಂಡಿಸ್​ 11 ರನ್​ಗೆ ವಿಕೆಟ್​ ನೀಡಿದರು. 23 ರನ್​ಗೆ 2 ವಿಕೆಟ್​ ಬಿದ್ದಿದ್ದರಿಂದ ಲಂಕಾ ನಿಧಾನಗತಿ ಬ್ಯಾಟಿಂಗ್​ ಮೊರೆ ಹೋಯಿತು. ಪಥುಮ್​ ನಿಸ್ಸಂಕಾ (77) ಮತ್ತು ಸದೀರ ಸಮರವಿಕ್ರಮ(65) ಅರ್ಧಶತಕ ಬಾರಿಸುವ ಮೂಲಕ ಗೆಲುವು ಸಲೀಸಾಗುವಂತೆ ಮಾಡಿದರು. ಈ ಮೂಲಕ ಪಾಯಿಂಟ್​ ಪಟ್ಟಿಯಲ್ಲಿ 5ನೇ ಸ್ಥಾನಕ್ಕೇರಿತು.

ಠುಸ್ಸಾದ ಇಂಗ್ಲೆಂಡ್​ ಬ್ಯಾಟಿಂಗ್​: ಇಂಗ್ಲೆಂಡ್​ ತಂಡದ ಬಲವೇ ಬ್ಯಾಟಿಂಗ್​. 9ನೇ ಕ್ರಮಾಂಕದವರೆಗೂ ಬ್ಯಾಟ್ ಬೀಸಬಲ್ಲ ಆಟಗಾರರಿದ್ದಾರೆ. ಆದರೆ, ಇದೆಲ್ಲಾ ಲೆಕ್ಕಾಚಾರ ವಿಶ್ವಕಪ್​​ನಲ್ಲಿ ಬುಡಮೇಲಾಗಿದೆ. ಆರಂಭಿಕರಾದ ಬೈರ್​ಸ್ಟೋವ್​ 30, ಡೇವಿಡ್​ ಮಲಾನ್​ 28, ಬೆನ್​ ಸ್ಟೋಕ್ಸ್​ 43 ಗಳಿಸಿದ್ದು ಬಿಟ್ಟರೆ ಯಾರೊಬ್ಬರೂ ಮೈದಾನದಲ್ಲಿ ನೆಲೆಯೂರಲಿಲ್ಲ. ಅಷ್ಟೇನೂ ಪ್ರಭಾವಿ ಅಲ್ಲದ ಬೌಲಿಂಗ್​ ಪಡೆಯಾಗಿರುವ ಲಂಕಾಗೆ ಸತತ ವಿಕೆಟ್​ ನೀಡಿ 156 ರನ್​ಗೆ ಆಲೌಟ್​ ಆದರು. ಅದೂ 33.2 ಓವರ್‌ಗಳಲ್ಲಿ. ಈ ದಶಕದ ಅದ್ಭುತ ಬ್ಯಾಟರ್​ಗಳಲ್ಲಿ ಒಬ್ಬರಾದ ಜೋ ರೂಟ್​, ನಾಯಕ ಜಾಸ್​ ಬಟ್ಲರ್​, ಹೊಡೊಬಡಿ ಆಟಗಾರ ಲಿವಿಂಗ್​ಸ್ಟೋನ್​, ಮೊಯೀನ್​ ಅಲಿ ಬ್ಯಾಟ್​ ಸದ್ದು ಮಾಡಲಿಲ್ಲ.

ಸೆಮಿಫೈನಲ್​ ಹಾದಿ ಕಠಿಣ: ಇಂಗ್ಲೆಂಡ್​ ತಾನಾಡಿರುವ ಐದು ಪಂದ್ಯಗಳಲ್ಲಿ 1 ರಲ್ಲಿ ಗೆದ್ದು, 4 ರಲ್ಲಿ ಸೋಲು ಕಂಡಿದೆ. ಇದು ತಂಡದ ಸೆಮಿಫೈನಲ್​ ಹಾದಿಯನ್ನು ಕಠಿಣಗೊಳಿಸಿದೆ. ಗೆಲ್ಲಲೇಬೇಕಿದ್ದ ಲಂಕಾ ವಿರುದ್ಧದ ಪಂದ್ಯದಲ್ಲಿ ಭಾರೀ ಅಂತರದಲ್ಲಿ ಸೋಲು ಕಂಡಿದ್ದು, ರನ್​ರೇಟ್​ ಕೂಡ ಪಾತಾಳಕ್ಕಿಳಿದಿದೆ. -1.634 ರಲ್ಲಿರುವ ಆಂಗ್ಲರು ಪಾಯಿಂಟ್​ ಪಟ್ಟಿಯಲ್ಲಿ ಕೊನೆಯಲ್ಲಿರುವ ನೆದರ್ಲೆಂಡ್ಸ್‌​ಗಿಂತ ಒಂದು ಸ್ಥಾನ ಮೇಲಿದೆ. ತಂಡದ ಹೀನಾಯ ಪ್ರದರ್ಶನ ವಿಶ್ವಕಪ್​ ಟೂರ್ನಿಯಿಂದ ಹೊರಬೀಳುವ ಆತಂಕ ಉಂಟುಮಾಡಿದೆ.

ಈವರೆಗಿನ ತಂಡದ ಪ್ರದರ್ಶನ ಗಮನಿಸಿದಲ್ಲಿ ನ್ಯೂಜಿಲೆಂಡ್​ ಎದುರಿನ ಉದ್ಘಾಟನಾ ಪಂದ್ಯದಲ್ಲಿ 9 ವಿಕೆಟ್​ಗಳಿಂದ ಹೀನಾಯವಾಗಿ ಸೋಲುವ ಮೂಲಕ ಅಭಿಯಾನ ಆರಂಭಿಸಿತು. ಬಳಿಕ ಬಾಂಗ್ಲಾದೇಶ ವಿರುದ್ಧ 137 ರನ್​ ಗೆದ್ದಿತು. ಅಫ್ಘನ್​ ಎದುರು 69 ರನ್​​ಗಳಿಂದ ಸೋತು ಈ ವಿಶ್ವಕಪ್​ನ ಮೊದಲ ಅಚ್ಚರಿಯ ಫಲಿತಾಂಶಕ್ಕೆ ಕಾರಣವಾಯಿತು. ಬಲಾಢ್ಯ ತಂಡ ದಕ್ಷಿಣ ಆಫ್ರಿಕಾ ಎದುರು 229 ರನ್​ಗಳ ಸೋತರೆ, ಇಂದಿನ ಪಂದ್ಯದಲ್ಲಿ ಲಂಕಾ ಮುಂದೆ 8 ವಿಕೆಟ್​ಗಳಿಂದ ಮುಖಭಂಗ ಅನುಭವಿಸಿತು. ಈ ಮೂಲಕ ಸತತ ಮೂರು ಪಂದ್ಯಗಳಲ್ಲಿ ಆಂಗ್ಲಪಡೆ ಮುಗ್ಗರಿಸಿದೆ. 1996ರ ನಂತರ ತಂಡ ಸತತ ಮೂರು ಪಂದ್ಯಗಳಲ್ಲಿ ಸೋತಿದ್ದು ಇದೇ ಮೊದಲು.

• Lahiru Kumara returns to the Sri Lanka setup with a bang 👊
  
  He wins the @aramco #POTM for his match-winning bowling performance.#CWC23 | #ENGvSL pic.twitter.com/t4X16ttITm

  — ICC Cricket World Cup (@cricketworldcup) October 26, 2023 " class="align-text-top noRightClick twitterSection" data="

  Lahiru Kumara returns to the Sri Lanka setup with a bang 👊
  
  He wins the @aramco #POTM for his match-winning bowling performance.#CWC23 | #ENGvSL pic.twitter.com/t4X16ttITm

  — ICC Cricket World Cup (@cricketworldcup) October 26, 2023

  ">

  Lahiru Kumara returns to the Sri Lanka setup with a bang 👊
  
  He wins the @aramco #POTM for his match-winning bowling performance.#CWC23 | #ENGvSL pic.twitter.com/t4X16ttITm

  — ICC Cricket World Cup (@cricketworldcup) October 26, 2023

ಆಂಗ್ಲರ ಮೇಲೆ ಲಂಕಾ ಪಾರಮ್ಯ: ವಿಶ್ವಕಪ್​ನಲ್ಲಿ ಲಂಕಾ ಪಡೆ ಇಂಗ್ಲೆಂಡ್​ ಎದುರು ಪಾರಮ್ಯ ಸಾಧಿಸಿತು. 2007 ರಿಂದ ಈವರೆಗಿನ 7 ಮುಖಾಮುಖಿಯಲ್ಲಿ ತಂಡ 6ನೇ ಬಾರಿಗೆ ಗೆಲುವು ಪಡೆಯಿತು. 156 ರನ್​ಗೆ ಆಲೌಟ್​ ಆದ ಆಂಗ್ಲರು ವಿಶ್ವಕಪ್​ ಇತಿಹಾಸದಲ್ಲೇ ಮೂರನೇ ಅತಿ ಕನಿಷ್ಠ ರನ್​ ಗಳಿಸಿದರು. ಈ ವಿಶ್ವಕಪ್​ನಲ್ಲಿ ನಾಲ್ಕನೇ ಅತಿ ಕಡಿಮೆ ಮೊತ್ತ ಕೂಡ ಆಯಿತು.

ಇದನ್ನೂ ಓದಿ: ವಿಶ್ವಕಪ್ ಕ್ರಿಕೆಟ್: ಅಲ್ಪ ಮೊತ್ತಕ್ಕೆ ಕುಸಿದ ಇಂಗ್ಲೆಂಡ್‌; ಲಂಕಾ ಗೆಲುವಿಗೆ ಬೇಕು 157 ರನ್​!