ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದ ಪಿಚ್​ಗೆ 'ಸಾಧಾರಣಕ್ಕಿಂತ ಕಡಿಮೆ' ರೇಟ್​ ನೀಡಿದ ಐಸಿಸಿ

ICC rates Bengaluru pitch as 'below average'.. ಭಾರತ-ಶ್ರೀಲಂಕಾ 2ನೇ ಟೆಸ್ಟ್​ ಪಂದ್ಯದ ಆತಿಥ್ಯ ವಹಿಸಿದ್ದ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಐಸಿಸಿ ಸಾಧಾರಣಕ್ಕಿಂತ ಕಡಿಮೆ ರೇಟ್​ ನೀಡಿದೆ. ಅಲ್ಲದೇ ಒಂದು ಋಣಾತ್ಮಕ ಅಂಕ ಕೊಟ್ಟಿದೆ.

ದುಬೈ: ಭಾರತ ಮತ್ತು ಶ್ರೀಲಂಕಾ ನಡುವಿನ 2ನೇ ಟೆಸ್ಟ್​ ಪಂದ್ಯಕ್ಕೆ ಆತಿಥ್ಯ ವಹಿಸಿದ್ದ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಪಿಚ್​ಗೆ ಐಸಿಸಿ 'ಸಾಧಾರಣಕ್ಕಿಂತ ಕಡಿಮೆ' ರೇಟ್​ ನೀಡಿದೆ. ಇದಲ್ಲದೇ, ಹೊರ ಮೈದಾನದ ನಿರ್ವಹಣೆಯಲ್ಲಿ ಗುಣಮಟ್ಟ ಕಾಪಾಡದ ಹಿನ್ನೆಲೆಯಲ್ಲಿ 1 ಋಣಾತ್ಮಕ ಅಂಕ ಕೊಟ್ಟಿದೆ.

ಪಂದ್ಯದ ರೆಫ್ರಿಯಾಗಿದ್ದ ಭಾರತ ತಂಡದ ಮಾಜಿ ಆಟಗಾರ, ಕರ್ನಾಟಕದ ಜಾವಗಲ್​ ಶ್ರೀನಾಥ್​ ಅವರು ಪಿಚ್​ ಗುಣಮಟ್ಟದ ವರದಿಯನ್ನು ಬಿಸಿಸಿಐಗೆ ರವಾನಿಸಿದ್ದಾರೆ. ಅದರಲ್ಲಿ ಮೊದಲ ದಿನವೇ ಪಿಚ್​ ಸಾಕಷ್ಟು ತಿರುವು ಪಡೆಯಿತು. ಉಭಯ ತಂಡಗಳ ಸೆಣಸಾಟಕ್ಕೆ ತಕ್ಕ ಮೈದಾನ ಇದಾಗಿರಲಿಲ್ಲ. ಬ್ಯಾಟಿಂಗ್​, ಬೌಲಿಂಗ್​ ನಡುವೆ ಸಮಬಲ ಸಾಧಿಸಲು ಮೈದಾನ ಯಶಸ್ವಿಯಾಗಲಿಲ್ಲ ಎಂದು ಉಲ್ಲೇಖಿಸಿದ್ದಾರೆ.

• ICC has given its verdict on the Bengaluru pitch from the recently concluded #WTC23 clash between India and Sri Lanka 👇 https://t.co/7oqiMNhpqD

  — ICC (@ICC) March 20, 2022 " class="align-text-top noRightClick twitterSection" data="

  ICC has given its verdict on the Bengaluru pitch from the recently concluded #WTC23 clash between India and Sri Lanka 👇 https://t.co/7oqiMNhpqD

  — ICC (@ICC) March 20, 2022

  ">

  ICC has given its verdict on the Bengaluru pitch from the recently concluded #WTC23 clash between India and Sri Lanka 👇 https://t.co/7oqiMNhpqD

  — ICC (@ICC) March 20, 2022

ಮಾರ್ಚ್ 12 ರಿಂದ ಆರಂಭವಾಗಿದ್ದ ಪಂದ್ಯ ನಾಲ್ಕು ಇನ್ನಿಂಗ್ಸ್​ ಕಂಡರೂ ಮೂರೇ ದಿನಗಳಲ್ಲಿ ಮುಕ್ತಾಯವಾಗಿತ್ತು. ಪಂದ್ಯದಲ್ಲಿ ಭಾರತವು ಶ್ರೀಲಂಕಾ ತಂಡವನ್ನು 238 ರನ್‌ಗಳಿಂದ ಸೋಲಿಸಿತ್ತು.

ಈ ಹಿಂದೆ 2017 ರಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಟೆಸ್ಟ್ ಪಂದ್ಯದ ಆತಿಥ್ಯ ವಹಿಸಿದ್ದ ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಐಸಿಸಿ ಮ್ಯಾಚ್ ರೆಫ್ರಿ ಕ್ರಿಸ್ ಬ್ರಾಡ್ ಆಗಲೂ ಕೂಡ ಸಾಧಾರಣಕ್ಕಿಂತ ಕಡಿಮೆ ರೇಟ್​ ನೀಡಿದ್ದರು.

ಓದಿ: ಹುಟ್ಟೂರು ಮೆಲ್ಬೋರ್ನ್​​ನಲ್ಲಿ ದಿಗ್ಗಜ ಕ್ರಿಕೆಟಿಗ ಶೇನ್​ ವಾರ್ನ್​​ ಅಂತ್ಯಕ್ರಿಯೆ