ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ಗೂ ಮುನ್ನ ಆಸ್ಟ್ರೇಲಿಯಾ ಮಣಿಸಿದ ಭಾರತ, ಟೆಸ್ಟ್​​ ರ್‍ಯಾಂಕಿಂಗ್​ನಲ್ಲಿ ಅಗ್ರಸ್ಥಾನ

ಐಸಿಸಿ ವಾರ್ಷಿಕ ಶ್ರೇಯಾಂಕ ನವೀಕರಣದ ನಂತರ ಭಾರತ ತಂಡ ವಿಶ್ವ ಟೆಸ್ಟ್ ರ್‍ಯಾಂಕಿಂಗ್​ನಲ್ಲಿ ಅಗ್ರಸ್ಥಾನಕ್ಕೇರಿದೆ.

ದುಬೈ: ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ಗೂ ಮುನ್ನ ಭಾರತ ತಂಡ ಆಸ್ಟ್ರೇಲಿಯಾವನ್ನು ಮಣಿಸಿದೆ. ಐಸಿಸಿ ಬಿಡುಗಡೆ ಮಾಡಿರುವ ಪುರುಷರ ಟೆಸ್ಟ್​ ಟೀಮ್​ನ ಶ್ರೇಯಾಂಕದಲ್ಲಿ ಭಾರತ ಅಗ್ರಸ್ಥಾನಕ್ಕೆ ಏರಿದೆ. ಪುರುಷರ ಟೆಸ್ಟ್ ಶ್ರೇಯಾಂಕದಲ್ಲಿ ಅಗ್ರಸ್ಥಾನದಲ್ಲಿ ಕಳೆದ 15 ತಿಂಗಳಿಂದ ಆಸ್ಟ್ರೇಲಿಯಾ ತನ್ನ ಸ್ಥಾನವನ್ನು ಉಳಿಸಿಕೊಂಡಿತ್ತು. ಈಗ ರೋಹಿತ್​ ನಾಯಕತ್ವ ಪಡೆ 121 ರೇಟಿಂಗ್​ನಿಂದ ಮೊದಲ ಸ್ಥಾನಕ್ಕೆ ಏರಿದೆ.

ಮುಂದಿನ ತಿಂಗಳು ನಡೆಯಲಿರುವ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ಗೆ ಮುಂಚಿತವಾಗಿ ಭಾರತವು ಆಸೀಸ್ ತಂಡವನ್ನು ಹಿಂದಿಕ್ಕಿದೆ. ಜೂನ್​ 7 ರಿಂದ 11 ವರೆಗೆ ಟೆಸ್ಟ್​ ಚಾಂಪಿಯನ್​ಶಿಪ್​ ಇಂಗ್ಲೆಂಡ್​ನ ಓವೆಲ್​ನಲ್ಲಿ ನಡೆಯಲಿದೆ. ನಂತರ ಆಸ್ಟ್ರೇಲಿಯಾ ಇಂಗ್ಲೆಂಡ್​ ನೆಲದಲ್ಲೇ ಜೂನ್​ 16 ರಿಂದ ಜುಲೈ 31 ವರೆಗೆ ಆಶಸ್​​ ಸರಣಿ ಆಡಲಿದೆ.

• 🚨 New World No.1 🚨
  
  India dethrone Australia in the annual update of the @MRFWorldwide ICC Men's Test Rankings ahead of the #WTC23 Final 👀

  — ICC (@ICC) May 2, 2023 " class="align-text-top noRightClick twitterSection" data="

  🚨 New World No.1 🚨
  
  India dethrone Australia in the annual update of the @MRFWorldwide ICC Men's Test Rankings ahead of the #WTC23 Final 👀

  — ICC (@ICC) May 2, 2023

  ">

  🚨 New World No.1 🚨
  
  India dethrone Australia in the annual update of the @MRFWorldwide ICC Men's Test Rankings ahead of the #WTC23 Final 👀

  — ICC (@ICC) May 2, 2023

ವಾರ್ಷಿಕ ಶ್ರೇಯಾಂಕಗಳ ನವೀಕರಣದ ಮೊದಲು, ಆಸ್ಟ್ರೇಲಿಯಾವು 122 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿತ್ತು ಮತ್ತು ಭಾರತವು ಮೂರು ಅಂಕಗಳಿಂದ (119) ಹಿಂದುಳಿದಿತ್ತು. ವಾರ್ಷಿಕ ಶ್ರೇಯಾಂಕದಲ್ಲಿ ಮೇ 2020 ರಲ್ಲಿ ಪೂರ್ಣಗೊಂಡ ಎಲ್ಲಾ ಸರಣಿಗಳನ್ನು ಪರಿಗಣಿಸಲಾಗುತ್ತದೆ. ಮೇ 2022 ರ ಮೊದಲು ಪೂರ್ಣಗೊಂಡ ಸರಣಿಗಳನ್ನು ಶೇಕಡಾ 50 ರಷ್ಟು ಮತ್ತು ನಂತರದ ಎಲ್ಲಾ ಸರಣಿಗಳನ್ನು ಶೇಕಡಾ 100 ರಷ್ಟನ್ನು ಬಳಸಿ ಅಂಕ ನೀಡಲಾಗಿದೆ.

ಇದರ ಪರಿಣಾಮವಾಗಿ, 2019/20 ರಲ್ಲಿ ಪಾಕಿಸ್ತಾನ (2-0) ಮತ್ತು ನ್ಯೂಜಿಲ್ಯಾಂಡ್​ (3-0) ವಿರುದ್ಧ ಆಸ್ಟ್ರೇಲಿಯಾದ ಸ್ವದೇಶಿ ಸರಣಿ ಗೆಲುವುಗಳು ಆಸ್ಟ್ರೇಲಿಯಾಕ್ಕೆ ಪರಿಗಣನೆಗೆ ತೆಗೆದುಕೊಂಡಿಲ್ಲ. ಆಸಿಸ್​ 2021/22 ರಲ್ಲಿ ಇಂಗ್ಲೆಂಡ್ ವಿರುದ್ಧ ಆಶಸ್​ನಲ್ಲಿ 4-0 ಗೆಲುವು ದಾಖಲಿಸಿದೆ ಆದರ ರೇಟಿಂಗ್‌ಗಳು 121 ರಿಂದ 116 ಕ್ಕೆ ಇಳಿದಿದೆ.

ಭಾರತಕ್ಕೆ, 2019/20 ರಲ್ಲಿ ನ್ಯೂಜಿಲ್ಯಾಂಡ್​ ವಿರುದ್ಧದ ಅವರ 2-0 ಸೋಲು ಕಂಡಿದ್ದು, ಶ್ರೇಯಾಂಕಗಳಿಗೆ ಪರಿಗಣನೆಯಲ್ಲಿಲ್ಲ, ಹೀಗಾಗಿ 119 ರಿಂದ 121ಕ್ಕೆ ಎರಡು ಪಾಯಿಂಟ್ ಹೆಚ್ಚಳವಾಗಿದೆ. 2022 ರ ಜನವರಿಯಲ್ಲಿ ತವರಿನ ಆಶಸ್‌ನಲ್ಲಿ ಇಂಗ್ಲೆಂಡ್ ಅನ್ನು 4-0 ಅಂತರದಿಂದ ಸೋಲಿಸಿದ ಕಾರಣ ಆಸ್ಟ್ರೇಲಿಯಾವು ಪ್ಯಾಟ್ ಕಮ್ಮಿನ್ಸ್ ಅವರ ನಾಯಕತ್ವದಲ್ಲಿ ಮೊದಲ ಸರಣಿಯ ಟೆಸ್ಟ್ ಶ್ರೇಯಾಂಕದ ಶಿಖರಕ್ಕೆ ಏರಿತು. ನಂತರ 15 ತಿಂಗಳ ಕಾಲ ಅಲ್ಲೇ ಮುಂದುವರೆದಿತ್ತು.

ಭಾರತ ತಂಡ ಪ್ರಸ್ತುತ ಟಿ20 ಮತ್ತು ಟೆಸ್ಟ್​ನಲ್ಲಿ ಅಗ್ರಸ್ಥಾನದಲ್ಲಿದೆ. ಏಕದಿನ ಕ್ರಿಕೆಟ್​ ರ್‍ಯಾಂಕಿಂಗ್​ನಲ್ಲಿ ಮೂರನೇ ಸ್ಥಾನದದಲ್ಲಿದೆ. ಇದೇ ವರ್ಷ ಏಕದಿನ ಮಾದರಿಯ ಏಷ್ಯಾಕಪ್​ ಮತ್ತು ವಿಶ್ವಕಪ್ ಪಂದ್ಯಗಳನ್ನು ಭಾರತ ಆಡಲಿದ್ದು, ಉತ್ತಮ ಪ್ರದರ್ಶನ ನೀಡಿದ್ದಲ್ಲಿ ಅಗ್ರಸ್ಥಾನಕ್ಕೇರಲಿದೆ. ಧೋನಿ ನಾಯಕತ್ವದಲ್ಲಿ ಭಾರತ ಮೂರು ವಿಭಾಗದ ಪಂದ್ಯಗಳಲ್ಲಿ ಅಗ್ರಸ್ಥಾನವನ್ನು ಕಾಯ್ದಿಕೊಂಡಿತ್ತು. ​

ಬಿಸಿಸಿಐನ ಕಾರ್ಯದರ್ಶಿ ಜಯ್​ ಶಾ ಟ್ವಿಟರ್​ನಲ್ಲಿ ಟೀ ಇಂಡಿಯಾಗೆ ಶುಭಕೋರಿದ್ದಾರೆ. ಟೀ ಇಂಡಿಯಾ ವಿಶ್ವದ ನಂಬರ್ 1 ಟೆಸ್ಟ್ ತಂಡವಾಗಿದ್ದಕ್ಕೆ ಅಭಿನಂದನೆಗಳು. ಅಗ್ರ ಸ್ಥಾನವು ಟೆಸ್ಟ್ ಕ್ರಿಕೆಟ್‌ಗೆ ಭಾರತದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ ಮತ್ತು ತವರು ಮತ್ತು ಹೊರಗಿನ ಸ್ಥಿರ ಪ್ರದರ್ಶನಗಳನ್ನು ಪ್ರತಿಬಿಂಬಿಸುತ್ತದೆ. ಭಾರತ ಕೂಡ ಟಿ20ಯಲ್ಲಿ ನಂ.1 ತಂಡವಾಗಿದೆ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಮೈದಾನದಲ್ಲಿ ಮತ್ತೆ ಕಾದಾಡಿದ ಕಿಂಗ್​ ಕೊಹ್ಲಿ- ಗಂಭೀರ್​: ನೋವಿನಲ್ಲೂ ಬ್ಯಾಟ್​ ಮಾಡಿದ ರಾಹುಲ್​