World Cup Qualifiers: ಜಿಂಬಾಬ್ವೆ ಮಣಿಸಿ ವಿಶ್ವಕಪ್​ಗೆ ಅರ್ಹತೆ ಪಡೆದ ಶ್ರೀಲಂಕಾ

SL vs ZIM: ದಾಸುನ್ ಶನಕ ತಂಡವು ಜಿಂಬಾಬ್ವೆಯನ್ನು 9 ವಿಕೆಟ್‌ಗಳಿಂದ ಸೋಲಿಸಿ ವಿಶ್ವಕಪ್ 2023 ರಲ್ಲಿ ಸ್ಥಾನ ಪಡೆದುಕೊಂಡಿದೆ.

ಜಿಂಬಾಬ್ವೆ: ಶ್ರೀಲಂಕಾ 2023 ರ ವಿಶ್ವಕಪ್‌ಗೆ ಅರ್ಹತೆ ಗಳಿಸಿದೆ. ಜಿಂಬಾಬ್ವೆಯನ್ನು 9 ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ದಾಸುನ್ ಶನಕ ತಂಡವು 2023ರ ವಿಶ್ವಕಪ್‌ನಲ್ಲಿ ತನ್ನ ಸ್ಥಾನವನ್ನು ಪಡೆದುಕೊಂಡಿದೆ. ಈ ಪಂದ್ಯದಲ್ಲಿ ಶ್ರೀಲಂಕಾ ಗೆಲ್ಲಲು 166 ರನ್‌ಗಳ ಗುರಿ ಪಡೆದಿತ್ತು. ಶ್ರೀಲಂಕಾ ತಂಡ 32.1 ಓವರ್‌ಗಳಲ್ಲಿ 1 ವಿಕೆಟ್‌ಗೆ 169 ರನ್ ಗಳಿಸಿ ಜಯ ಸಾಧಿಸಿತು.

ಇದಕ್ಕೂ ಮುನ್ನ ಟಾಸ್ ಗೆದ್ದ ಶ್ರೀಲಂಕಾ ನಾಯಕ ದಸುನ್ ಶನಕ ಬೌಲಿಂಗ್ ಮಾಡಲು ನಿರ್ಧರಿಸಿದ್ದರು. ಟಾಸ್ ಸೋತ ಜಿಂಬಾಬ್ವೆ ಮೊದಲು ಬ್ಯಾಟಿಂಗ್ ಮಾಡಿ 32.2 ಓವರ್‌ಗಳಲ್ಲಿ 165 ರನ್‌ಗಳಿಗೆ ಸರ್ವಪತನ ಕಂಡಿತು. ಜಿಂಬಾಬ್ವೆ ಪರ ನಾಯಕ ಸೀನ್ ವಿಲಿಯಮ್ಸ್ ಮಾತ್ರ ಐವತ್ತು ರನ್ ಗಡಿ ದಾಟಿದರು.

ಇದನ್ನು ಬಿಟ್ಟರೆ ಉಳಿದ ಬ್ಯಾಟ್ಸ್‌ಮನ್‌ಗಳು ನಿರಾಸೆ ಮೂಡಿಸಿದರು. ಜಿಂಬಾಬ್ವೆ ನಾಯಕ ಸೀನ್ ವಿಲಿಯಮ್ಸ್ 57 ಎಸೆತಗಳಲ್ಲಿ 56 ರನ್ ಗಳಿಸಿದರು. ಅವರ ಇನ್ನಿಂಗ್ಸ್‌ನಲ್ಲಿ 6 ಬೌಂಡರಿ ಹಾಗೂ 1 ಸಿಕ್ಸರ್‌ ಬಾರಿಸಿದ್ದರು.ಉಳಿದಂತೆ ಸಿಕಂದರ್​ ರಾಜಾ 31 ರನ್​ ಗಳಿಸಿದರು. ಮಿಕ್ಕ ಆಟಗಾರರೆಲ್ಲಾ 20 ರನ್​ ಒಳಗೆ ವಿಕೆಟ್​ ಕೊಟ್ಟಿದ್ದರಿಂದ 32.2 ಓವರ್​ ಆಲ್​ಔಟ್​ ಕಂಡಿತು.

• Sri Lanka are #CWC23 bound 🤩🇱🇰 pic.twitter.com/DfV6N7TSKY

  — ICC (@ICC) July 2, 2023 " class="align-text-top noRightClick twitterSection" data="

  Sri Lanka are #CWC23 bound 🤩🇱🇰 pic.twitter.com/DfV6N7TSKY

  — ICC (@ICC) July 2, 2023

  ">

  Sri Lanka are #CWC23 bound 🤩🇱🇰 pic.twitter.com/DfV6N7TSKY

  — ICC (@ICC) July 2, 2023

ಶ್ರೀಲಂಕಾ ಪರ ಮಹಿಷ್ ತೀಕ್ಷ್ಣ ಅತ್ಯಂತ ಯಶಸ್ವಿ ಬೌಲರ್ ಆದರು. ಅವರು 8.2 ಓವರ್‌ ಬಾಲ್​ ಮಾಡಿ 25 ರನ್ ನೀಡಿ 4 ವಿಕೆಟ್​ ಕಬಳಿಸಿದರು. ದಿಲ್ಶನ್ ಮಧುಶಂಕ 3 ವಿಕೆಟ್​ ಪಡೆದರೆ, ಮಹಿತ ಪತಿರಾಣ 2 ಮತ್ತು ದಾಸುನ್ ಶನಕ 1 ವಿಕೆಟ್ ಪಡೆದರು. 4 ವಿಕೆಟ್​ ಪಡೆದು ಜಿಂಬಾಬ್ವೆಯನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಮಹಿಷ್ ತೀಕ್ಷ್ಣ ಅವರಿಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ನೀಡಲಾಯಿತು.

ಪಾತುಮ್ ನಿಶಾಂಕ ಅಜೇಯ ಶತಕ: ಜಿಂಬಾಬ್ವೆ ನೀಡಿದ 165 ರನ್‌ಗಳಿಗೆ ಉತ್ತರವಾಗಿ ಶ್ರೀಲಂಕಾ ತಂಡ 32.1 ಓವರ್‌ಗಳಲ್ಲಿ 1 ವಿಕೆಟ್‌ ನಷ್ಟಕ್ಕೆ 169 ರನ್ ಗಳಿಸಿ ಪಂದ್ಯವನ್ನು ಗೆದ್ದುಕೊಂಡಿತು. ಶ್ರೀಲಂಕಾ ಪರ ಆರಂಭಿಕ ಆಟಗಾರ ಪಾತುಮ್ ನಿಶಾಂಕ ಭರ್ಜರಿ ಶತಕ ಬಾರಿಸಿದರು. ಈ ಬ್ಯಾಟ್ಸ್‌ಮನ್ 102 ಎಸೆತಗಳಲ್ಲಿ ಅಜೇಯ 101 ರನ್ ಗಳಿಸಿದರು. ಅವರು ತಮ್ಮ ಇನ್ನಿಂಗ್ಸ್‌ನಲ್ಲಿ 14 ಬೌಂಡರಿಗಳನ್ನು ಹೊಡೆದರು.

ಕುಸಾಲ್ ಮೆಂಡಿಸ್ 42 ಎಸೆತಗಳಲ್ಲಿ 25 ರನ್ ಗಳಿಸಿ ಅಜೇಯರಾಗಿ ಉಳಿದರೆ. ದಿಮುತ್ ಕರುಣರತ್ನೆ 56 ಎಸೆತಗಳಲ್ಲಿ 25 ರನ್ ಕೊಡುಗೆ ನೀಡಿ ಔಟ್​ ಆದರು. ರಿಚರ್ಡ್ ನಗಾರವಾ ಜಿಂಬಾಬ್ವೆಗೆ ಪರ ಒಂದು ವಿಕೆಟ್​ ಪಡೆದರು.

ಗುಂಪು ಹಂತದಿಂದ ಸೋಲಿಲ್ಲದೇ ಬಂದಿದ್ದ ಶ್ರೀಲಂಕಾ ತನ್ನ ಗೆಲುವಿನ ನಾಗಾಲೋಟವನ್ನು ಮುಂದುವರೆಸಿದೆ. ಜಿಂಬಾಬ್ವೆ ಸಹ ತವರು ನೆಲದಲ್ಲಿ ಸತತ ಗೆಲುವನ್ನು ದಾಖಲಿಸುತ್ತಾ ಬಂದಿತ್ತು. ಈ ಸೋಲು ಜಿಂಬಾಬ್ವೆಗೆ ಹಿನ್ನಡೆಯಾಗಿದೆ ಬಿಟ್ಟರೆ ವಿಶ್ವಕಪ್​ಗೆ ಅರ್ಹತೆ ಸಿಗುವ ಸಾಧ್ಯತೆ ಬಹುತೇಕ ಇದೆ. ಸೂಪರ್​​ಸಿಕ್ಸ್​ನ ಅಂಕಪಟ್ಟಿಯಲ್ಲಿ ಜಿಂಬಾಬ್ವೆ ಎರಡನೇ ಸ್ಥಾನದಲ್ಲಿದ್ದು. ಇನ್ನೊಂದು ಗೆಲುವು ದಾಖಲಿಸಿದರೆ ವಿಶ್ವಕಪ್​ ಪ್ರವೇಶ ಪಕ್ಕಾ ಆಗಲಿದೆ.

ಇದನ್ನೂ ಓದಿ: West Indies Out Of World Cup: ಏಕದಿನ ವಿಶ್ವಕಪ್‌ನಿಂದ ಹೊರ ಬಿದ್ದ ವೆಸ್ಟ್ ಇಂಡೀಸ್.. ಅರ್ಹತೆ ಕಳೆದುಕೊಂಡ ಚಾಂಪಿಯನ್​ ತಂಡ