ವಿಶ್ವಕಪ್ ಕ್ರಿಕೆಟ್​: ನಾಳೆ ಪುಣೆಯಲ್ಲಿ ಭಾರತ-ಬಾಂಗ್ಲಾ ಹಣಾಹಣಿ

ಹ್ಯಾಟ್ರಿಕ್​ ಗೆಲುವು ದಾಖಲಿಸಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿರುವ ಭಾರತ ತಂಡಕ್ಕೆ ಗುರುವಾರ ಪುಣೆಯ ಸುಬ್ರತಾ ರಾಯ್ ಸಹಾರಾ ಕ್ರೀಡಾಂಗಣದಲ್ಲಿ ಬಾಂಗ್ಲಾದೇಶವನ್ನು ಎದುರಿಸಲಿದೆ.

ಪುಣೆ (ಮಹಾರಾಷ್ಟ್ರ): ತವರಿನಲ್ಲಿ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಕ್ರಿಕೆಟ್‌​ನಲ್ಲಿ ಭಾರತ ಅಮೋಘ ಪ್ರದರ್ಶನ ನೀಡುತ್ತಿದ್ದು, ಮೂರು ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಪುಣೆಯ ಮೈದಾನದಲ್ಲಿ ಗುರುವಾರ ರೋಹಿತ್​ ಬಳಗಕ್ಕೆ ಬಾಂಗ್ಲಾದೇಶ ನಾಲ್ಕನೇ ಸವಾಲಾಗಿದೆ. ಮೂರು ಪಂದ್ಯದಲ್ಲಿ ತಂಡ ಪ್ರತಿ ವಿಭಾಗದಲ್ಲೂ ಸಾಂಘಿಕ ಪ್ರದರ್ಶನ ನೀಡಿ ಸೈ ಎನಿಸಿಕೊಂಡಿದೆ. ಹೀಗಾಗಿ ಭಾರತ ನಾಳಿನ ಪಂದ್ಯವನ್ನೂ ಗೆಲ್ಲುವ ಫೇವ​ರೆಟ್​ ತಂಡವೂ ಹೌದು.

• Ahmedabad ✅
  
  Touchdown Pune 📍#CWC23 | #TeamIndia | #MeninBlue | #INDvBAN pic.twitter.com/ztXQzhO0y4

  — BCCI (@BCCI) October 15, 2023 " class="align-text-top noRightClick twitterSection" data="

  Ahmedabad ✅
  
  Touchdown Pune 📍#CWC23 | #TeamIndia | #MeninBlue | #INDvBAN pic.twitter.com/ztXQzhO0y4

  — BCCI (@BCCI) October 15, 2023

  ">

  Ahmedabad ✅
  
  Touchdown Pune 📍#CWC23 | #TeamIndia | #MeninBlue | #INDvBAN pic.twitter.com/ztXQzhO0y4

  — BCCI (@BCCI) October 15, 2023

ಭರ್ಜರಿ ಆರಂಭದ ನಿರೀಕ್ಷೆ: ಜ್ವರದಿಂದ ಚೇತರಿಸಿಕೊಂಡ ಶುಭ್‌ಮನ್​ ಗಿಲ್​ ಪಾಕಿಸ್ತಾನದ ಮುಂದೆ ದೊಡ್ಡ ಇನ್ನಿಂಗ್ಸ್​ ಕಟ್ಟದಿದ್ದರೂ 4 ಬೌಂಡರಿಯಿಂದ 16 ರನ್​ ಗಳಿಸಿ ತಾವು ಫಾರ್ಮ್​ನಲ್ಲಿರುವುದಾಗಿ ಸಂದೇಶ ನೀಡಿದ್ದಾರೆ. ನಾಯಕ ರೋಹಿತ್​ ಶರ್ಮಾ ಮೊದಲ ಪಂದ್ಯದಲ್ಲಿ ಶೂನ್ಯಕ್ಕೆ ಔಟಾದರೂ ಉಳಿದೆರಡು ಪಂದ್ಯದಲ್ಲಿ ಕ್ರಮವಾಗಿ 131 ಮತ್ತು 86 ರನ್​ ಗಳಿಸಿದ್ದರು.

• Virat Kohli in ODIs in Pune stadium:
  
  61(85), 122(105), 29(29), 107(119), 56(60), 66(79), 7(10).
  
  - King averages 64 & strike rate of 91.99 pic.twitter.com/ddaxvlSzqC

  — Johns. (@CricCrazyJohns) October 18, 2023 " class="align-text-top noRightClick twitterSection" data="

  Virat Kohli in ODIs in Pune stadium:
  
  61(85), 122(105), 29(29), 107(119), 56(60), 66(79), 7(10).
  
  - King averages 64 & strike rate of 91.99 pic.twitter.com/ddaxvlSzqC

  — Johns. (@CricCrazyJohns) October 18, 2023

  ">

  Virat Kohli in ODIs in Pune stadium:
  
  61(85), 122(105), 29(29), 107(119), 56(60), 66(79), 7(10).
  
  - King averages 64 & strike rate of 91.99 pic.twitter.com/ddaxvlSzqC

  — Johns. (@CricCrazyJohns) October 18, 2023

ಬಲಿಷ್ಠ ಮಧ್ಯಮ ಕ್ರಮಾಂಕ: ಮಧ್ಯಮ ಕ್ರಮಾಂಕದಲ್ಲಿ ಟೀಮ್​ ಇಂಡಿಯಾ ಬಲಿಷ್ಠವಾಗಿದೆ. ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ಮೂರು ಇನ್ನಿಂಗ್ಸ್​ನಲ್ಲಿ ಎರಡು ಅರ್ಧಶತಕ ಗಳಿಸಿದ್ದಾರೆ. ಪುಣೆ ಮೈದಾನದಲ್ಲಿ ವಿರಾಟ್​ ಆಡಿದ ಏಳು ಏಕದಿನ ಪಂದ್ಯದಲ್ಲಿ ಎರಡು ಶತಕ ಮತ್ತು 3 ಅರ್ಧಶತಕ ಸಿಡಿಸಿದ್ದಾರೆ. ಶ್ರೇಯಸ್​ ಅಯ್ಯರ್​ ಆಸ್ಟ್ರೇಲಿಯಾ ವಿರುದ್ಧ ವಿಫಲರಾದರೂ ಮಿಕ್ಕೆರಡು ಪಂದ್ಯಗಳಲ್ಲಿ ಕಮ್​​ಬ್ಯಾಕ್​ ಮಾಡಿದ್ದಾರೆ. ಕೆ.ಎಲ್.ರಾಹುಲ್​ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ ಜವಾಬ್ದಾರಿಯುತ ಆಟವಾಡಿ​ ಪಂದ್ಯ ಗೆಲ್ಲಿಸಿಕೊಟ್ಟಿದ್ದಾರೆ.

8ನೇ ಕ್ರಮಾಂಕದವರೆಗೆ ಬ್ಯಾಟಿಂಗ್​ ಬಲ: ಕೆಳ ಕ್ರಮಾಂಕದಲ್ಲಿ ಆಟಗಾರರಿಗೆ ಬ್ಯಾಟಿಂಗ್​ ಅವಕಾಶ ಸಿಕ್ಕಿಲ್ಲ. ಆದರೆ ಹಾರ್ದಿಕ್​ ಪಾಂಡ್ಯ, ರವೀಂದ್ರ ಜಡೇಜಾ ಮತ್ತು ಶಾರ್ದೂಲ್​ ಠಾಕೂರ್​ ತಂಡಕ್ಕೆ ಕೊಡುಗೆ ನೀಡಲು ಸಿದ್ಧರಿದ್ದಾರೆ. ಆಸ್ಟ್ರೇಲಿಯಾ ಮೇಲೆ ಹಾರ್ದಿಕ್​​ ತಮ್ಮ ಝಲಕ್​ ತೋರಿಸಿದ್ದಾರೆ. ಅಲ್ಲದೇ ಮೂವರು ಆಟಗಾರರು ಬೌಲಿಂಗ್​ನಲ್ಲಿ ತಂಡಕ್ಕೆ ಭರ್ಜರಿ ಸಾಥ್​ ನೀಡುತ್ತಿದ್ದಾರೆ. ಹಾರ್ದಿಕ್​ ಪಂಡ್ಯ 10 ಓವರ್​​ಗಳನ್ನು ಮಾಡದಿದ್ದರೂ, ಪ್ರಭಾವಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಫ್ಘಾನಿಸ್ತಾನದ ವಿರುದ್ಧ ಶಾರ್ದೂಲ್​ ಬೌಲಿಂಗ್​ನಲ್ಲಿ ಪರಿಣಾಮ ಬೀರಿದ್ದಾರೆ.

ಸಿರಾಜ್​, ಬುಮ್ರಾ, ಕುಲ್ದೀಪ್​ ಪ್ರಬಲ ದಾಳಿ: ವೇಗದ ವಿಭಾಗದಲ್ಲಿ ಮೊಹಮ್ಮದ್ ಸಿರಾಜ್​ ಮತ್ತು ಜಸ್ಪ್ರೀತ್​ ಬುಮ್ರಾ ರನ್​ಗೆ ಕಡಿವಾಣ ಹಾಕುವುದರ ಜತೆಗೆ ವಿಕೆಟ್​ ಪಡೆಯುತ್ತಿದ್ದಾರೆ. ಭಾರತ ಆಡಿದ ಮೂರು ಪಂದ್ಯದಲ್ಲಿ ಎದುರಾಳಿಗಳನ್ನು ಬೌಲರ್​ಗಳು 300 ರನ್‌ಗಳೊಳಗೆ ನಿಯಂತ್ರಿಸಿದ್ದಾರೆ. ಪ್ರಸ್ತುತ ವಿಶ್ವಕಪ್​ನಲ್ಲಿ ಅತಿ ಹೆಚ್ಚು (8) ವಿಕೆಟ್​ ಪಡೆದ ಬೌಲರ್​ ಆಗಿ ಬುಮ್ರಾ ಹೊರಹೊಮ್ಮಿದ್ದಾರೆ. ಸಿರಾಜ್​ ರನ್​ ಬಿಟ್ಟು ಕೊಡುತ್ತಿದ್ದಾರೆ. ಆದರೂ ವಿಕೆಟ್​ ಪಡೆಯುವಲ್ಲಿ ಹಿಂದುಳಿದಿಲ್ಲ. ಮಣಿಕಟ್ಟಿನ ಸ್ಪಿನ್ನರ್​ ಕುಲ್ದೀಪ್​ ಯಾದವ್​ ಮಧ್ಯಮ ಓವರ್​​ಗಳಲ್ಲಿ ತಂಡಕ್ಕೆ ವಿಕೆಟ್​ ತಂದುಕೊಡುತ್ತಿದ್ದಾರೆ. ಈ ಮೂವರಿಗೆ ಆಲ್​ರೌಂಡರ್​ಗಳು ಸಮಾನವಾಗಿ ಸಾಥ್​ ನೀಡುತ್ತಿದ್ದಾರೆ.

ಬಾಂಗ್ಲಾ ತಂಡ ಹೇಗಿದೆ?: ಬಾಂಗ್ಲಾದೇಶ ತಂಡವನ್ನು ಕಡೆಗಣಿಸುವಂತಿಲ್ಲ. ಹಿಂದೊಮ್ಮೆ (2007) ವಿಶ್ವಕಪ್​ ವೇದಿಕೆಯಲ್ಲಿ ಭಾರತವನ್ನು ಮಣಿಸಿದೆ. 2023ರ ವಿಶ್ವಕಪ್​ನಲ್ಲಿ ಅಫ್ಘಾನಿಸ್ತಾನ ಇಂಗ್ಲೆಂಡ್​ಅನ್ನು, ನೆದರ್ಲೆಂಡ್​ ದಕ್ಷಿಣ ಆಫ್ರಿಕಾವನ್ನು ಸೋಲಿಸಿದೆ. ಆದರೆ ಬಾಂಗ್ಲಾಗೆ ನಾಯಕ ಶಕೀಬ್​ ಅಲ್​ ಹಸನ್​ ಗಾಯಗೊಂಡು ಹೊರಗುಳಿದಿರುವುದು ಋಣಾತ್ಮಕ ಅಂಶ. ತಂಜಿದ್ ಹಸನ್ ಫಾರ್ಮ್​ ಕಳೆದುಕೊಂಡಿರುವುದು ತಂಡಕ್ಕೆ ತಲೆನೋವಾಗಿದೆ.

ಮಳೆ ಆತಂಕ ಇದೆಯೇ?: ವಿಶ್ವಕಪ್​ನಲ್ಲಿ ನೆದರ್ಲೆಂಡ್​-ದಕ್ಷಿಣ ಆಫ್ರಿಕಾ ಪಂದ್ಯಕ್ಕೆ ಮಳೆ ಬಂದು ಎರಡು ಗಂಟೆ ತಡವಾಗಿದ್ದಲ್ಲದೇ 7 ಓವರ್ ಕಡಿತಗೊಳಿಸಲಾಗಿತ್ತು. ಆಸ್ಟ್ರೇಲಿಯಾ-ಶ್ರೀಲಂಕಾ ಪಂದ್ಯಕ್ಕೆ ಮಳೆಯಾದರೂ ಪಂದ್ಯಕ್ಕೆ ಸಮಸ್ಯೆ ಆಗಿರಲಿಲ್ಲ. ಗುರುವಾರ ಸುಬ್ರತಾ ರಾಯ್ ಸಹಾರಾ ಕ್ರೀಡಾಂಗಣದ ಪಂದ್ಯಕ್ಕೆ ಮಳೆಯ ಆತಂಕವಿಲ್ಲ.

ಪಂದ್ಯ: ಸುಬ್ರತಾ ರಾಯ್ ಸಹಾರಾ ಕ್ರೀಡಾಂಗಣ ಮಹರಾಷ್ಟ್ರ, ಪುಣೆ,

ಸಮಯ: ಮಧ್ಯಾಹ್ನ 2ಕ್ಕೆ

ನೇರಪ್ರಸಾರ: ಡಿಸ್ನಿ+ ಹಾಟ್​ಸ್ಟಾರ್,​ ಸ್ಟಾರ್​ಸ್ಪೋರ್ಟ್ಸ್​

ಇದನ್ನೂ ಓದಿ: ICC Ranking: ರೋಹಿತ್​, ಶುಭಮನ್ ಮಧ್ಯೆ ಅಗ್ರಸ್ಥಾನಕ್ಕಾಗಿ ತೀವ್ರ ಪೈಪೋಟಿ: ಭಾರಿ ಕುಸಿತ ಕಂಡ ಪಾಕ್​ ತಂಡ