ವಿಶ್ವಕಪ್‌ ಕ್ರಿಕೆಟ್: ಬಾಂಗ್ಲಾದೇಶ ವಿರುದ್ಧ 137 ರನ್‌ಗಳಿಂದ ಗೆದ್ದು ಬೀಗಿದ ಇಂಗ್ಲೆಂಡ್​

ಬಾಂಗ್ಲಾದೇಶದ ವಿರುದ್ಧ 137 ರನ್​ಗಳ ಬೃಹತ್​ ಗೆಲುವನ್ನು ಇಂಗ್ಲೆಂಡ್​ ದಾಖಲಿಸಿದ್ದು, ನ್ಯೂಜಿಲೆಂಡ್​ ವಿರುದ್ಧದ ಸೋಲಿನ ರನ್​ರೇಟ್ ಸುಧಾರಿಸಿಕೊಂಡಿತು. ​

ಧರ್ಮಶಾಲಾ (ಹಿಮಾಚಲ ಪ್ರದೇಶ): ರೀಸ್ ಟಾಪ್ಲೆ ಬೌಲಿಂಗ್​ನ ನೆರವಿನಿಂದ ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ ತಂಡ ಬಾಂಗ್ಲಾದೇಶದ ವಿರುದ್ಧ 137 ರನ್​ಗಳ ದೊಡ್ಡ ಅಂತರದ ಗೆಲುವು ದಾಖಲಿಸಿತು. ಆರಂಭದಲ್ಲೇ ನಾಲ್ಕು ವಿಕೆಟ್​ ಕಳೆದುಕೊಂಡ ಬಾಂಗ್ಲಾ ನಂತರ ಕಮ್​ ಬ್ಯಾಕ್​ ಮಾಡಿ ದಿಟ್ಟ ಹೋರಾಟ ತೋರಿದರಾದರೂ ಪ್ರಯೋಜನವಾಗಲಿಲ್ಲ. ಲಿಟನ್ ದಾಸ್ ಮತ್ತು ಮುಶ್ಫಿಕರ್ ರಹೀಮ್ ಅರ್ಧಶತಕ ಗೆಲುವಿಗೆ ಕೊಡುಗೆ ಆಗಲಿಲ್ಲ. ಹೀಗಿದ್ದರೂ ರನ್​ರೇಟ್​ನ ಆಘಾತವನ್ನು ಕಡಿಮೆ ಮಾಡಿಕೊಂಡಿತು. ಬಾಂಗ್ಲಾ 48.2 ಓವರ್​ 227 ರನ್​ ಗಳಿಸಿದ್ದಾಗ ಸರ್ವಪತನ ಕಂಡು 137 ರನ್​ಗಳಿಂದ ಸೋಲು ಕಂಡಿತು.

• England step up in Dharamsala to garner their first #CWC23 win ⚡#ENGvBAN 📝: https://t.co/5YbMGSEr8G pic.twitter.com/oL2N4fiViz

  — ICC Cricket World Cup (@cricketworldcup) October 10, 2023 " class="align-text-top noRightClick twitterSection" data="

  England step up in Dharamsala to garner their first #CWC23 win ⚡#ENGvBAN 📝: https://t.co/5YbMGSEr8G pic.twitter.com/oL2N4fiViz

  — ICC Cricket World Cup (@cricketworldcup) October 10, 2023

  ">

  England step up in Dharamsala to garner their first #CWC23 win ⚡#ENGvBAN 📝: https://t.co/5YbMGSEr8G pic.twitter.com/oL2N4fiViz

  — ICC Cricket World Cup (@cricketworldcup) October 10, 2023

ಟಾಸ್​ ಗೆದ್ದ ಬಾಂಗ್ಲಾ ಇಂಗ್ಲೆಂಡ್​ಗೆ ಮೊದಲು ಬ್ಯಾಟಿಂಗ್​ ಮಾಡುವಂತೆ ಆಹ್ವಾನ ನೀಡಿತು. ಬೈರ್‌ಸ್ಟೋವ್, ಮಲನ್ ಮತ್ತು ಜೋ ರೂಟ್ ಬ್ಯಾಟಿಂಗ್​ ನೆರವಿನಿಂದ ಆಂಗ್ಲರು 365 ರನ್​ಗಳ ಬೃಹತ್​ ಗುರಿ ನೀಡಿದರು. ಇದನ್ನು ಬೆನ್ನತ್ತಿದ ಬಾಂಗ್ಲಾ ಆರಂಭಿಕ ಆಘಾತದ ಜೊತೆಗೆ, ಮತ್ತೆ ಮತ್ತೆ ಆಘಾತಕ್ಕೆ ಒಳಗಾಯಿತು. ರೀಸ್ ಟಾಪ್ಲೆ ಎರಡನೇ ಓವರ್​ನಲ್ಲಿ ಎರಡು ಮತ್ತು 6ನೇ ಓವರ್​ನಲ್ಲಿ ಒಂದು ಸೇರಿ ಒಟ್ಟು 3 ವಿಕೆಟ್‌ಗಳನ್ನು ಮೊದಲ ಪವರ್​ ಪ್ಲೇನಲ್ಲೇ ಕಬಳಿಸಿದರು. 8ನೇ ಓವರ್​ನಲ್ಲಿ ಕ್ರಿಸ್ ವೋಕ್ಸ್ ಮತ್ತೊಂದು ವಿಕೆಟ್​ ಕಿತ್ತರು. ಇದರಿಂದ ತಂಜೀದ್ ಹಸನ್ (1), ನಜ್ಮುಲ್ ಹುಸೇನ್ ಶಾಂಟೊ (0), ಶಕೀಬ್ ಅಲ್ ಹಸನ್ (1), ಮೆಹದಿ ಹಸನ್ ಮಿರಾಜ್ (8) ರನ್​ ಗಳಿಸದೇ ವಿಕೆಟ್​ ಕೊಟ್ಟರು.

ಸತತ ನಾಲ್ಕು ವಿಕೆಟ್​ ಕಳೆದುಕೊಂಡಿದ್ದ ಬಾಂಗ್ಲಾಗೆ ಆಸರೆ ಆಗಿದ್ದು ಲಿಟನ್ ದಾಸ್ ಮತ್ತು ಮುಶ್ಫಿಕರ್ ರಹೀಮ್. ಈ ಜೋಡಿ 5ನೇ ವಿಕೆಟ್​ ಅರ್ಧಶತಕದ ಜೊತೆಯಾಟ ಮಾಡಿತು. 66 ಬಾಲ್​ನಲ್ಲಿ 76 ರನ್​ ಗಳಿಸಿ ಆಡುತ್ತಿದ್ದ ಲಿಟನ್ ದಾಸ್ ವಿಕೆಟ್​ ಪತನದ ಮೂಲಕ ಬಾಂಗ್ಲಾ ಗೆಲುವಿನ ಆಸೆ ಕಮರಿತು. ದಾಸ್​ ಬೆನ್ನಲ್ಲೇ ಅರ್ಧಶತಕ ಗಳಿಸಿದ ಮುಶ್ಫಿಕರ್ ರಹೀಮ್ (51) ಸಹ ಔಟಾದರು.

• Dominant in Dharamsala! 💪
  
  Up and running at #CWC23 🙌
  
  Scorecard/Insights: https://t.co/nojIVE04XG pic.twitter.com/4oCSdjmIG0

  — England Cricket (@englandcricket) October 10, 2023 " class="align-text-top noRightClick twitterSection" data="

  Dominant in Dharamsala! 💪
  
  Up and running at #CWC23 🙌
  
  Scorecard/Insights: https://t.co/nojIVE04XG pic.twitter.com/4oCSdjmIG0

  — England Cricket (@englandcricket) October 10, 2023

  ">

  Dominant in Dharamsala! 💪
  
  Up and running at #CWC23 🙌
  
  Scorecard/Insights: https://t.co/nojIVE04XG pic.twitter.com/4oCSdjmIG0

  — England Cricket (@englandcricket) October 10, 2023

ನಂತರ ತಂಡವನ್ನು ಗೆಲುವಿನತ್ತ ಕೊಂಡೊಯ್ಯುವುದು ಕಷ್ಟವಾದರೂ ರನ್​ರೇಟ್​ ಉಳಿಸಿಕೊಳ್ಳಲು ತೌಹೀದ್ ಹೃದಯೋಯ್ (39), ಮಹೆದಿ ಹಸನ್ (14), ತಸ್ಕಿನ್ ಅಹ್ಮದ್ (15), ಶೋರಿಫುಲ್ ಇಸ್ಲಾಂ (12) ಹೋರಾಡಿದರು.48.2 ಓವರ್​ ವೇಳೆ ಎಲ್ಲಾ ವಿಕೆಟ್​ ಕಳೆದುಕೊಂಡ ಬಾಂಗ್ಲಾದೇಶ 227 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಇದರಿಂದ 137 ರನ್​ಗಳಿಂದ ಸೋಲನುಭವಿಸಿತು.

ಡೇವಿಡ್ ಮಲಾನ್ 'ಪಂದ್ಯ ಶ್ರೇಷ್ಠ': ಇಂಗ್ಲೆಂಡ್​ ಪರ ರೀಸ್ ಟಾಪ್ಲೆ 4 ವಿಕೆಟ್​ ಪಡೆದು 4.30ರ ಎಕಾನಮಿಯಲ್ಲಿ ಬೌಲಿಂಗ್​ ಮಾಡಿ ಮೆಚ್ಚುಗೆ ಪಡೆದರು. ಕ್ರಿಸ್ ವೋಕ್ಸ್ 2 ಮತ್ತು ಆದಿಲ್ ರಶೀದ್, ಮಾರ್ಕ್ ವುಡ್, ಲಿಯಾಮ್ ಲಿವಿಂಗ್‌ಸ್ಟೋನ್, ಸ್ಯಾಮ್ ಕರನ್ ತಲಾ ಒಂದು ವಿಕೆಟ್​ ಕಬಳಿಸಿದರು. 140 ರನ್​ಗಳ ಬೃಹತ್ ಇನ್ನಿಂಗ್ಸ್​ ಆಡಿದ ಡೇವಿಡ್ ಮಲಾನ್ 'ಪಂದ್ಯ ಶ್ರೇಷ್ಠ' ಪ್ರಶಸ್ತಿಗೆ ಭಾಜನರಾದರು.

ಇದನ್ನೂ ಓದಿ: ಮೆಂಡಿಸ್, ಸಮರವಿಕ್ರಮ ಶತಕದಾಟ; ಪಾಕಿಸ್ತಾನಕ್ಕೆ 345 ರನ್‌ಗಳ ಬೃಹತ್‌ ಟಾರ್ಗೆಟ್‌