ಮುಂಬೈ: ಯುವ ಬ್ಯಾಟರ್ ಅನುಜ್ ರಾವತ್ ಶನಿವಾರ ಮುಂಬೈ ವಿರುದ್ಧ ಭರ್ಜರಿ ಅರ್ಧಶತಕ ಸಿಡಿಸಿ ಆರ್ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಶನಿವಾರ ನಡೆದ ಪಂದ್ಯದಲ್ಲಿ ರಾವತ್ ಮತ್ತು ಕೊಹ್ಲಿ ಬ್ಯಾಟಿಂಗ್ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 7 ವಿಕೆಟ್ಗಳ ಜಯ ಸಾಧಿಸಿತು. ಈ ಮೂಲಕ ಟೂರ್ನಿಯಲ್ಲಿ 3ನೇ ಜಯದೊಂದಿಗೆ 3ನೇ ಸ್ಥಾನಕ್ಕೇರಿತು.
ಪಂದ್ಯದ ನಂತರ ಮಾತನಾಡಿದ ಅನುಜ್ ರಾವತ್, ಆರ್ಸಿಬಿ ಗೆಲುವಿಗಾಗಿ ರನ್ಗಳಿಸಿದ್ದಕ್ಕೆ ನನ್ನಲ್ಲಿ ಶ್ರೇಷ್ಠ ಭಾವನೆ ಉಂಟಾಗಿದೆ. ನಾನು ಬ್ಯಾಟಿಂಗ್‌ನಲ್ಲಿ ಉತ್ತಮ ಆರಂಭ ಪಡೆದುಕೊಂಡೆ. ವಿರಾಟ್ ಕೊಹ್ಲಿ, ಡುಪ್ಲೆಸಿಸ್ ಅವರಂತಹ ಲೆಜೆಂಡ್ಸ್‌ ಜೊತೆಗೆ ಬ್ಯಾಟಿಂಗ್ ಮಾಡುವುದಕ್ಕೆ ಖುಷಿಯಿದೆ ಮತ್ತು ಅದನ್ನು ಆನಂದಿಸುತ್ತೇನೆ ಎಂದು 21 ವರ್ಷದ ಯುವ ಬ್ಯಾಟರ್ ಹೇಳಿದ್ದಾರೆ.
