ಏಷ್ಯಾ ಕಪ್​ ಚಾಂಪಿಯನ್‌ ಶ್ರೀಲಂಕಾ ರಾಷ್ಟ್ರಧ್ವಜದೊಂದಿಗೆ ಗೌತಮ್‌ ಗಂಭೀರ್ ಪೋಸ್

ಏಷ್ಯಾ ಕಪ್​​ನಲ್ಲಿ ನೆರೆಯ ಶ್ರೀಲಂಕಾ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ. ಈ ಸಂದರ್ಭದಲ್ಲಿ ಟೀಂ ಇಂಡಿಯಾ ಮಾಜಿ ಆಟಗಾರ, ಸಂಸದ ಗೌತಮ್ ಗಂಭೀರ್ ಸಿಂಹಳೀಯರ ಧ್ವಜ ಹಿಡಿದು ಸಂತಸ ವ್ಯಕ್ತಪಡಿಸಿದರು.

ದುಬೈ: ಅಚ್ಚರಿಯ ರೀತಿಯಲ್ಲಿ ಏಷ್ಯಾ ಕಪ್​ ಫೈನಲ್​​​ನಲ್ಲಿ ಶ್ರೀಲಂಕಾ ತಂಡ ಚಾಂಪಿಯನ್​​ ಆಗಿದೆ. ಮಹತ್ವದ ಟೂರ್ನಿ​ ಆಯೋಜಿಸುವ ಅವಕಾಶ ಪಡೆದುಕೊಂಡಿದ್ರೂ ತೀವ್ರ ಆರ್ಥಿಕ ಬಿಕ್ಕಟ್ಟಿನಿಂದಾಗಿ ವಿಶ್ವದ ಮುಂದೆ ತಲೆಬಾಗಿ ಟೂರ್ನಿಯನ್ನು ಬೇರೆಡೆ ನಡೆಸುವಂತೆ ಶ್ರೀಲಂಕಾ ಕ್ರಿಕೆಟ್ ಬೋರ್ಡ್​ ಐಸಿಸಿಗೆ ಮನವಿ ಮಾಡಿತ್ತು. ಹೀಗಾಗಿ, ದುಬೈನಲ್ಲಿ ಈ ಟೂರ್ನಿ​ ನಡೆಸಲು ನಿರ್ಧಾರ ಕೈಗೊಳ್ಳಲಾಗಿತ್ತು.

ಆರ್ಥಿಕ ಬಿಕ್ಕಟ್ಟು, ರಾಜಕೀಯ ಅಸ್ಥಿರತೆಯ ನಡುವೆಯೂ ಕೂಡಾ ಟೂರ್ನಿಯ​ನಲ್ಲಿ ಭಾಗಿಯಾಗಿದ್ದ ಶ್ರೀಲಂಕಾ ತಂಡ ಎಲ್ಲ ಸಮಸ್ಯೆಗಳನ್ನೂ ಮೆಟ್ಟಿ ನಿಲ್ಲುವಲ್ಲಿ ಯಶಸ್ವಿಯಾಗಿದೆ. ಸೋಲಿನೊಂದಿಗೆ ಅಭಿಯಾನ ಆರಂಭಿಸಿದ್ದ ಈ ಪಡೆ ತದನಂತರ ಗೆಲುವಿನ ನಾಗಾಲೋಟ ಮುಂದುವರೆಸಿ, ಪ್ರಶಸ್ತಿಗೆ ಮುತ್ತಿಕ್ಕಿತು.

• Superstar team…Truly deserving!! #CongratsSriLanka pic.twitter.com/mVshOmhzhe

  — Gautam Gambhir (@GautamGambhir) September 11, 2022 " class="align-text-top noRightClick twitterSection" data="

  Superstar team…Truly deserving!! #CongratsSriLanka pic.twitter.com/mVshOmhzhe

  — Gautam Gambhir (@GautamGambhir) September 11, 2022

  ">

  Superstar team…Truly deserving!! #CongratsSriLanka pic.twitter.com/mVshOmhzhe

  — Gautam Gambhir (@GautamGambhir) September 11, 2022

ಪಾಕ್​ ವಿರುದ್ಧ ನಿನ್ನೆ ನಡೆದ ರೋಚಕ ಹಣಾಹಣಿಯಲ್ಲಿ 23 ರನ್​​ಗಳ ಅಂತರದಿಂದ ಗೆಲುವು ದಾಖಲು ಮಾಡಿರುವ ಜೊತೆಗೆ 6ನೇ ಸಲ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ. ತಂಡ ಚಾಂಪಿಯನ್​ ಆಗಿ ಹೊರಹೊಮ್ಮುತ್ತಿದ್ದಂತೆ ಟೀಂ ಇಂಡಿಯಾ ಮಾಜಿ ಆಟಗಾರ ಗೌತಮ್ ಗಂಭೀರ್​, ಶ್ರೀಲಂಕಾ ಧ್ವಜವನ್ನು ಕೈಯಲ್ಲಿ ಹಿಡಿದು ಕ್ಯಾಮರಾಗೆ ಪೋಸ್ ಕೊಟ್ಟರು. ಜೊತೆಗೆ, ಇದರ ತುಣುಕನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ.

'ಪ್ರಶಸ್ತಿ ಗೆಲ್ಲಲು ನೀವು ನಿಜವಾಗಿಯೂ ಅರ್ಹ. ಸೂಪರ್​ ಸ್ಟಾರ್ ತಂಡ, ನಿಮಗೆ ಅಭಿನಂದನೆಗಳು' ಎಂದು ಗಂಭೀರ್ ಬರೆದುಕೊಂಡಿದ್ದಾರೆ.

ನಿನ್ನೆಯ ಪಂದ್ಯದಲ್ಲಿ ಕೇವಲ 58 ರನ್​​ಗಳಿಕೆ ಮಾಡುವಷ್ಟರಲ್ಲಿ ಪ್ರಮುಖ 5 ವಿಕೆಟ್​ ಕಳೆದುಕೊಂಡಿದ್ದ ಶ್ರೀಲಂಕಾ ತದನಂತರ ಭನುಕ ರಾಜಪಕ್ಸೆ ಅವರ ಅಮೋಘ 71 ರನ್​ ಹಾಗೂ ಹಸರಂಗ ಅವರ ಜವಾಬ್ದಾರಿಯುತ 36 ರನ್​​​ಗಳ ನೆರವಿನಿಂದ 170 ರನ್​​ಗಳಿಕೆ ಮಾಡಿತ್ತು. ಇದನ್ನು ಬೆನ್ನತ್ತಿದ ಪಾಕ್​​, ಸಿಂಹಳೀಯರ ಬೌಲಿಂಗ್ ದಾಳಿಗೆ ತತ್ತರಿಸಿ ಕೇವಲ 147 ರನ್​​​ಗಳಿಗೆ ಆಲೌಟ್​ ಆಯಿತು.