51ನೇ ವಸಂತಕ್ಕೆ ಕಾಲಿಟ್ಟ ಅನಿಲ್​ ಕುಂಬ್ಳೆ: ಮ್ಯಾಚ್‌ವಿನ್ನರ್​ 'ಜಂಬೋ'​ ಬಗ್ಗೆ ಕುತೂಹಲದ ಸಂಗತಿಗಳಿವು..

ಭಾರತ ಕ್ರಿಕೆಟ್​ನಲ್ಲಿ 'ಜಂಬೋ' ಎಂದೇ ಖ್ಯಾತನಾಮರಾದ ಅನಿಲ್​ ಕುಂಬ್ಳೆ ತಮ್ಮ 18 ವರ್ಷಗಳ ಕ್ರಿಕೆಟ್‌ ವೃತ್ತಿ ಬದುಕಿನಲ್ಲಿ ಟೆಸ್ಟ್‌ ಮೂಲಕ 619 ವಿಕೆಟ್ ಪಡೆದರೆ​, ಏಕದಿನ ಪಂದ್ಯಗಳಲ್ಲಿ 337 ವಿಕೆಟ್ ಸಾಧನೆ ಮಾಡಿದ್ದಾರೆ.

ಮುಂಬೈ: ವಿಶ್ವ ಕ್ರಿಕೆಟ್​ನ ಶ್ರೇಷ್ಠ ಬೌಲರ್​ಗಳಲ್ಲಿ ಒಬ್ಬರಾದ ಕನ್ನಡಿಗ ಅನಿಲ್​ ಕುಂಬ್ಳೆ ಇಂದು 51ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. 90ರ ದಶಕದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಅಡಿಯಿಟ್ಟ ಕುಂಬ್ಳೆ ಭಾರತ ತಂಡವನ್ನು 18 ವರ್ಷಗಳ ಕಾಲ ಪ್ರತಿನಿಧಿಸಿದ್ದರು.

ಅನಿಲ್​ ಕುಂಬ್ಳೆ (ಸಂಗ್ರಹ ಚಿತ್ರ)

ಕುಂಬ್ಳೆ ಕ್ರಿಕೆಟ್​ ಜೀವನದ ಪ್ರಮುಖ ಘಟನೆಗಳು..

1. 20ನೇ ವಯಸ್ಸಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ

20ನೇ ವಯಸ್ಸಿಗೆ ಅಂತಾರಾಷ್ಟ್ರೀಯ ಟೆಸ್ಟ್​ ಹಾಗೂ ಏಕದಿನ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಅನಿಲ್​ ಕುಂಬ್ಳೆ 18 ವರ್ಷಗಳ ಕಾಲ ಭಾರತ ತಂಡದ ಮುಂಚೂಣಿ ಬೌಲರ್​ ಆಗಿ ಕಾಣಿಸಿಕೊಂಡಿದ್ದರು. ವಿಶೇಷವೆಂದರೆ, ಇವರದ್ದೇ ಪದಾರ್ಪಣೆ ಪಂದ್ಯದಲ್ಲಿ ಸಚಿನ್​ ತಮ್ಮ ಮೊದಲ ಸೆಂಚುರಿ ಬಾರಿಸಿದ್ದರು.

ಅನಿಲ್​ ಕುಂಬ್ಳೆ ಹುಟ್ಟುಹಬ್ಬ (ಸಂಗ್ರಹ ಚಿತ್ರ)

2. ಕ್ರಿಕೆಟರ್ ಮಾತ್ರವಲ್ಲ, ಜ್ಞಾನಿ ಕೂಡಾ​

ಅನಿಲ್​ ಕುಂಬ್ಳೆ ವಿದಾಯ ಪಂದ್ಯ

ಕುಂಬ್ಳೆ ಕೇವಲ ಶ್ರೇಷ್ಠ ಕ್ರಿಕೆಟಿಗನಷ್ಟೇ ಅಲ್ಲ, ಬದಲಾಗಿ ಅವರೊಬ್ಬ ವಿದ್ಯಾವಂತರು ಕೂಡ. ಇಂಜಿನಿಯರ್​ ಪದವಿ ಪಡೆದಿರುವ ಅವರು ಇಂದಿಗೂ ಭಾರತ ತಂಡದ ಪರ ಹೆಚ್ಚು ಓದಿರುವ ಕ್ರಿಕೆಟಿಗ ಎಂಬ ಹಿರಿಮೆಗೂ ಪಾತ್ರರಾಗುತ್ತಾರೆ.

3. ಭಾರತ ಪರ ಹೆಚ್ಚು ವಿಕೆಟ್​

ಅನಿಲ್​ ಕುಂಬ್ಳೆ ಭಾರತ ತಂಡದ ಪರ ಹೆಚ್ಚು ವಿಕೆಟ್​ ಪಡೆದಿರುವ ಬೌಲರ್​ ಆಗಿದ್ದಾರೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ ಶ್ರೀಲಂಕಾದ ಮುತ್ತಯ್ಯ ಮುರುಳೀಧರನ್ ​(800) ಹಾಗೂ ಶೇನ್​ವಾರ್ನ್​ (708) ನಂತರದ ಗರಿಷ್ಠ ವಿಕೆಟ್​ ಪಡೆದ ಬೌಲರ್​ ಹಾಗೂ ಭಾರತದ ಪರ ಏಕದಿನ (337) ಹಾಗೂ ಟೆಸ್ಟ್​ (619) ಹೆಚ್ಚು ವಿಕೆಟ್​ ಪಡೆದ ಬೌಲರ್ ಕೂಡಾ ಹೌದು.

4. ಒಂದೇ ಇನ್ನಿಂಗ್ಸ್​ನಲ್ಲಿ 10 ವಿಕೆಟ್​​

ಅನಿಲ್​ ಕುಂಬ್ಳೆ ಒಂದೇ ಇನ್ನಿಂಗ್ಸ್​ನಲ್ಲಿ ಎದುರಾಳಿಯ ಎಲ್ಲಾ 10 ವಿಕೆಟ್​ ಪಡೆದ ವಿಶ್ವದ ಎರಡನೇ ಬೌಲರ್​. ಪಾಕಿಸ್ತಾನ ವಿರುದ್ಧ ಟೆಸ್ಟ್​ನಲ್ಲಿ ಈ ಅದ್ಭುತ ಸಾಧನೆಯನ್ನು ಕುಂಬ್ಳೆ ಮಾಡಿದ್ದರು. ಇವರನ್ನು ಬಿಟ್ಟರೆ ಇಂಗ್ಲೆಂಡ್​ನ ಜಿಮ್​ ಲೇಕರ್​ ಒಂದೇ ಇನ್ನಿಂಗ್ಸ್​​ನಲ್ಲಿ ಈ ದಾಖಲೆ ಮಾಡಿದ್ದಾರೆ.

• Wish you a very very happy birthday Anil bhai 🎂🎂🍰🍰 #HappyBirthdayAnilKumble #AnilKumble @anilkumble1074 pic.twitter.com/XWQbAQYVe3

  — انصار احمد انصاری (@AnsarAhmedAnsa7) October 17, 2019 " class="align-text-top noRightClick twitterSection" data="

  Wish you a very very happy birthday Anil bhai 🎂🎂🍰🍰 #HappyBirthdayAnilKumble #AnilKumble @anilkumble1074 pic.twitter.com/XWQbAQYVe3

  — انصار احمد انصاری (@AnsarAhmedAnsa7) October 17, 2019

  ">

  Wish you a very very happy birthday Anil bhai 🎂🎂🍰🍰 #HappyBirthdayAnilKumble #AnilKumble @anilkumble1074 pic.twitter.com/XWQbAQYVe3

  — انصار احمد انصاری (@AnsarAhmedAnsa7) October 17, 2019

ಪಾಕಿಸ್ತಾನದೆದುರು ಒಂದೇ ಇನ್ನಿಂಗ್ಸ್‌ನಲ್ಲಿ 10 ಪಡೆದು ಪಡೆದ ಐತಿಹಾಸಿಕ ಕ್ಷಣಗಳು...

5. ಫಾಸ್ಟ್​ ಬೌಲರ್​ನಿಂದ ವಿಶ್ವಶ್ರೇಷ್ಠ ಸ್ಪಿನ್ನರ್​ ಆದ ಕುಂಬ್ಳೆ

ಫಾಸ್ಟ್​ ಬೌಲರ್​ ಆಗಿ ಕ್ರಿಕೆಟ್​ ಬದುಕು ಆರಂಭಿಸಿದ್ದ ಕುಂಬ್ಳೆ ನಂತರ ಸ್ಪಿನ್​ ಬೌಲಿಂಗ್​ಗೆ ಬದಲಾದರಲ್ಲದೆ, ತಮ್ಮ ಆಯ್ಕೆಯಲ್ಲದ ಬೌಲಿಂಗ್​ನಲ್ಲಿ ವಿಶ್ವಶ್ರೇಷ್ಠ ಎಂದೆನಿಸುವ ಮೂಲಕ ಅಚ್ಚರಿಯನ್ನೂ ಮೂಡಿಸಿದ್ದಾರೆ.

ಸಚಿನ್, ಯುವರಾಜ್ ಸಿಂಗ್ ಜೊತೆ ಅನಿಲ್​ ಕುಂಬ್ಳೆ

6. ಹೆಚ್ಚು ಬಾರಿ ಕ್ಯಾಚ್​ ಆ್ಯಂಡ್​ ಬೌಲ್ಡ್​​

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಅನಿಲ್​ ಕುಂಬ್ಳೆ ತಾವೇ ಬೌಲಿಂಗ್​ ಮಾಡಿ ತಾವೇ ಕ್ಯಾಚ್​ ಪಡೆದು ಬ್ಯಾಟ್ಸ್​ಮನ್​ರನ್ನು ಹೆಚ್ಚು ಬಾರಿ ಔಟ್​ ಮಾಡಿದ್ದಾರೆ. ಈ ರೀತಿ 25 ಬಾರಿ ಕ್ರಿಕೆಟ್‌ ಲೋಕದ ಗಮನ ಸೆಳೆದಿದ್ದಾರೆ.

7. ತಲೆಗೆ ಬ್ಯಾಂಡೇಜ್​ ಕಟ್ಟಿ ಬೌಲಿಂಗ್​

ತಲೆಗೆ ಬ್ಯಾಂಡೇಜ್​ ಕಟ್ಟಿ ಬೌಲಿಂಗ್​

2009ರಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಬ್ಯಾಟಿಂಗ್​ ನಡೆಸುತ್ತಿದ್ದ ಕುಂಬ್ಳೆ ದವಡೆಗೆ ಚೆಂಡು ಬಡಿದು ಗಾಯಗೊಂಡಿದ್ದರು. ಆದರೆ ಆ ನೋವು ಲೆಕ್ಕಿಸದೆ 14 ಓವರ್​ ಬೌಲಿಂಗ್​ ಮಾಡಿದ್ದ ಅವರು ವಿಂಡೀಸ್​ ತಂಡದ ಬ್ರಿಯಾನ್​ ಲಾರಾ ಅವರನ್ನು ಔಟ್​ ಮಾಡಿದ್ದರು. ಈ ಘಟನೆ ಅದೆಷ್ಟೋ ಕ್ರಿಕೆಟಿಗರಿಗೆ ಇಂದಿಗೂ ಸ್ಫೂರ್ತಿಯ ಸೆಲೆ.