ಅಬುಧಾಬಿ: 5ನೇ ಆವೃತ್ತಿಯ ಅಬು ಧಾಬಿ ಟಿ10 ಲೀಗ್ ನವೆಂಬರ್ 19 ರಿಂದ ಡಿಸೆಂಬರ್ 2ರವರೆಗೆ ನಡೆಯಲಿದೆ ಎಂದು ಆಯೋಜಕರು ಬುಧವಾರ ತಿಳಿಸಿದ್ದಾರೆ.
ಇನ್ನು ಲೀಗ್ನ ಫೈನಲ್ ಪಂದ್ಯ ಯುನೈಟೆಡ್ ಅರಬ್ ಎಮಿರೇಟ್ಸ್ನ 50ನೇ ರಾಷ್ಟ್ರೀಯ ದಿನದಂದು ನಡೆಯಲಿದೆ. 2021ರ ಅಬುಧಾಬಿ ಟಿ10 ಲೀಗ್ ಈ ವರ್ಷದಿಂದ 90 ನಿಮಿಷಗಳಿಗೆ ಮತ್ತು 10ರ ಬದಲಾಗಿ 15 ದಿನಗಳ ಕಾಲ ನಡೆಯಲಿದೆ.
2017ರಲ್ಲಿ ಕೇವಲ 4 ತಂಡಗಳೊಂದಿಗೆ ಶುರುವಾದ ಟೂರ್ನಿ ಇಂದು ಕ್ರಿಕೆಟ್ ಜಗತ್ತಿನ ಒಂದು ಭಾಗವಾಗಿರುವುದು ನಮಗೆ ಹೆಮ್ಮೆ ತಂದಿದೆ. ವಿಶ್ವ ಕ್ರಿಕೆಟ್ನ ಟಾಪ್ ಕ್ರಿಕೆಟರ್ಗಳು ಈ ಲೀಗ್ನಲ್ಲಿ ಆಡುತ್ತಿರುವುದನ್ನು ನೋಡುವುದಕ್ಕೆ ಹೃದಯ ತುಂಬಿ ಬರುತ್ತಿದೆ. ಇದೊಂದು ಅತ್ಯಂತ ಜನಪ್ರಿಯ ಮಾದರಿಯ ಕ್ರಿಕೆಟ್ ಆಗಿದ್ದು, ಭವಿಷ್ಯದ ಕ್ರಿಕೆಟಿಗರು ಈ ವೇದಿಕೆಯನ್ನು ಉಪಯೋಗಿಸಿಕೊಂಡು ತಮ್ಮ ಸಾಮರ್ಥ್ಯ ತೋರಿಸಲು ನೆರವಾಗಿದೆ ಎಂದು ಟೆನ್ ಸ್ಪೋರ್ಟ್ಸ್ ಮ್ಯಾನೇಜ್ಮೆಂಟ್ ಅಧ್ಯಕ್ಷ ಶಾಜಿ ಉಲ್ ಮುಲ್ಕ್ ಹೇಳಿದ್ದಾರೆ.
ಟೂರ್ನಮೆಂಟ್ ಕಳೆದ ವರ್ಷ ಕಠಿಣ ಕೋವಿಡ್ ಪ್ರೋಟೋಕಾಲ್ಗಳೊಂದಿಗೆ ಯಶಸ್ವಿಯಾಗಿ ನಡೆದಿತ್ತು. ಈ ವರ್ಷವೂ ಕೂಡ ಅದೇ ಮಾದರಿಯಲ್ಲಿ ನಡೆಯಲಿದೆ .
ಇದನ್ನು ಓದಿ:ಅಸಡ್ಡೆ ಬೇಡ, ಆದಷ್ಟು ಬೇಗ ಕೋವಿಡ್ ವ್ಯಾಕ್ಸಿನ್ ಪಡೆದುಕೊಳ್ಳಿ: ಶಿಖರ್ ಧವನ್ ಮನವಿ
