ಸಮಾನ ವೇತನ ಪ್ರಕಟಿಸಿದ ಬಿಸಿಸಿಐ ನಿರ್ಧಾರಕ್ಕೆ ಮಹಿಳಾ ಆಯೋಗ, ಆಟಗಾರ್ತಿಯರೂ ಖುಷ್​

ಮಹಿಳಾ ಕ್ರಿಕೆಟಿಗರಿಗೆ ಪುರುಷರಷ್ಟೇ ವೇತನ ನೀಡುವ ಬಿಸಿಸಿಐ ಘೋಷಣೆಯನ್ನು ರಾಷ್ಟ್ರೀಯ ಮಹಿಳಾ ಆಯೋಗ ಸ್ವಾಗತಿಸಿದೆ. ಮಹಿಳಾ ಕ್ರಿಕೆಟಿಗರೂ ಕೂಡ ಧನ್ಯವಾದ ಹೇಳಿದ್ದಾರೆ.

ನವದೆಹಲಿ: ಗುತ್ತಿಗೆಯಲ್ಲಿರುವ ಮಹಿಳಾ ಕ್ರಿಕೆಟ್​ ಆಟಗಾರ್ತಿಯರಿಗೆ ಪುರುಷರಷ್ಟೇ ಸಮಾನ ವೇತನ ನೀಡುವುದಾಗಿ ಘೋಷಿಸಿದ ಭಾರತೀಯ ಕ್ರಿಕೆಟ್​ ನಿಯಂತ್ರಣ ಮಂಡಳಿಯ(ಬಿಸಿಸಿಐ) ನಿರ್ಧಾರವನ್ನು ರಾಷ್ಟ್ರೀಯ ಮಹಿಳಾ ಆಯೋಗ ಸ್ವಾಗತಿಸಿದೆ. ಅಲ್ಲದೇ, "ಇದೊಂದು ಐತಿಹಾಸಿಕ ನಿರ್ಣಯ" ಎಂದು ಕೊಂಡಾಡಿದೆ.

ಈ ಬಗ್ಗೆ ಹೇಳಿಕೆ ನೀಡಿರುವ ಆಯೋಗ ರಾಷ್ಟ್ರೀಯ ಅಧ್ಯಕ್ಷೆ ರೇಖಾ ಶರ್ಮಾ, "ಇದು ಭಾರತ ಮಹಿಳಾ ಕ್ರಿಕೆಟ್​ ಇತಿಹಾಸದಲ್ಲಿಯೇ ಐತಿಹಾಸಿಕ ನಿರ್ಧಾರ. ಆಟಗಾರ್ತಿಯರಿಗೆ ಸಿಕ್ಕ ಜಯ. ಮಹಿಳಾ ಕ್ರಿಕೆಟಿಗರು, ಪುರುಷರಷ್ಟೇ ವೇತನ ಪಡೆಯುವುದು ಸಮಾನತೆಯ ಹೊಸ ಯುಗಕ್ಕೆ ನಾಂದಿ ಹಾಡಿದಂತಾಗಿದೆ. ಲಿಂಗ ಸಮಾನತೆಯನ್ನು ಸಾಧಿಸುವಲ್ಲಿಯೂ ಇದು ಮಹತ್ವದ ಹೆಜ್ಜೆ" ಎಂದು ಹೇಳಿದರು.

ಬಿಸಿಸಿಐನ ಈ ನಿರ್ಧಾರವು ಯುವ ಪ್ರತಿಭೆಗಳಿಗೆ ಕ್ರೀಡೆಯ ಮೇಲಿನ ಉತ್ಸಾಹವನ್ನು ಇನ್ನಷ್ಟು ಹೆಚ್ಚಿಸಲಿದೆ. ಇದನ್ನು ಇತರ ಕ್ರೀಡಾ ಸಂಸ್ಥೆಗಳೂ ಅನುಸರಿಸಬೇಕು ಎಂದು ಆಯೋಗ ಕೋರಿದೆ.

• What amazing news for Women's cricket in India 👏👏 https://t.co/Mn4shzF05r

  — Smriti Mandhana (@mandhana_smriti) October 27, 2022 " class="align-text-top noRightClick twitterSection" data="

  What amazing news for Women's cricket in India 👏👏 https://t.co/Mn4shzF05r

  — Smriti Mandhana (@mandhana_smriti) October 27, 2022

  ">

  What amazing news for Women's cricket in India 👏👏 https://t.co/Mn4shzF05r

  — Smriti Mandhana (@mandhana_smriti) October 27, 2022

ಲಿಂಗ ತಾರತಮ್ಯವನ್ನು ಹೋಗಲಾಡಿಸುವ ನಿಟ್ಟಿನಲ್ಲಿ ಬಿಸಿಸಿಐ ಕೇಂದ್ರೀಯ ಗುತ್ತಿಗೆಯ ಮಹಿಳಾ ಮತ್ತು ಪುರುಷ ಆಟಗಾರರಿಗೆ ಸಮಾನವಾಗಿ ಪಂದ್ಯದ ಶುಲ್ಕವನ್ನು ನೀಡುವುದಾಗಿ ಇಂದು ಘೋಷಿಸಿತು. ಈ ನಿರ್ಧಾರದ ಪ್ರಕಾರ, ಮಹಿಳಾ ಕ್ರಿಕೆಟಿಗರು ಪ್ರತಿ ಟೆಸ್ಟ್‌ಗೆ 15 ಲಕ್ಷ ರೂಪಾಯಿ, ಏಕದಿನ ಪಂದ್ಯವೊಂದಕ್ಕೆ 6 ಲಕ್ಷ ರೂ. ಮತ್ತು ಟಿ-20 ಗೆ 3 ಲಕ್ಷ ರೂಪಾಯಿಗಳನ್ನು ಪಡೆಯುತ್ತಾರೆ. ಸಮಾನ ವೇತನ ನೀಡಬೇಕು ಎಂದು ಮಹಿಳಾ ಕ್ರಿಕೆಟಿಗರು ಬಹುದಿನಗಳಿಂದ ಬೇಡಿಕೆ ಮಂಡಿಸಿದ್ದರು.

• #TeamIndia captain @ImHarmanpreet reacts on the landmark decision on pay equity policy for the contracted women cricketers. pic.twitter.com/HyxCmrJzMU

  — BCCI Women (@BCCIWomen) October 27, 2022 " class="align-text-top noRightClick twitterSection" data="

  #TeamIndia captain @ImHarmanpreet reacts on the landmark decision on pay equity policy for the contracted women cricketers. pic.twitter.com/HyxCmrJzMU

  — BCCI Women (@BCCIWomen) October 27, 2022

  ">

  #TeamIndia captain @ImHarmanpreet reacts on the landmark decision on pay equity policy for the contracted women cricketers. pic.twitter.com/HyxCmrJzMU

  — BCCI Women (@BCCIWomen) October 27, 2022

ಆಟಗಾರ್ತಿಯರಿಂದ ಸೆಲ್ಯೂಟ್​: ತಮ್ಮ ವೇತನ ಹೆಚ್ಚಳ ಮಾಡಿದ್ದಕ್ಕೆ ಮಹಿಳಾ ಕ್ರಿಕೆಟಿಗರು ಬಿಸಿಸಿಐಗೆ ಧನ್ಯವಾದ ಹೇಳಿದ್ದಾರೆ. ವೇತನ ಸಮಾನತೆಯಿಂದ ದೇಶದಲ್ಲಿ ಮಹಿಳಾ ಕ್ರಿಕೆಟ್​ ಇನ್ನಷ್ಟು ಬೆಳೆಯಲಿದೆ. ಈ ಐತಿಹಾಸಿಕ ನಿರ್ಧಾರವನ್ನು ಸ್ವಾಗತಿಸುವೆ ಎಂದು ಮಹಿಳಾ ಕ್ರಿಕೆಟ್​ ತಂಡದ ನಾಯಕಿ ಹರ್ಮನ್​ಪ್ರೀತ್​ ಕೌರ್​ ಹೇಳಿದ್ದಾರೆ. ಇದೊಂದು ಅದ್ಭುತ ಸುದ್ದಿ ಎಂದು ಡ್ಯಾಶಿಂಗ್​ ಬ್ಯಾಟರ್​ ಸ್ಮೃತಿ ಮಂದಾನ ಟ್ವೀಟ್​ ಮಾಡಿದ್ದಾರೆ. ಹಾಲಿಯಲ್ಲದೇ, ಮಾಜಿ ಮಹಿಳಾ ಕ್ರಿಕೆಟ್​ ಆಟಗಾರ್ತಿಯರು ಕೂಡ ಇದನ್ನು ಬಹುವಾಗಿ ಮೆಚ್ಚಿಕೊಂಡಿದ್ದಾರೆ.

ಇದನ್ನೂ ಓದಿ: ಪುರುಷ ಮತ್ತು ಮಹಿಳಾ ಕ್ರಿಕೆಟಿಗರಿಗೆ ಸಮಾನ ವೇತನ: ಮಹತ್ವದ ಘೋಷಣೆ ಮಾಡಿದ ಬಿಸಿಸಿಐ