ಮೆಲ್ಬೋರ್ನ್: ಇಂಗ್ಲೆಂಡ್ ತಂಡ ಆ್ಯಶಸ್ ಸರಣಿಯ 3ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಕ್ಯಾಲೆಂಡರ್ ವರ್ಷದಲ್ಲಿ ಅತಿ ಹೆಚ್ಚು ಟೆಸ್ಟ್ ಪಂದ್ಯಗಳಲ್ಲಿ ಸೋಲು ಕಂಡ ಕಳಪೆ ದಾಖಲೆಗೆ ಪಾತ್ರವಾಗಿದೆ.
ಪ್ರಸ್ತುತ 5 ಪಂದ್ಯಗಳ ಪ್ರತಿಷ್ಠಿತ ಆ್ಯಶಸ್ ಟೆಸ್ಟ್ ಸರಣಿಯಲ್ಲಿ ಇಂಗ್ಲೆಂಡ್ ಈಗಾಗಲೇ 0-3ರಲ್ಲಿ ಹಿನ್ನಡೆ ಅನುಭವಿಸಿದೆ. ಮೂರು ಪಂದ್ಯಗಳಲ್ಲೂ ಯಾವುದೇ ಪ್ರತಿರೋಧ ತೋರದೇ ಸೋಲು ಕಾಣುತ್ತಿರುವ ಆಂಗ್ಲರ ತಂಡ 2021ರಲ್ಲಿ 9ನೇ ಸೋಲು ಕಂಡಿದೆ.
2003ರಲ್ಲಿ ಬಾಂಗ್ಲಾದೇಶ ತಂಡ 9 ಪಂದ್ಯಗಳಲ್ಲಿ ಸೋಲು ಕಂಡು ಈ ಕಳಪೆ ದಾಖಲೆಗೆ ಪಾತ್ರವಾಗಿತ್ತು. ಇದೀಗ ಇಂಗ್ಲೆಂಡ್ 2021ರಲ್ಲಿ ಅಷ್ಟೇ ಸೋಲು ಕಂಡು ಬಾಂಗ್ಲಾದೇಶದೊಂದಿಗೆ ಆ ದಾಖಲೆಯನ್ನು ಹಂಚಿಕೊಂಡಿದೆ.
ಜೋ ರೂಟ್ ನೇತೃತ್ವದ ಇಂಗ್ಲೆಂಡ್ ತಂಡ ಪ್ರಸ್ತುತ ವರ್ಷದಲ್ಲಿ ಭಾರತದೆದುರು 5 ಟೆಸ್ಟ್, ಆಸ್ಟ್ರೇಲಿಯಾ ವಿರುದ್ಧ 3 ಮತ್ತು ನ್ಯೂಜಿಲ್ಯಾಂಡ್ ವಿರುದ್ಧ 1 ಟೆಸ್ಟ್ ಪಂದ್ಯದಲ್ಲಿ ಸೋಲು ಕಂಡಿದೆ. ಇಂಗ್ಲೆಂಡ್ 2-0ಯಲ್ಲಿ ಶ್ರೀಲಂಕಾ ವಿರುದ್ಧ ಸರಣಿ ಗೆದ್ದಿರುವುದು 2021ರಲ್ಲಿ ತಂಡದ ಏಕೈಕ ಧನಾತ್ಮಕ ಸಾಧನೆಯಾಗಿದೆ.
ಇದನ್ನೂ ಓದಿ:ಇಂಗ್ಲೆಂಡ್ 68ಕ್ಕೆ ಆಲೌಟ್ : ಭಾರತವನ್ನು ಗೇಲಿ ಮಾಡಿದ್ದ ಮೈಕಲ್ ವಾನ್ರನ್ನು ಟ್ರೋಲ್ ಮಾಡಿದ ಜಾಫರ್
