ಲೀಡ್ಸ್: ಇಂಗ್ಲೆಂಡ್ ತಂಡ ನಮಗಿಂತಲೂ ಹೆಚ್ಚು ಬ್ಯಾಟಿಂಗ್ನಲ್ಲಿ ದೃಢಸಂಕಲ್ಪ ಹೊಂದಿತ್ತು ಮತ್ತು ಅವರ ನಿರ್ಧಾರಗಳು ಅತ್ಯುತ್ತಮವಾಗಿದ್ದವು ಎಂದು ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ 3ನೇ ಟೆಸ್ಟ್ನಲ್ಲಿ ಅತಿಥೇಯರೆದುರು ಇನ್ನಿಂಗ್ಸ್ ಮತ್ತು 76 ರನ್ಗಳ ಸೋಲು ಕಂಡ ನಂತರ ಹೇಳಿದ್ದಾರೆ.
ಭಾರತ ತಂಡ ಶನಿವಾರ 4ನೇ ದಿನ ಎರಡನೇ ಇನ್ನಿಂಗ್ಸ್ನಲ್ಲಿ ಒಲ್ಲಿ ರಾಬಿನ್ಸನ್ ಬೌಲಿಂಗ್ ದಾಳಿಗೆ ತತ್ತರಿಸಿ 278ರನ್ಗಳಿಗೆ ಆಲೌಟ್ ಆಯಿತು.ಕ್ರೇಗ್ ಓವರ್ಟನ್ 47ಕ್ಕೆ 3 ವಿಕೆಟ್ ಪಡೆದರೆ, ಆ್ಯಂಡರ್ಸನ್ ಮತ್ತು ಮೊಯೀನ್ ಅಲಿ ತಲಾ ಒಂದು ವಿಕೆಟ್ ಪಡೆದರು.
ಸ್ಕೋರ್ಬೋರ್ಡ್ ಒತ್ತಡ ನಮ್ಮನ್ನು ಕುಸಿಯುವಂತೆ ಮಾಡಿತು. ನಾವು ಕೇವಲ 80(78) ರನ್ ಗಳಿಸಿದ್ದಾಗ ಮತ್ತು ಎದುರಾಳಿ ದೊಡ್ಡ ಮೊತ್ತಗಳಿಸಿದ್ದಾಗ ನಾವು ಒತ್ತಡ ಸಾಮಾನ್ಯವಾಗಿರುತ್ತದೆ. ಆದರೂ 3ನೇ ದಿನ ಪೂರ್ತಿ ಕೆಲವು ನಿರ್ಣಾಯಕ ಜೊತೆಯಾಟವನ್ನು ನೀಡಿದೆವು. ಆದರೆ ಈ ದಿನ ಬೆಳಿಗ್ಗೆ ಇಂಗ್ಲೀಷ್ ಬೌಲರ್ಗಳು ಅದ್ಭುತವಾಗಿ ಬೌಲಿಂಗ್ ಮಾಡಿದರು, ನಾವು ಅಕ್ಕೆ ಸರಿಯಾಗಿ ಪ್ರತಿಕ್ರಿಯಿಸಲಿಲ್ಲ ಎಂದು ಕೊಹ್ಲಿ ಪಂದ್ಯ ಮುಗಿದ ನಂತರ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ಇದನ್ನು ಓದಿ:ಕೊಹ್ಲಿ ವಿಕೆಟ್ ಪಡೆಯಲು ಮಾಡಿದ್ದ ಪ್ಲಾನ್ ತುಂಬಾ ಸಿಂಪಲ್: ರಾಬಿನ್ಸನ್
ಮಾತು ಮುಂದುವರಿಸಿ, ಈ ದೇಶದಲ್ಲಿ ಬ್ಯಾಟಿಂಗ್ ಕುಸಿತ ಸಾಮಾನ್ಯವಾಗಿ ಕಂಡುಬರುತ್ತದೆ. ಪಿಚ್ ಬ್ಯಾಟಿಂಗ್ ಮಾಡಲು ಉತ್ತಮವಾಗಿತ್ತು. ಆದರೆ ಅವರ ಶಿಸ್ತುಬದ್ದ ಬೌಲಿಂಗ್ ದಾಳಿ ನಮ್ಮನ್ನು ತಪ್ಪು ಮಾಡಲು ಒತ್ತಾಯಿಸಿತು. ನಾವು ರನ್ಗಳಿಸಲು ಸಾಧ್ಯವಾಗದಿದ್ದಾಗ ಅಂತಹ ಸ್ಪೆಲ್ಗಳನ್ನು ನಿಭಾಯಿಸುವುದು ಕಷ್ಟಕರವಾಗಿತ್ತದೆ. ಅಲ್ಲದೆ ಬ್ಯಾಟಿಂಗ್ ಬಳಗವಾಗಿ ನಾವು ಉತ್ತಮ ಶಾಟ್ಗಳ ಆಯ್ಕೆಯಲ್ಲಿ ಉತ್ತಮ ನಿರ್ಧಾರ ತೆಗೆದುಕೊಳ್ಳಲಿಲ್ಲ. ಈ ಪಿಚ್ ಬ್ಯಾಟಿಂಗ್ ಮಾಡಲೂ ತುಂಬಾ ಒಳ್ಳೆಯದಾಗಿತ್ತು. ಇಂಗ್ಲೆಂಡ್ ಬ್ಯಾಟಿಂಗ್ ಮಾಡುವಾಗ ಇದು ಹೆಚ್ಚೇನು ಬದಲಾಗಿರಲಿಲ್ಲ, ಅವರು ಬ್ಯಾಟಿಂಗ್ನಲ್ಲಿ ತುಂಬಾ ದೃಢಸಂಕಲ್ಪ ಹೊಂದಿದ್ದರು ಮತ್ತು ಅತ್ಯುತ್ತಮವಾಗಿ ನಿಭಾಯಿಸಿದರು. ಅವರು ಖಂಡಿತ ಈ ಗೆಲುವಿಗೆ ಅರ್ಹರಾಗಿದ್ದಾರೆ ಎಂದು ಕೊಹ್ಲಿ ತಿಳಿಸಿದ್ದಾರೆ.
ಕೆಳ ಕ್ರಮಾಂಕದ ಬ್ಯಾಟ್ಸ್ಮನ್ಗಳು ಇನ್ನಷ್ಟು ಉತ್ತಮ ಪ್ರದರ್ಶನ ತೋರಬಹುದಿತ್ತೆ ಎಂದು ಕೇಳಿದ್ದಕ್ಕೆ, ಕೊಹ್ಲಿ, " ನಮ್ಮಲ್ಲಿ ಸಾಕಷ್ಟು ಬ್ಯಾಟಿಂಗ್ ಆಳವಿಲ್ಲ ಎಂದು ನೀವು ಹೇಳಬಹುದು, ಆದರೆ ಅಗ್ರ ಕ್ರಮಾಂಕವು ಕೆಳ ಮಧ್ಯಮ ಕ್ರಮಾಂಕಕ್ಕೆ ಮುಂದುವರಿಸಿಕೊಂಡು ಹೋಗಲು ಸಾಕಷ್ಟು ರನ್ ನೀಡಬೇಕಾಗುತ್ತದೆ. ಯಾವಾಗಲೂ ಕೆಳ ಕ್ರಮಾಂಕವು ತಂಡವನ್ನು ಯಾವಾಗಲೂ ಆಧಾರವಾಗಲು ಸಾಧ್ಯವಿಲ್ಲ. ಎರಡನೇ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ಹೊರತುಪಡಿಸಿ, ಈ ಪಂದ್ಯದಲ್ಲಿ ನಾವು ಧನಾತ್ಮಕವಾಗಿ ತೆಗೆದುಕೊಳ್ಳುವಂತಹದ್ದು ಏನೂ ಇಲ್ಲ" ಎಂದು ಟೀಮ್ ಇಂಡಿಯಾ ನಾಯಕ ಹೇಳಿದ್ದಾರೆ.
ಇದನ್ನು ಓದಿ:ರಾಬಿನ್ಸನ್ 5 ವಿಕೆಟ್: ಭಾರತಕ್ಕೆ ಇನ್ನಿಂಗ್ಸ್ ಮತ್ತು 76ರನ್ಗಳ ಸೋಲು, ಸರಣಿ 1 1ರಲ್ಲಿ ಸಮಬಲ
