ಡಬ್ಲಿನ್(ಐರ್ಲೆಂಡ್): ಕ್ರಿಕೆಟ್ ಶಿಶು ಐರ್ಲೆಂಡ್ ವಿರುದ್ಧ ಭಾನುವಾರ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಒಂದು ವಿಕೆಟ್ ಪಡೆಯುವ ಮೂಲಕ ಟೀಂ ಇಂಡಿಯಾ ವೇಗಿ ಭುವನೇಶ್ವರ್ ಕುಮಾರ್, ಪವರ್ ಪ್ಲೇನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಮೊದಲ ಆಟಗಾರ ಎಂಬ ದಾಖಲೆ ಬರೆದರು. ಇದರ ಜೊತೆಗೆ ಅವರು ಎಲ್ಲರೂ ಹುಬ್ಬೇರಿಸುವ ಮತ್ತೊಂದು ಸಾಧನೆ ಮಾಡಿದ್ದಾರೆಂದು ಎಲ್ಲರೂ ಅಚ್ಚರಿಗೊಳಗಾಗಿದ್ದರು.
ಸ್ವಿಂಗ್ ಬೌಲರ್ ಭುವಿ ನಿನ್ನೆಯ ಪಂದ್ಯದಲ್ಲಿ ಗಂಟೆಗೆ ಬರೋಬ್ಬರಿ 208 ಕಿ.ಮೀ ವೇಗದಲ್ಲಿ ಚೆಂಡು ಎಸೆದಿದ್ದಾರೆಂದು ಟಿವಿ ಪರದೆಯಲ್ಲಿ ತೋರಿಸಲಾಗಿತ್ತು. ಈ ಮೂಲಕ ಕ್ರಿಕೆಟ್ ಅಭಿಮಾನಿಗಳು ಮಾತ್ರವಲ್ಲ, ಕ್ರಿಕೆಟ್ ದಿಗ್ಗಜರಿಗೇ ಅರೆಕ್ಷಣ ಅಚ್ಚರಿ.! ಕೆಲವರು ಪಾಕ್‌ನ ಶೋಯೆಬ್ ಅಖ್ತರ್ ಅವರನ್ನು ಉಲ್ಲೇಖಿಸಿ ವಿಶ್ವ ಕ್ರಿಕೆಟ್ನಲ್ಲಿ 161.3 ಕಿ.ಮೀ ವೇಗದಲ್ಲಿ ಬೌಲಿಂಗ್ ಮಾಡಿರುವ ದಾಖಲೆಯನ್ನು ಭುವಿ ಪುಡಿಗಟ್ಟಿದ್ದಾರೆ ಎಂದು ವಾದಿಸಿದ್ದರು.
-
#IREvIND
— A (@AppeFizzz) June 26, 2022 " class="align-text-top noRightClick twitterSection" data="
Bhuvi bowling with 208 km/h 😭😭😭 pic.twitter.com/e9pTkYT5nb
">#IREvIND
— A (@AppeFizzz) June 26, 2022
Bhuvi bowling with 208 km/h 😭😭😭 pic.twitter.com/e9pTkYT5nb#IREvIND
— A (@AppeFizzz) June 26, 2022
Bhuvi bowling with 208 km/h 😭😭😭 pic.twitter.com/e9pTkYT5nb
ಇದನ್ನೂ ಓದಿ: ಟಿ-20 ಪವರ್ ಪ್ಲೇ: ಅತಿ ಹೆಚ್ಚು ವಿಕೆಟ್ ಪಡೆದ ಭುವನೇಶ್ವರ್ ಕುಮಾರ್
ಕ್ರಿಕೆಟ್ ಇತಿಹಾಸದಲ್ಲಿ ಅತಿ ವೇಗದ ಚೆಂಡು ಎಸೆದ ದಾಖಲೆ ಶೋಯೆಬ್ ಅಖ್ತರ್ ಹೆಸರಲ್ಲಿದೆ. ಭುವನೇಶ್ವರ್ ಕುಮಾರ್ ಬೌಲಿಂಗ್ ಮಾಡ್ತಿದ್ದಾಗ ಸ್ಪೀಡೋ ಮೀಟರ್ನಲ್ಲಿ ತಾಂತ್ರಿಕ ದೋಷ ಕಂಡುಬಂದಿದೆ. ಹೀಗಾಗಿ, ಮೊದಲ ಎಸೆತ 201 ಕಿಲೋ ಮೀಟರ್ ಹಾಗೂ ಎರಡನೇ ಎಸೆತ 208 ಕಿ.ಮೀ ಎಂದು ಕಾಣಿಸಿಕೊಂಡಿದೆ ಎನ್ನಲಾಗ್ತಿದೆ.
2002ರಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಶೋಯೆಬ್ ಅಖ್ತರ್ ದಾಖಲೆಯ 161.3 ಕಿ.ಮೀ ವೇಗದಲ್ಲಿ ಚೆಂಡು ಎಸೆದಿರುವುದು ಮುರಿಯದ ದಾಖಲೆಯಾಗಿಯೇ ಉಳಿದಿದೆ. 2022ರ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವೇಗಿ ಉಮ್ರಾನ್ ಮಲಿಕ್ 157 ಕಿ.ಮೀ ವೇಗದಲ್ಲಿ ಬೌಲಿಂಗ್ ಮಾಡಿದ್ದರು.
ಐರ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ನೇತೃತ್ವದ ಟೀಂ ಇಂಡಿಯಾ 7 ವಿಕೆಟ್ಗಳ ಅಂತರದ ಗೆಲುವು ದಾಖಲಿಸಿದ್ದು, ಎರಡು ಟಿ20 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿದೆ.
