ನವದೆಹಲಿ : ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಐಪಿಎಲ್ನಲ್ಲಿ ಚೆನ್ನೈ ಕ್ವಾಲಿಫೈಯರ್ ತಲುಪಿದ ಮೇಲೆ 4ನೇ ಕ್ರಮಾಂಕಕ್ಕೆ ಬಡ್ತಿ ಪಡೆದು ಬ್ಯಾಟಿಂಗ್ ಮಾಡಬೇಕೆಂದು ಮಾಜಿ ಟೀಂ ಇಂಡಿಯಾ ಬ್ಯಾಟರ್ ಗೌತಮ್ ಗಂಭೀರ್ ಹೇಳಿದ್ದಾರೆ.
ಸಿಎಸ್ಕೆ ಪ್ರಸ್ತುತ 9 ಪಂದ್ಯಗಳಿಂದ 7 ಗೆಲುವು ದಾಖಲಿಸಿ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರುವ ಸಿಎಸ್ಕೆ ಪ್ಲೇ ಆಫ್ ಅಂತಿಮ ಮೆಟ್ಟಿಲಿನಲ್ಲಿದೆ. ಸಿಎಸ್ಕೆ ತಂಡ ಎಲ್ಲಾ ವಿಭಾಗದಲ್ಲೂ ಅದ್ಭುತ ಪ್ರದರ್ಶನ ತೋರುತ್ತಿದೆ. ಆದರೆ, ನಾಯಕ ಧೋನಿ ಕಳೆದ ಆವೃತ್ತಿಯಿಂದಲೂ ಬ್ಯಾಟಿಂಗ್ನಲ್ಲಿ ಹೇಳಿಕೊಳ್ಳುವ ಪ್ರದರ್ಶನ ತೋರುತ್ತಿಲ್ಲ.
ಐಪಿಎಲ್ನ 2ನೇ ಹಂತದಲ್ಲೂ ಮುಂಬೈ ವಿರುದ್ಧ 3, ಆರ್ಸಿಬಿ ವಿರುದ್ಧ ಅಜೇಯ 11 ರನ್ಗಳಿಸಿದ್ದರು. ಹಾಗಾಗಿ, ಗೌತಮ್ ಗಂಭೀರ್ ಅವರನ್ನು 6 ಅಥವಾ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವುದಕ್ಕಿಂತ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದರೆ ಸೂಕ್ತ ಎಂದು ಹೇಳಿದ್ದಾರೆ.
ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ ಎರಡು ಬಾರಿ ಟ್ರೋಫಿ ತಂದುಕೊಟ್ಟಿರುವ ಗಂಭೀರ್, ಧೋನಿ ಚೇಸಿಂಗ್ ಆಗಿರಲಿ ಅಥವಾ ಡಿಫೆಂಡಿಂಗ್ ಆಗಿರಲಿ ನಂಬರ್ 4ರಲ್ಲಿ ಆಡಬೇಕು ಎಂದು ಹೇಳಿದ್ದಾರೆ. ಸಿಎಸ್ಕೆ ಪ್ಲೇ ಆಫ್ ತಲುಪಿದಾಗ ಎಂಎಸ್ ಧೋನಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಬೇಕು.
ಅದು ಚೇಸಿಂಗ್ ಆಗಿರಬಹುದು ಅಥವಾ ಮೊದಲು ಬ್ಯಾಟಿಂಗ್ ಮಾಡಿರಲಿ, ಅವರು ಕ್ರೀಸ್ನಲ್ಲಿ ಸಮಯ ಕಳೆಯಬೇಕು. ನಾನು ಅದನ್ನು ನೋಡಬೇಕೆಂದು ಬಯಸಿದ್ದೇನೆ. ಆಶಾದಾಯಕವಾಗಿ, ಅದು ಸಂಭವಿಸುತ್ತದೆ ಎಂದುಕೊಂಡಿದ್ದೇನೆ. ನಾಯಕನ ಅತ್ಯುತ್ತಮ ವಿಶೇಷತೆ ಅಂದರೆ ಅವರು ತೆನ್ನಿಚ್ಛೆಯಂತೆ ಎಲ್ಲಿ ಬೇಕಾದರೂ ಬ್ಯಾಟ್ ಮಾಡಬಹುದು ಎಂದು ಗಂಭೀರ್ ಸ್ಟಾರ್ ಸ್ಪೋರ್ಟ್ಸ್ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ.
ನೀವು ನಂಬರ್ 3 ಅಥವಾ 4ನೇ ಕ್ರಮಾಂಕದ ಬ್ಯಾಟರ್ ರನ್ಗಳಿಸಲು ಸಾಧ್ಯವಾಗದಿದ್ದ ಸಂದರ್ಭದಲ್ಲಿ ನೀವು ಸ್ವಲ್ಪ ಸಮಯ ಹೆಚ್ಚು ಬ್ಯಾಟಿಂಗ್ ಮಾಡಬೇಕಾಗುತ್ತದೆ. ನೀವು ಹೆಚ್ಚು ರನ್ ಗಳಿಸಿದರೆ, ಅದು ಸುಲಭವಾಗಿ ಮುಂದುವರಿಯುತ್ತದೆ. ಪ್ಲೇ ಆಫ್ನಲ್ಲಿ ನಿಮ್ಮ ತಂಡ ಬೇಗ ವಿಕೆಟ್ ಕಳೆದುಕೊಂಡರೆ ನೀವು ಮೇಲಿನ ಕ್ರಮಾಂಕದಲ್ಲಿ ಬಂದು ರನ್ ಗಳಿಸುವ ಜವಾಬ್ದಾರಿ ನಿರ್ವಹಿಸಬೇಕಾಗುತ್ತದೆ ಎಂದು ಗಂಭೀರ್ ಹೇಳಿದ್ದಾರೆ.
ಇದನ್ನು ಓದಿ : ಟಿ20 ಕ್ರಿಕೆಟ್ನಲ್ಲಿ 250 ವಿಕೆಟ್ ಪಡೆದ ರವಿಚಂದ್ರನ್ ಅಶ್ವಿನ್
