Deodhar Trophy: ಮಯಾಂಕ್​ ತಂಡಕ್ಕೆ ದೇವಧರ್ ಟ್ರೋಫಿ: ದೇಸಿ ಟೂರ್ನಿಯಲ್ಲಿ ಮಿಂಚಿದ ಪ್ರತಿಭೆಗಳಿವರು..

Deodhar Trophy: ಮಯಾಂಕ್​ ಅಗರ್ವಾಲ್​ ನಾಯಕತ್ವದಲ್ಲಿ ದಕ್ಷಿಣ ವಲಯ ತಂಡ ದೇವಧರ್​ ಟ್ರೋಫಿ ಗೆದ್ದಿದೆ. ದಕ್ಷಿಣ ವಲಯಕ್ಕೆ ಇದು 9 ಕಿರೀಟ ಅನ್ನೋದು ಗಮನಾರ್ಹ.

ಪುದುಚೇರಿ: ರೋಹನ್ ಕುನ್ನುಮ್ಮಲ್ ಮತ್ತು ನಾಯಕ ಮಯಾಂಕ್ ಅಗರ್ವಾಲ್ ಅವರ ಭರ್ಜರಿ ಆರಂಭಿಕ ಜೊತೆಯಾಟ ಮತ್ತು ವಾಷಿಂಗ್ಟನ್ ಸುಂದರ್ ಅವರ 3 ವಿಕೆಟ್​​ಗಳ ಸಹಾಯದಿಂದ ದಕ್ಷಿಣ ವಲಯವು 2023ರ ದೇವಧರ್ ಟ್ರೋಫಿ ಮುಡಿಗೇರಿಸಿಕೊಂಡಿತು. ಪೂರ್ವ ವಲಯ 45 ರನ್‌ಗಳ ಸೋಲನುಭವಿಸಿತು. ಈ ಮೂಲಕ 9ನೇ ಬಾರಿಗೆ ದಕ್ಷಿಣ ವಲಯ ಪ್ರಶಸ್ತಿ ಗೆದ್ದುಕೊಂಡಿತು.

ಮ್ಯಾಚ್ ಹೇಗಿತ್ತು?: ಟಾಸ್​​ ಗೆದ್ದು ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ವಲಯ 329 ರನ್‌ಗಳ ಬೃಹತ್​ ಗುರಿ ನೀಡಿತು. ಇದನ್ನು ಬೆನ್ನತ್ತಲು ಶುರು ಮಾಡಿದ ಪೂರ್ವ ವಲಯ ಉತ್ತಮ ಆರಂಭ ಪಡೆಯಲಿಲ್ಲ. ವಾಸುಕಿ ಕೌಶಿಕ್ ಮತ್ತು ವಿದ್ವತ್ ಕಾವೇರಪ್ಪ ಅವರ ಮಧ್ಯಮ ವೇಗದ ಬೌಲಿಂಗ್​ಗೆ ಅಗ್ರ ಕ್ರಮಾಂಕದ ಬ್ಯಾಟರ್‌ಗಳಾದ ಅಭಿಮನ್ಯು ಈಶ್ವರನ್ (1), ವಿರಾಟ್ ಸಿಂಗ್ (6) ಮತ್ತು ಉತ್ಕರ್ಷ್ ಸಿಂಗ್ (4) ವಿಕೆಟ್​ ಒಪ್ಪಿಸಿದರು. ಹೀಗೆ, ಪೂರ್ವ ವಲಯ 17 ರನ್ 3 ವಿಕೆಟ್​ ಕಳೆದುಕೊಂಡಿತ್ತು.

• Duleep Trophy 2023-2024 Winners 🏆
  Deodhar Trophy 2023-24 Winners 🏆
  
  Congratulations 𝗦𝗢𝗨𝗧𝗛 𝗭𝗢𝗡𝗘! 🙌#Final | #SZvEZ pic.twitter.com/KHLwPCa52L

  — BCCI Domestic (@BCCIdomestic) August 3, 2023 " class="align-text-top noRightClick twitterSection" data="

  Duleep Trophy 2023-2024 Winners 🏆
  Deodhar Trophy 2023-24 Winners 🏆
  
  Congratulations 𝗦𝗢𝗨𝗧𝗛 𝗭𝗢𝗡𝗘! 🙌#Final | #SZvEZ pic.twitter.com/KHLwPCa52L

  — BCCI Domestic (@BCCIdomestic) August 3, 2023

  ">

  Duleep Trophy 2023-2024 Winners 🏆
  Deodhar Trophy 2023-24 Winners 🏆
  
  Congratulations 𝗦𝗢𝗨𝗧𝗛 𝗭𝗢𝗡𝗘! 🙌#Final | #SZvEZ pic.twitter.com/KHLwPCa52L

  — BCCI Domestic (@BCCIdomestic) August 3, 2023

ಆರಂಭಿಕರ ವೈಫಲ್ಯದ ನಂತರ ನಾಯಕ ಸೌರಭ್ ತಿವಾರಿ ಮತ್ತು ಸುದೀಪ್ ಕುಮಾರ್ ಘರಾಮಿ ಪೂರ್ವ ವಲಯಕ್ಕೆ ಆಸರೆಯ ಇನ್ನಿಂಗ್ಸ್​ ಆಡಿದರು. ಈ ಜೋಡಿ 50 ರನ್​ ಜೊತೆಯಾಟ ಮಾಡುತ್ತಿದ್ದಂತೆ ವಾಷಿಂಗ್ಟನ್ ಸುಂದರ್ 28 ರನ್​ ಗಳಿಸಿ ಆಡುತ್ತಿದ್ದ ನಾಯಕ ತಿವಾರಿ ಮತ್ತು 41 ಗಳಿಸಿದ್ದ ಘರಾಮಿ ಅವರ ವಿಕೆಟ್ ಪಡೆದರು. 6ನೇ ವಿಕೆಟ್​ಗೆ ಕುಮಾರ್ ಕುಶಾಗ್ರ ಮತ್ತು ರಿಯಾನ್​ ಪರಾಗ್​ ಜೋಡಿ ಒಂದಾಗಿ ಪೂರ್ವ ವಲಯಕ್ಕೆ ಗೆಲುವಿನ ಭರವಸೆ ಮೂಡಿಸಿದರು. ಅಬ್ಬರಿಸಿ ಆಡಿದ ರಿಯಾನ್​ ಪರಾಗ್​ 5 ರನ್​ನಿಂದ ದೇವಧರ್​​ ಟೋಫಿಯ ಮೂರನೇ ಶತಕದಿಂದ ವಂಚಿತರಾದರು. 65 ಬಾಲ್​ನಲ್ಲಿ 5 ಸಿಕ್ಸ್​ ಮತ್ತು 8 ಬೌಂಡರಿಯ ಸಹಾಯದಿಂದ ಅವರು 95 ರನ್​ ಕಲೆಹಾಕಿದರು. ಶತಕದ ಸನಿಹದಲ್ಲಿದ್ದ ರಿಯಾನ್​ ಅವರನ್ನೂ ವಾಷಿಂಗ್ಟನ್ ಸುಂದರ್ ಪೆವಿಲಿಯನ್​ಗೆ ಕಳುಹಿಸಿದರು.

ಈ ಬೆನ್ನಲ್ಲೇ ಅರ್ಧಶತಕ ಗಳಿಸಿ ಆಡುತ್ತಿದ್ದ ಕುಶಾಗ್ರ ಸಹ ವಿಕೆಟ್​ ಒಪ್ಪಿಸಿದರು. ಇಲ್ಲಿಂದ ಪೂರ್ವ ವಲಯಕ್ಕೆ ಗೆಲುವು ಕಠಿಣವಾಗತೊಡಗಿತು. ಕೊನೆಯ ಮೂರು ಬಾಲಂಗೋಚಿ ವಿಕೆಟ್​ಗಳನ್ನು ದಕ್ಷಿಣ ವಲಯ ಸುಲಭವಾಗಿ ಕಬಳಿಸಿತು. ಇದರಿಂದಾಗಿ ಮಯಾಂಕ್ ತಂಡ 46.1 ಓವರ್​ನಲ್ಲೇ ಪಂದ್ಯವನ್ನು 45 ರನ್‌ಗಳಿಂದ ಗೆದ್ದು ಪ್ರಶಸ್ತಿಗೆ ಮುತ್ತಿಕ್ಕಿತು.

ಇದಕ್ಕೂ ಮೊದಲು ಟಾಸ್​ ಗೆದ್ದು ಬ್ಯಾಟಿಂಗ್​ಗಿಳಿದ ದಕ್ಷಿಣ ವಲಯದ ಆರಂಭಿಕರಾದ ರೋಹನ್ ಕುನ್ನುಮ್ಮಲ್ ಮತ್ತು ನಾಯಕ ಮಯಾಂಕ್​ 181 ರನ್​ಗಳ ದೊಡ್ಡ ಜೊತೆಯಾಟ ಮಾಡಿದರು. ಆರಂಭಿಕ ರೋಹನ್ ಕುನ್ನುಮ್ಮಲ್ 107 ರನ್​ ಗಸಿದರೆ, ಅಗರ್ವಾಲ್​ 63 ರನ್​ ಗಳಿಸಿದರು. ಮೂರನೇ ವಿಕೆಟ್​ನಲ್ಲಿ ವಿಫಲತೆ ಕಂಡರೂ, ಎನ್.​ ಜಗದೀಶನ್​ (54) ಅರ್ಧಶತಕ ಗಳಿಸಿದರೆ, ರೋಹಿತ್​ ರಾಯುಡು ಮತ್ತು ಸಾಯ್​ ಕಿಶೋರ್​ 20 ಪ್ಲಸ್​ ರನ್​ ಕಲೆಹಾಕಿ ತಂಡಕ್ಕೆ ಸಹಾಯ ಮಾಡಿದರು. ದಕ್ಷಿಣ ವಲಯ ನಿಗದಿತ ಓವರ್​ನಲ್ಲಿ 8 ವಿಕೆಟ್​ ನಷ್ಟಕ್ಕೆ 328 ರನ್​ ಗಳಿಸಿತ್ತು.

• 𝗧𝗵𝗮𝘁 𝗪𝗶𝗻𝗻𝗶𝗻𝗴 𝗙𝗲𝗲𝗹𝗶𝗻𝗴!
  
  South Zone Captain @mayankcricket receives the prestigious #DeodharTrophy 🏆 from Mr. Devajit Saikia, Joint Secretary, BCCI 👏👏 #SZvEZ | #Final pic.twitter.com/57beWkFTzM

  — BCCI Domestic (@BCCIdomestic) August 3, 2023 " class="align-text-top noRightClick twitterSection" data="

  𝗧𝗵𝗮𝘁 𝗪𝗶𝗻𝗻𝗶𝗻𝗴 𝗙𝗲𝗲𝗹𝗶𝗻𝗴!
  
  South Zone Captain @mayankcricket receives the prestigious #DeodharTrophy 🏆 from Mr. Devajit Saikia, Joint Secretary, BCCI 👏👏 #SZvEZ | #Final pic.twitter.com/57beWkFTzM

  — BCCI Domestic (@BCCIdomestic) August 3, 2023

  ">

  𝗧𝗵𝗮𝘁 𝗪𝗶𝗻𝗻𝗶𝗻𝗴 𝗙𝗲𝗲𝗹𝗶𝗻𝗴!
  
  South Zone Captain @mayankcricket receives the prestigious #DeodharTrophy 🏆 from Mr. Devajit Saikia, Joint Secretary, BCCI 👏👏 #SZvEZ | #Final pic.twitter.com/57beWkFTzM

  — BCCI Domestic (@BCCIdomestic) August 3, 2023

ದೇವಧರ್​ ಟ್ರೋಫಿಯಲ್ಲಿ ಮಿಂಚಿದ ಪ್ರತಿಭೆಗಳು: ನಾಲ್ಕು ವರ್ಷದ ನಂತರ ನಡೆದ ಏಕದಿನ ಮಾದರಿಯ ದೇಶೀಯ ಟೂರ್ನಿಯಲ್ಲಿ ಯುವ ಆಟಗಾರರು ಉತ್ತಮ ಪ್ರದರ್ಶನ ನೀಡಿದ್ದಾರೆ.

ರಿಯಾನ್ ಪರಾಗ್ (ಪೂರ್ವ ವಲಯ): ಅಸ್ಸಾಂನ ಯುವ ಆಲ್‌ರೌಂಡರ್ ಪಂದ್ಯಾವಳಿಯನ್ನು ಪ್ರಮುಖ ರನ್ ಸ್ಕೋರರ್ ಆಗಿದ್ದಾರೆ. ಐದು ಪಂದ್ಯಗಳಲ್ಲಿ 88.50 ರ ಸರಾಸರಿಯಲ್ಲಿ 136 ಸ್ಟ್ರೈಕ್ ರೇಟ್‌ನಲ್ಲಿ ಬ್ಯಾಟರ್​ ಬೀಸಿ 354 ರನ್ ಗಳಿಸಿದ್ದಾರೆ. ಅವರು ಎರಡು ಶತಕ ಮತ್ತು ಎರಡು ಅರ್ಧಶತಕ ಗಳಿಸಿದ್ದಾರೆ. 131 ಅವರ ಅತ್ಯುತ್ತಮ ಸ್ಕೋರ್‌ ಆಗಿದೆ. ಟೂರ್ನಿಯಲ್ಲಿ 11 ವಿಕೆಟ್‌ ಸಹ ಪಡೆದಿದ್ದಾರೆ. ಫೈನಲ್​​ನಲ್ಲಿ 95 ರನ್​ ಗಳಿಸಿ ವಿಕೆಟ್​ಕೊಟ್ಟರು.

ಮಯಾಂಕ್ ಅಗರ್ವಾಲ್ (ದಕ್ಷಿಣ ವಲಯ): ಪ್ರಶಸ್ತಿ ವಿಜೇತ ತಂಡದ ನಾಯಕ, ಆರಂಭಿಕ ಆಟಗಾರ ಮಾಯಾಂಕ್​ ಅಗರ್ವಾಲ್​ ಆರು ಪಂದ್ಯಗಳಲ್ಲಿ 68.50 ಸರಾಸರಿಯಲ್ಲಿ 341 ರನ್ ಗಳಿಸಿದ್ದಾರೆ. 98ರನ್​ ಅವರ ಅತ್ಯುತ್ತಮ ಸ್ಕೋರ್ ಆಗಿದ್ದು, ಟೂರ್ನಿಯಲ್ಲಿ ಒಟ್ಟು ನಾಲ್ಕು ಅರ್ಧಶತಕಗಳನ್ನು ಗಳಿಸಿದ್ದಾರೆ.

ರೋಹನ್ ಕುನ್ನುಮ್ಮಲ್ (ದಕ್ಷಿಣ ವಲಯ): ಕೇರಳ ಬ್ಯಾಟರ್ ಆರು ಪಂದ್ಯಗಳಲ್ಲಿ 62.20 ಸರಾಸರಿಯಲ್ಲಿ 311 ರನ್ ಗಳಿಸಿದ್ದಾರೆ. ಫೈನಲ್​ ಪಂದ್ಯದಲ್ಲಿ ಶತಕ ಗಳಿಸುವ ಮೂಲಕ ದಕ್ಷಿಣ ವಲಯ ಪ್ರಶಸ್ತಿ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅಲ್ಲದೇ ಟೂರ್ನಿಯಲ್ಲಿ ಎರಡು ಅರ್ಧಶತಕಗಳೊಂದಿಗೆ ಮೂರನೇ ಅತಿ ಹೆಚ್ಚು ಸ್ಕೋರರ್ ಆಗಿ ಹೊರಹೊಮ್ಮಿದ್ದಾರೆ.

ವಿದ್ವತ್ ಕಾವೇರಪ್ಪ (ದಕ್ಷಿಣ ವಲಯ): ಕರ್ನಾಟಕದ ಯುವ ಪ್ರತಿಭೆ ಕಾವೇರಪ್ಪ ದೇಶೀ ಕ್ರಿಕೆಟ್​ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ಕೆಲ ಟೂರ್ನಿಗಳಂತೆ ದೇವಧರ್​ ಟ್ರೋಫಿಯಲ್ಲೂ ಮಿಂಚಿದ್ದಾರೆ. ದಕ್ಷಿಣ ವಲಯದ ಪರ ಐದು ಪಂದ್ಯಗಳನ್ನು ಆಡಿದ ಅವರು 13 ವಿಕೆಟ್​ಗಳನ್ನು ಪಡೆದಿದ್ದಾರೆ. 17 ರನ್​ಗೆ 5 ವಿಕೆಟ್​ ಕಬಳಿಸಿದ್ದರು ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.

ಶಮ್ಸ್ ಮುಲಾನಿ (ಪಶ್ಚಿಮ ವಲಯ): ಭಾರತ ತಂಡಕ್ಕೆ ಪಾದಾರ್ಪಣೆ ಮಾಡುವ ಭರವಸೆ ಇರುವ ಮುಂಬೈನ ಆಲ್‌ರೌಂಡರ್ ಐದು ಪಂದ್ಯಗಳಲ್ಲಿ 12 ವಿಕೆಟ್​ ಪಡೆದು ಮಿಂಚಿದ್ದಾರೆ.

ಮಯಾಂಕ್ ಪ್ರಭು ಯಾದವ್ (ಉತ್ತರ ವಲಯ): ಈ ಡೆಲ್ಲಿ ಬೌಲರ್ ಐದು ಪಂದ್ಯಗಳಲ್ಲಿ 12 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. 63ಕ್ಕೆ 4 ವಿಕೆಟ್​ ಪಡೆದಿರುವುದು ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.

ಇದನ್ನೂ ಓದಿ: IPL 2024: ಆರ್​ಸಿಬಿಗೆ ಮುಖ್ಯಕೋಚ್​ ಆಗಿ ಬಂದ ಆಂಡಿ ಫ್ಲವರ್, ಮೈಕ್ ಹೆಸ್ಸನ್ ಜಾಗಕ್ಕೆ ಯಾರು?