ಅಂತಿಮ ಟೆಸ್ಟ್​ನಿಂದ ಬವುಮಾ ಔಟ್​: ವಿದಾಯದ ಪಂದ್ಯದಲ್ಲಿ ಎಲ್ಗರ್​ಗೆ ಒಲಿದ ನಾಯಕತ್ವ

IND vs SA Test: ಭಾರತದ ವಿರುದ್ಧದ ಟೆಸ್ಟ್​ ಸರಣಿಯ ಅಂತಿಮ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡವನ್ನು ಆರಂಭಿಕ ಆಟಗಾರ ಡೀನ್ ಎಲ್ಗರ್​ ಮುನ್ನಡೆಸಲಿದ್ದಾರೆ.

ಸೆಂಚುರಿಯನ್ (ದಕ್ಷಿಣ ಆಫ್ರಿಕಾ): ದಕ್ಷಿಣ ಆಫ್ರಿಕಾ ತಂಡದ ನಾಯಕ ಟೆಂಬಾ ಬವುಮಾ ಅವರು ಗಾಯದಿಂದ ಚೇತರಿಕೊಳ್ಳದ ಹಿನ್ನೆಲೆಯಲ್ಲಿ ಭಾರತದ ವಿರುದ್ಧದ ಟೆಸ್ಟ್​ ಸರಣಿಯ ಎರಡನೇ ಹಾಗೂ ಅಂತಿಮ ಪಂದ್ಯದಿಂದ ಹೊರಬಿದ್ದಿದ್ದಾರೆ. ಬವುಮಾ ಅನುಪಸ್ಥಿತಿಯಲ್ಲಿ ಹಿರಿಯ ಆಟಗಾರ ಡೀನ್ ಎಲ್ಗರ್​ಗೆ ಮುಂದಾಳತ್ವದಲ್ಲಿ ಹರಣಿಗಳು ಮುಂದಿನ ಟೆಸ್ಟ್​ ಆಡಲಿದ್ದಾರೆ. ಅಪರೂಪವೆಂಬಂತೆ ಕ್ರಿಕೆಟ್​ಗೆ​ ವಿದಾಯದ ಘೋಷಿಸುತ್ತಿರುವ ಪಂದ್ಯದಲ್ಲಿ ಎಲ್ಗರ್​ಗೆ ಮರಳಿ ದೇಶದ ತಂಡದ ನಾಯಕತ್ವ ವಹಿಸುವ ಸುವರ್ಣಾವಕಾಶ ಒಲಿದಿದೆ.

ಸೆಂಚುರಿಯನ್​ ಟೆಸ್ಟ್ ಪಂದ್ಯದ ಮೊದಲ ದಿನದಂದು ಫೀಲ್ಡಿಂಗ್ ಮಾಡುವಾಗ ನಾಯಕ ಬವುಮಾ ಗಾಯಗೊಂಡಿದ್ದರು. ಬಳಿಕ ಅವರು ಮೈದಾನಕ್ಕೆ ಮರಳಲಿಲ್ಲ. ಸ್ಕ್ಯಾನ್‌ ವರದಿ ಪ್ರಕಾರ ಮಂಡಿರಜ್ಜು ಗಾಯಕ್ಕೀಡಾಗಿರುವುದು ದೃಢಪಟ್ಟಿದೆ. ಇದರಿಂದ ಡೀನ್​ ಎಲ್ಗರ್ ತಮ್ಮ ಅಂತರಾಷ್ಟ್ರೀಯ ವೃತ್ತಿಜೀವನದ ಅಂತಿಮ ಪಂದ್ಯದಲ್ಲಿ ತಂಡದ ಮುಂದಾಳತ್ವ ವಹಿಸಲಿದ್ದಾರೆ. ಈ ಟೆಸ್ಟ್​ ಸರಣಿಗೆ ಮುನ್ನವೇ ಎಲ್ಗರ್​ ನಿವೃತ್ತಿ ಹೊಂದುವ ಬಗ್ಗೆ ಪ್ರಕಟಿಸಿದ್ದರು.

• A fairytale farewell is on the cards with Dean Elgar being named South Africa's captain for the final Test against India.
  
  Details 👇https://t.co/rMeeTYnpfD

  — ICC (@ICC) December 28, 2023 " class="align-text-top noRightClick twitterSection" data="

  A fairytale farewell is on the cards with Dean Elgar being named South Africa's captain for the final Test against India.
  
  Details 👇https://t.co/rMeeTYnpfD

  — ICC (@ICC) December 28, 2023

  ">

  A fairytale farewell is on the cards with Dean Elgar being named South Africa's captain for the final Test against India.
  
  Details 👇https://t.co/rMeeTYnpfD

  — ICC (@ICC) December 28, 2023

ಮೊದಲ ಟೆಸ್ಟ್‌ನಲ್ಲೂ ಕೂಡ ಬವುಮಾ ಗಾಯಗೊಂಡು ಹೊರನಡೆದ ಬಳಿಕ ತಂಡವನ್ನು ಎಲ್ಗರ್ ಮುನ್ನಡೆಸಿದ್ದರು. ಅಲ್ಲದೆ, ಅದ್ಭುತ ಶತಕ ದಾಖಲಿಸಿ ಸೆಂಚುರಿಯನ್‌ನಲ್ಲಿ ಇನ್ನಿಂಗ್ಸ್​ ಹಾಗೂ 32 ರನ್‌ಗಳ ವಿಜಯ ಸಾಧಿಸಿದ್ದಾರೆ. ಹೊಸ ವರ್ಷದ ಜನವರಿ 3 ರಿಂದ ಕೇಪ್‌ಟೌನ್‌ನಲ್ಲಿ ನಡೆಯಲಿರುವ ಅಂತಿಮ ಟೆಸ್ಟ್‌ಗೆ ಬವುಮಾ ಬದಲಿಗೆ ಜುಬೇರ್ ಹಮ್ಜಾ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಡೀನ್ ಎಲ್ಗರ್ ಈ ಹಿಂದೆಯೂ ಕೂಡ ಹರಿಣಗಳ ತಂಡದ ನಾಯಕತ್ವ ವಹಿಸಿದ್ದರು. 2021 ರಲ್ಲಿ ತವರಿನಲ್ಲಿ ನಡೆದ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಟೆಸ್ಟ್ ಸರಣಿಯಲ್ಲಿ ಅವರೇ ನಾಯಕರಾಗಿದ್ದರು. ಈ ಸರಣಿಯಲ್ಲಿ 0-1 ಹಿನ್ನಡೆಯ ಬಳಿಕ ದಕ್ಷಿಣ ಆಫ್ರಿಕಾ ತಂಡವು, 2-1ರ ವಿಜಯದೊಂದಿಗೆ ಸರಣಿ ಜಯಿಸಿತ್ತು. ಸುಮಾರು ಎರಡು ವರ್ಷಗಳ ಬಳಿಕವೂ ಗುರುವಾರ ಮುಗಿದ ಮೊದಲ ಪಂದ್ಯದಲ್ಲಿ ಎಲ್ಗರ್ ಮತ್ತೆ ಭಾರತ ತಂಡವನ್ನು ಕಾಡಿದರು.

ಭಾರತವನ್ನು 245 ರನ್‌ಗಳಿಗೆ ಆಲೌಟ್ ಮಾಡಿದ ನಂತರ, ಎಲ್ಗರ್​ ಮೊದಲ ಇನ್ನಿಂಗ್ಸ್‌ನಲ್ಲಿ ಭರ್ಜರಿ ಶತಕ (185) ದಾಖಲಿಸಿದರು. ಇದು ಅವರ ಟೆಸ್ಟ್ ವೃತ್ತಿಜೀವನದ ಎರಡನೇ ಅತ್ಯಧಿಕ ಸ್ಕೋರ್ ಆಗಿದೆ. ಬಳಿಕ ಅವರು ಪಂದ್ಯದ ಆಟಗಾರ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಎಲ್ಗರ್​ ಇದುವರೆಗೆ 85 ಪಂದ್ಯಗಳಿಂದ 14 ಶತಕಗಳೊಂದಿಗೆ 5331 ರನ್​ ಪೇರಿಸಿದ್ದಾರೆ. 23 ಅರ್ಧಶತಕ ಬಾರಿಸಿದ್ದು, 38ರ ಸರಾಸರಿಯುಲ್ಲಿ ಬ್ಯಾಟ್ ಬೀಸಿದ್ದಾರೆ. ಜನವರಿ 3 ರಂದು ಕೇಪ್ ಟೌನ್​ನಲ್ಲಿ ಪ್ರಾರಂಭವಾಗುವ ಸರಣಿಯ ಅಂತಿಮ ಟೆಸ್ಟ್​ನಲ್ಲಿ ಭಾರತ ಗೆದ್ದರೆ ಸರಣಿ ಸಮಬಲ ಆಗಲಿದೆ.

ಇದನ್ನೂ ಓದಿ: '400 ರನ್​ ನೀಡುವ ಪಿಚ್​ ಆಗಿರಲಿಲ್ಲ': ದ.ಆಫ್ರಿಕಾ ವಿರುದ್ಧದ ಹೀನಾಯ ಸೋಲಿಗೆ ಕಾರಣ ಬಿಚ್ಚಿಟ್ಟ ರೋಹಿತ್​