ಕ್ವೀನ್ಸ್ಲ್ಯಾಂಡ್ : ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಅಹರ್ನಿಶಿ ಟೆಸ್ಟ್ ಪಂದ್ಯದಲ್ಲಿ ಭಾರತ ಮಹಿಳಾ ತಂಡ ತನ್ನ 2ನೇ ಇನ್ನಿಂಗ್ಸ್ನಲ್ಲಿ 135 ರನ್ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡು, ಆಸೀಸ್ ಮಹಿಳೆಯರಿಗೆ 272 ರನ್ಗಳ ಟಾರ್ಗೆಟ್ ನೀಡಿದೆ.
ಮೂರನೇ ದಿನ 4 ವಿಕೆಟ್ ಕಳೆದುಕೊಂಡು 143 ರನ್ಗಳಿಸಿದ್ದ ಆಸ್ಟ್ರೇಲಿಯಾ ಇಂದು 9 ವಿಕೆಟ್ ನಷ್ಟಕ್ಕೆ 241ರನ್ಗಳಿಸಿದ್ದ ವೇಳೆ ಡಿಕ್ಲೇರ್ ಘೋಷಿಸಿಕೊಂಡಿತು. ಎಲಿಸ್ ಪೆರ್ರಿ 68, ಆಶ್ಲೇ ಗಾರ್ಡ್ನರ್ 51 ರನ್, ಅಲಿಸ್ಸಾ ಹೀಲಿ 28, ಮೆಗ್‌ ಲ್ಯಾನಿಂಗ್ 38, ತಹಿಲಾ ಮೆಕ್ಗ್ರಾತ್ 28 ರನ್ಗಳಿಸಿದರು.
ಭಾರತದ ಪರ ಪೂಜಾ ವಸ್ತ್ರಾಕರ್ 49ಕ್ಕೆ3, ಜೂಲನ್ ಗೋಸ್ವಾಮಿ 33ಕ್ಕೆ2, ಮೇಘನಾ ಸಿಂಗ್ 54ಕ್ಕೆ2 ಮತ್ತು ದೀಪ್ತಿ ಶರ್ಮಾ 36ಕ್ಕೆ 2 ವಿಕೆಟ್ ಒಪ್ಪಿಸಿದರು. ಇನ್ನು, 136 ರನ್ಗಳ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ಭಾರತ 135 ರನ್ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡಿತು.
ಶೆಫಾಲಿ ವರ್ಮಾ 52, ಸ್ಮೃತಿ ಮಂದಾನ 31 ಮತ್ತು ಪೂನಮ್ ರಾವತ್ ಅಜೇಯ 42 ರನ್ಗಳಿಸಿದರು. ಇದೀಗ 272 ರನ್ಗಳ ಗುರಿ ಬೆನ್ನಟ್ಟಿರುವ ಆಸ್ಟ್ರೇಲಿಯಾ ಮಹಿಳೆಯರು 11 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 30 ರನ್ಗಳಿಸಿದ್ದಾರೆ.
ಇದನ್ನು ಓದಿ:ಕೆಕೆಆರ್ ಪ್ಲೇ ಆಫ್ ಕನಸಿಗೆ ಭಂಗ ತರುವುದೇ ಸನ್ರೈಸರ್ಸ್ ಹೈದರಾಬಾದ್?
