ವಿಶ್ವಕಪ್​ ಫೈನಲ್‌ ಸೋಲು: ಭಾರತ ಐಸಿಸಿ ಈವೆಂಟ್​ನ ಹೊಸ ಚೋಕರ್ಸ್?

ಆಸ್ಟ್ರೇಲಿಯಾ ವಿರುದ್ಧ ನಡೆದ 2023ರ ಏಕದಿನ ವಿಶ್ವಕಪ್​ ಫೈನಲ್​ ಸೋಲಿನ ನಂತರ ಭಾರತ ಐಸಿಸಿ ಟ್ರೂಫಿಯನ್ನು ಗೆಲ್ಲುವುದರಲ್ಲಿ ಚೋಕರ್ಸ್​ ಆಗುತ್ತಿದೆಯಾ ಎಂಬ ಪ್ರಶ್ನೆ ಎಲ್ಲರಲ್ಲಿ ಮೂಡದೇ ಇರದು. ಇದಕ್ಕೆ ಕಾರಣ 10 ವರ್ಷಗಳಿಂದ ಪ್ರಮುಖ ಹಂತದಲ್ಲೇ ಟೀಮ್ ಇಂಡಿಯಾ​ ಟ್ರೋಫಿಯನ್ನು ಕೈಚೆಲ್ಲುತ್ತಿರುವುದು.

ಹೈದರಾಬಾದ್​​: ಭಾರತದ ಕ್ರಿಕೆಟ್​ ಅಭಿಮಾನಿಗಳು 10 ವರ್ಷದ ಐಸಿಸಿ ಟ್ರೋಫಿಯ ಬರ ಈ ಬಾರಿ ನೀಗುತ್ತದೆ ಎಂದು ಭಾವಿಸಿದ್ದರು. ಗೆಲುವಿನ ಕ್ಷಣವನ್ನು ಸಂಭ್ರಮಿಸಲು ಸಕಲ ಮಾನಸಿಕ ತಯಾರಿಯನ್ನು ಮಾಡಿಕೊಂಡಿದ್ದರು. ಆದರೆ ಕ್ರಿಕೆಟ್​ ಪ್ರೇಮಿಗಳ ಆ ಕನಸು ನನಸಾಗಲಿಲ್ಲ. ಟ್ರೋಫಿ ಗೆಲುವಿನ ಸಂಭ್ರಮವನ್ನು ಮುಂದಿನ ಟೂರ್ನಿಗೆ ಮುಂದೂಡಬೇಕಾಗಿತು. ತವರಿನಲ್ಲೇ ನಡೆದ ವಿಶ್ವಕಪ್​ನಲ್ಲಿ ತಂಡದ ಸೋಲು ಕಂಡಿದ್ದು ಕೋಟ್ಯಂತರ ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ.

2023ರ ವಿಶ್ವಕಪ್​ ಭಾರತ ಗೆದ್ದೇ ಗೆಲ್ಲುತ್ತದೆ ಎಂದು ಕ್ರಿಕೆಟ್​ ವಿಶ್ಲೇಷಕರಿಂದ ಹಿಡಿದು ಅನೇಕರ ಅಭಿಪ್ರಾಯ ಆಗಿತ್ತು. ಇದಕ್ಕೆ ಕಾರಣ ತಂಡ ಸತತ 10 ಪಂದ್ಯಗಳನ್ನು ಟೂರ್ನಿಯಲ್ಲಿ ಗೆದ್ದಿರುವುದು. ಅಜೇಯವಾಗಿ ಫೈನಲ್​ ತಲುಪಿದ್ದ ತಂಡ ವಿಶ್ವಕಪ್​ ಉದ್ದಕ್ಕೂ ಸ್ಥಿರ ಪ್ರದರ್ಶನ ನೀಡಿತ್ತು. ಆದರೆ ಫೈನಲ್​ ಪಂದ್ಯದಲ್ಲಿ ಬ್ಯಾಟಿಂಗ್​ ಮತ್ತು ಬೌಲಿಂಗ್​ನಲ್ಲಿ ನಿರೀಕ್ಷಿತ ಪ್ರದರ್ಶನ ಬಾರದೆ 6 ವಿಕೆಟ್​ಗಳ ಸೋಲನುಭವಿಸಬೇಕಾಯಿತು.

2013ರಲ್ಲಿ ಭಾರತ ಮಹೇಂದ್ರ ಸಿಂಗ್​ ಧೋನಿ ನಾಯಕತ್ವದಲ್ಲಿ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಯನ್ನು ಭಾರತ 5 ರನ್​ನಿಂದ ಗೆದ್ದುಕೊಂಡಿತು. ನಂತರ ಭಾರತ ಆಡಿದ ಎಲ್ಲಾ ಐಸಿಸಿ ಟ್ರೋಫಿಗಳಲ್ಲಿ ಸೋಲನುಭವಿಸಿದೆ. ಅದರಲ್ಲೂ ಸೆಮೀಸ್​ ಮತ್ತು ಫೈನಲ್​ ಹಂತಕ್ಕೆ ಬಂದೇ ಎಲ್ಲಾ ಟ್ರೋಫಿಗಳನ್ನು ಕಳೆದುಕೊಂಡಿರುವುದು ವಿಪರ್ಯಾಸ.

• India in ICC events since 2013:
  
  - Lost T20WC Final in 2014.
  - Lost WC Semi in 2015.
  - Lost T20 WC Semi in 2016.
  - Lost CT Final in 2017.
  - Lost WC Semi in 2019.
  - Lost WTC Final in 2021.
  - Lost T20WC Semi in 2022.
  - Lost WTC Final in 2023.
  - Lost WC Final in 2023.
  
  Never ending… pic.twitter.com/2q8L8zJ9Pg

  — Mufaddal Vohra (@mufaddal_vohra) November 19, 2023 " class="align-text-top noRightClick twitterSection" data="

  India in ICC events since 2013:
  
  - Lost T20WC Final in 2014.
  - Lost WC Semi in 2015.
  - Lost T20 WC Semi in 2016.
  - Lost CT Final in 2017.
  - Lost WC Semi in 2019.
  - Lost WTC Final in 2021.
  - Lost T20WC Semi in 2022.
  - Lost WTC Final in 2023.
  - Lost WC Final in 2023.
  
  Never ending… pic.twitter.com/2q8L8zJ9Pg

  — Mufaddal Vohra (@mufaddal_vohra) November 19, 2023

  ">

  India in ICC events since 2013:
  
  - Lost T20WC Final in 2014.
  - Lost WC Semi in 2015.
  - Lost T20 WC Semi in 2016.
  - Lost CT Final in 2017.
  - Lost WC Semi in 2019.
  - Lost WTC Final in 2021.
  - Lost T20WC Semi in 2022.
  - Lost WTC Final in 2023.
  - Lost WC Final in 2023.
  
  Never ending… pic.twitter.com/2q8L8zJ9Pg

  — Mufaddal Vohra (@mufaddal_vohra) November 19, 2023

10 ವರ್ಷಗಳಲ್ಲಿ 9 ಐಸಿಸಿ ಟ್ರೋಫಿ ಕಳೆದುಕೊಂಡ ಭಾರತ:

2014 ಟಿ20 ವಿಶ್ವಕಪ್: ಲೀಗ್​ ಹಂತದಲ್ಲಿ 4 ಪಂದ್ಯಗಳನ್ನು ಗೆದ್ದಿದ್ದ ಟೀಮ್​ ಇಂಡಿಯಾ ಸೆಮೀಸ್​ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಮಣಿಸಿ ಫೈನಲ್​ಗೆ ಪ್ರವೇಶಿಸಿತ್ತು. ಆದರೆ ಬಾಂಗ್ಲಾದಲ್ಲಿ ಶ್ರೀಲಂಕಾ ಮತ್ತು ಭಾರತದ ನಡುವೆ ಫೈನಲ್​ ಪಂದ್ಯ ನಡೆದಿತ್ತು. ಭಾರತ ನೀಡಿದ್ದ 130ರನ್​ಗಳ ಗುರಿಯನ್ನು ಲಂಕನ್ನರು 2.1 ಓವರ್​ ಮತ್ತು 6 ವಿಕೆಟ್​ ಉಳಿಸಿಕೊಂಡು ಗೆದ್ದಿದ್ದರು.

2015ರ ಏಕದಿನ ವಿಶ್ವಕಪ್​: ಈ ವಿಶ್ವಕಪ್​​​ನಲ್ಲೂ ಭಾರತದ ಗೆಲುವಿನ ಓಟಕ್ಕೆ ಬ್ರೇಕ್​ ಬಿದ್ದದ್ದು ಸೆಮೀಸ್​ನಲ್ಲಿ. ಲೀಗ್​ ಹಂತದ ಎಲ್ಲಾ ಪಂದ್ಯಗಳನ್ನು ಉತ್ತಮವಾಗಿ ಆಡಿದ್ದ ತಂಡ ಆಸ್ಟ್ರೇಲಿಯಾ ವಿರುದ್ಧ ಸೆಮೀಸ್​ನಲ್ಲಿ ಎಡವಿ ಹೊರ ಬಿದ್ದಿತ್ತು. ಆಸ್ಟ್ರೇಲಿಯಾ ನೀಡಿದ್ದ 328 ರನ್​​ಗಳ ಗುರಿಯನ್ನು ಭೇದಿಸಲಾಗದೇ 46.5 ಓವರ್​​ಗೆ 233ಕ್ಕೆ ಆಲ್​ಔಟ್ ಆಗಿ, 95ರನ್​ಗಳ ಸೋಲನುಭವಿಸಿತ್ತು.

2016ರ ಟಿ20 ವಿಶ್ವಕಪ್​: ಲೀಗ್​ ಹಂತದಲ್ಲಿ ಒಂದೇ ಒಂದು ಸೋಲು ಕಂಡು ಸೆಮೀಸ್​ ಪ್ರವೇಶಿಸಿದ್ದ ತಂಡ ವೆಸ್ಟ್​ ಇಂಡೀಸ್​ ವಿರುದ್ಧ ಪರಾಜಯ ಕಂಡಿತು. ಭಾರತ ನೀಡಿದ್ದ 192 ರನ್​ಗಳ ಗುರಿಯನ್ನು ಕೆರಿಬಿಯನ್ನರು 2 ಬಾಲ್​ ಉಳಿಸಿಕೊಂಡು 7 ವಿಕೆಟ್​ಗಳಿಂದ ಗೆದ್ದುಕೊಂಡರು.

2017 ಚಾಂಪಿಯನ್ಸ್​ ಟ್ರೋಫಿ: ಲೀಗ್​ ಹಂತದಲ್ಲಿ ಲಂಕಾ ವಿರುದ್ಧ ಮಾತ್ರ ಸೋತ ಭಾರತ ಸೆಮೀಸ್​ನಲ್ಲಿ ಬಾಂಗ್ಲಾದೇಶವನ್ನು ಮಣಿಸಿ ಫೈನಲ್​ ಪ್ರವೇಶಿಸಿತ್ತು. ಆದರೆ ಫೈನಲ್​ನಲ್ಲಿ ಕಳಪೆ ಬ್ಯಾಟಿಂಗ್​ ಆಡಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಹೀನಾಯ ಸೋಲನುಭವಿಸಿತ್ತು. ಪಾಕ್​ ನೀಡಿದ್ದ 338 ರನ್​ ಗುರಿ ಬೆನ್ನತ್ತಿದ್ದ ಭಾರತ 30 ಓವರ್​ಗೆ 158ಕ್ಕೆ ಆಲ್​ಔಟ್​ಗೆ ಶರಣಾಗಿ 180 ರನ್​ಗಳ ಬೃಹತ್​ ಹಿನ್ನಡೆಯಿಂದ ಸೋಲನುಭವಿಸಿತ್ತು.

2019 ಏಕದಿನ ವಿಶ್ವಕಪ್​: ಈ ವಿಶ್ವಕಪ್​ನಲ್ಲೂ ಭಾರತ ಒಂದೇ ಒಂದು ಸೋಲು ಕಂಡು ಸೆಮೀಸ್​ ಪ್ರವೇಶ ಪಡೆದುಕೊಂಡಿತ್ತು. ಅಲ್ಲಿ ನ್ಯೂಜಿಲೆಂಡ್​ ತಂಡ ಟೀಮ್​ ಇಂಡಿಯಾವನ್ನು ಟೂರ್ನಿಯಿಂದ ಹೊರತಳ್ಳಿತ್ತು. ಕಿವೀಸ್​ ಕೊಟ್ಟಿದ್ದ 239 ರನ್​ಗಳ ಗುರಿ ಬೆನ್ನತ್ತಿದ್ದ ತಂಡ 221ಕ್ಕೆ ಆಲ್​ಔಟ್​​ ಆಗಿ 18ರನ್​ಗಳಿಂದ ಸೋಲನುಭವಿಸಿತ್ತು.

2021 ಚೊಚ್ಚಲ ಟೆಸ್ಟ್​ ಚಾಂಪಿಯನ್​ಶಿಪ್​: ಐಸಿಸಿ ಹೊಸದಾಗಿ ಟೆಸ್ಟ್​ ಚಾಂಪಿಯನ್​ ಶಿಪ್​ ಆರಂಭಿಸಿತ್ತು. ಭಾರತ ಎರಡು ವರ್ಷಗಳ ಕಾಲ ಎಲ್ಲಾ ಟೆಸ್ಟ್ ಸಿರೀಸ್​ಗಳನ್ನು ಉತ್ತಮವಾಗಿ ಆಡಿದ ಹಿನ್ನೆಲೆಯಲ್ಲಿ ಮೊದಲ ತಂಡವಾಗಿ ಫೈನಲ್​ ಪ್ರವೇಶ ಪಡೆದುಕೊಂಡಿತ್ತು. ಆದರೆ ಫೈನಲ್​ನಲ್ಲಿ ಮುಖಾಮುಖಿ ಆದ ಕಿವೀಸ್​ ​8 ವಿಕೆಟ್​ನಿಂದ ಪಂದ್ಯವನ್ನು ಗೆದ್ದುಕೊಂಡಿತ್ತು.

2022 ಟಿ20 ವಿಶ್ವಕಪ್​: ಲೀಗ್​ ಹಂತದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಮಾತ್ರ ಸೋಲು ಕಂಡಿದ್ದ ಭಾರತ ಸೆಮೀಸ್​ನಲ್ಲಿ ಸ್ಥಾನ ಪಡೆದುಕೊಂಡಿತ್ತು. ಆದರೆ ಇಂಗ್ಲೆಂಡ್​ ವಿರುದ್ಧ ಸೆಮೀಸ್​ನಲ್ಲಿ 10 ವಿಕೆಟ್​ಗಳ ಸೋಲನುಭವಿಸಿ ಟೂರ್ನಿಯಿಂದ ಹೊರಬಿದ್ದಿತ್ತು.

2023 ಟೆಸ್ಟ್​ ಚಾಂಪಿಯನ್​ಶಿಪ್ ಮತ್ತು ವಿಶ್ವಕಪ್​: ಈ ವರ್ಷ ನಡೆದ ಎರಡು ಐಸಿಸಿ ಟೂರ್ನಿಗಳಲ್ಲಿ ಫೈನಲ್ ಆಡಿದ ಭಾರತ ತಂಡ ಪ್ರಶಸ್ತಿ ಗೆಲ್ಲುವಲ್ಲಿ ವಿಫಲವಾಗಿದೆ. ಟೆಸ್ಟ್​ ಚಾಂಪಿಯನ್​ ಶಿಪ್​ ಮತ್ತು ವಿಶ್ವಕಪ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧವೇ ಭಾರತ ಸೋಲು ಕಂಡಿದೆ.

ಒಟ್ಟಾರೆ 9 ಐಸಿಸಿ ಟೂರ್ನಿಯಲ್ಲಿ ಭಾರತ 5 ಫೈನಲ್​ ಪಂದ್ಯಗಳನ್ನು ಆಡಿ ರನ್ನರ್​ ಅಪ್​ ಆದರೆ, 4 ಸೆಮಿಫೈನಲ್​ ಪಂದ್ಯವನ್ನು ಆಡಿ ಟೂರ್ನಿಯಿಂದ ಹೊರಬಿದ್ದಿದೆ. 9 ಪಂದ್ಯಗಳನ್ನು ಪ್ರಮುಖ ಹಂತದಲ್ಲೇ ಕಳೆದುಕೊಂಡಿರುವ ಭಾರತ ಐಸಿಸಿ ಟ್ರೋಫಿಯ ವಿಷಯದಲ್ಲಿ ಹೊಸ ಚೋಕರ್ಸ್​ ಆಗುತ್ತಿದೆಯಾ? ಎಂಬ ಅನುಮಾನ ಅಭಿಮಾನಿಗಳಲ್ಲಿ ಮೂಡಿದೆ.

ಇದನ್ನೂ ಓದಿ: 'ನಿನ್ನೆ ನಮ್ಮ ದಿನವಲ್ಲ': ಪ್ರಧಾನಿ ಸಾಂತ್ವನ ಹೇಳುತ್ತಿರುವ ಭಾವುಕ ಫೋಟೋ ಹಂಚಿಕೊಂಡ ಶಮಿ