ಆಸೀಸ್‌ಗೆ ಆಘಾತ: ವಿಶ್ವಕಪ್​ ಟೂರ್ನಿಯಿಂದ ಹೊರಬಿದ್ದ ಜೇ ರಿಚರ್ಡ್ಸನ್

ವಿಶ್ವಕಪ್ ಟೂರ್ನಮೆಂಟ್​ಗೆ ಕೆಲವೇ ದಿನಗಳು ಬಾಕಿ ಇದೆ ಅಷ್ಟೇ. ಈ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ತಂಡಕ್ಕೆ ಆಘಾತ ಎದುರಾಗಿದೆ. ತೀವ್ರ ಭುಜ ನೋವಿನಿಂದ ಬಳಲುತ್ತಿದ್ದ ಭರವಸೆಯ ಆಟಗಾರ ತಂಡದಲ್ಲಿ ಸ್ಥಾನ ಕಳೆದುಕೊಂಡಿದ್ದಾರೆ.

ಆಸ್ಟ್ರೇಲಿಯಾ: ಗಾಯದ ಸಮಸ್ಯೆಯಿಂದ ಬಳಲುತ್ತಿರುವ ಆಸೀಸ್​ ತಂಡದ ವೇಗಿ ಜೇ​ ರಿಚರ್ಡ್ಸನ್​ ವಿಶ್ವಕಪ್​ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.

22 ವರ್ಷದ ವೇಗಿ ಜೇ​ ರಿಚರ್ಡ್ಸನ್ ಕಳೆದ ಮಾರ್ಚ್​ನಲ್ಲಿ ಪಾಕಿಸ್ತಾನದ ವಿರುದ್ಧದ ಏಕದಿನ ಪಂದ್ಯದ ವೇಳೆ ಭುಜದ ನೋವಿಗೆ ತುತ್ತಾಗಿ ​ಚಿಕಿತ್ಸೆ ಪಡೆಯುತ್ತಿದ್ದರು. ಆದ್ರೆ, ಇಲ್ಲಿಯವರೆಗೂ ಸಂಪೂರ್ಣ ಗುಣಮುಖರಾಗದ ಹಿನ್ನೆಲೆಯಲ್ಲಿ ವಿಶ್ವಕಪ್​ ಟೂರ್ನಿಯಿಂದ ಅವರನ್ನು ಕೈಬಿಡಲಾಗಿದೆ.

• Jhye Richardson out of World Cup, Kane called up https://t.co/j90icrwRsA pic.twitter.com/8a8ZehxgET

  — ICC WT20 (@WT20News) May 8, 2019 " class="align-text-top noRightClick twitterSection" data="

  Jhye Richardson out of World Cup, Kane called up https://t.co/j90icrwRsA pic.twitter.com/8a8ZehxgET

  — ICC WT20 (@WT20News) May 8, 2019

  ">

  Jhye Richardson out of World Cup, Kane called up https://t.co/j90icrwRsA pic.twitter.com/8a8ZehxgET

  — ICC WT20 (@WT20News) May 8, 2019

ಈ ಬಗ್ಗೆ ಮಾತನಾಡಿರುವ ಆಸ್ಟ್ರೇಲಿಯಾ ತಂಡದ ಫಿಸಿಯೋಥೆರಪಿಸ್ಟ್​ ಡೇವಿಡ್ ಬೀಕ್ಲೆ, ನಿಜಕ್ಕೂ ಇದು ಆಸ್ಟ್ರೇಲಿಯಾ ತಂಡ ಮತ್ತು ಜೇ​ ರಿಚರ್ಡ್ಸನ್​ಗೆ ನಿರಾಶಾದಾಯಕ ಸುದ್ದಿ. ಜೇ​ಗೆ​ ಈ ಮೊದಲಿನಂತೆ ವೇಗವಾಗಿ ಬೌಲ್​​ ಮಾಡಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಆಯ್ಕೆದಾರರೊಂದಿಗೆ ಮಾತನಾಡಿ ಜೇ​ ಅವರನ್ನ ಕೈಬಿಡಲು ತೀರ್ಮಾನಿಸಲಾಯಿತು ಎಂದರು.

ಕೇನ್ ರಿಚರ್ಡ್ಸನ್‌ಗೆ ಅವಕಾಶ:

ಜೇ​ ರಿಚರ್ಡ್ಸನ್​ ಸ್ಥಾನ ತುಂಬುವುದಕ್ಕೆ ಕೇನ್​ ರಿಚರ್ಡ್ಸನ್​ಗೆ ಆಸೀಸ್​ ಟೀಂ ಸೆಲೆಕ್ಟರ್ಸ್​ ಮಣೆ ಹಾಕಿದ್ದು, ಕೇನ್​ ವಿಶ್ವಕಪ್ ಸರಣಿಗಾಗಿ ಇಂಗ್ಲೆಂಡ್​ಗೆ ಹಾರಲು ಅವಕಾಶ ಪಡೆದುಕೊಂಡಿದ್ದಾರೆ.