Cricket World Cup 2023: ಬೌಲಿಂಗ್ -ಬ್ಯಾಟಿಂಗ್​ನಲ್ಲಿ ಮಿರಾಜ್ ಮಿಂಚು.. ಅಫ್ಘಾನಿಸ್ತಾನ ವಿರುದ್ಧ ಬಾಂಗ್ಲಾಗೆ ನಿರಾಯಾಸ ಗೆಲುವು

Cricket World Cup 2023: ವಿಶ್ವಕಪ್​ ಕ್ರಿಕೆಟ್​ ಟೂರ್ನಿಯ ಮೂರನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನ ತಂಡದ ವಿರುದ್ಧ ಬಾಂಗ್ಲಾದೇಶ ನಿರಾಯಾಸವಾಗಿ ಗೆಲುವು ಸಾಧಿಸಿದೆ. ಮೂರು ವಿಕೆಟ್​ ಪಡೆದು ಬೌಲಿಂಗ್​ನಲ್ಲಿ ಮಿಂಚಿದ್ದ ಮೆಹಿದಿ ಹಸನ್ ಮಿರಾಜ್ ಬ್ಯಾಟಿಂಗ್​ನಲ್ಲೂ ಅರ್ಧಶತಕ ಬಾರಿಸಿ ಗಮನ ಸೆಳೆದರು.

ಧರ್ಮಶಾಲಾ (ಹಿಮಾಚಲ ಪ್ರದೇಶ): ವಿಶ್ವಕಪ್​ ಕ್ರಿಕೆಟ್​ ಟೂರ್ನಿಯಲ್ಲಿ ಬಾಂಗ್ಲಾದೇಶ ತಂಡ ಶುಭಾರಂಭ ಮಾಡಿದೆ. ಅದ್ಭುತ ಬೌಲಿಂಗ್ ಹಾಗೂ ಬ್ಯಾಟಿಂಗ್​ ಪ್ರದರ್ಶನದಿಂದ ತನ್ನ ಮೊದಲ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಆರು ವಿಕೆಟ್​ಗಳಿಂದ ಭರ್ಜರಿ ಜಯ ದಾಖಲಿಸಿದೆ. ಅಫ್ಘನ್ನರು ನೀಡಿದ್ದ 157 ರನ್​ಗಳ ಗುರಿಯನ್ನು ಬಾಂಗ್ಲಾ 34.4 ಓವರ್​ಗಳಲ್ಲಿ ಪೂರೈಸಿ ಗೆಲುವಿನ ನಗೆಬೀರಿದೆ.

ಹಿಮಾಚಲ ಪ್ರದೇಶದ ಧರ್ಮಶಾಲಾ ಕ್ರೀಡಾಂಗಣದಲ್ಲಿ ಇಂದು ನಡೆದ ಅಫ್ಘಾನಿಸ್ತಾನ ತಂಡ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿ ಕೇವಲ 156 ರನ್​ಗಳಿಗೆ ಆಲೌಟ್​ ಆಗಿತ್ತು. ಈ ಸುಲಭ ಗುರಿ ಬೆನ್ನಟ್ಟಿದ ಬಾಂಗ್ಲಾ ಬ್ಯಾಟರ್​ಗಳು ನಿರಾಯಾಸವಾಗಿ ಗೆಲುವು ತಂದುಕೊಟ್ಟರು. ಬೌಲಿಂಗ್​ನಲ್ಲಿ ಮಿಂಚಿದ್ದ ಮೆಹಿದಿ ಹಸನ್ ಮಿರಾಜ್ ಬ್ಯಾಟಿಂಗ್​ನಲ್ಲೂ ಅರ್ಧಶತಕ ಬಾರಿಸಿ ತಂಡದ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಮೂರು ವಿಕೆಟ್​ ಹಾಗೂ 57 ರನ್​ ಬಾರಿಸಿ ಮಿರಾಜ್ ಪ್ಲೇಯರ್​ ಆಫ್​ ದಿ ಮ್ಯಾಚ್​ ಗೌರವಕ್ಕೂ ಪಾತ್ರರಾದರು.

• Mehidy Hasan Miraz starred with bat and ball to take the @aramco #POTM against Afghanistan 🤩#CWC23 | #BANvAFG pic.twitter.com/jV0yDDZ0Tm

  — ICC (@ICC) October 7, 2023 " class="align-text-top noRightClick twitterSection" data="

  Mehidy Hasan Miraz starred with bat and ball to take the @aramco #POTM against Afghanistan 🤩#CWC23 | #BANvAFG pic.twitter.com/jV0yDDZ0Tm

  — ICC (@ICC) October 7, 2023

  ">

  Mehidy Hasan Miraz starred with bat and ball to take the @aramco #POTM against Afghanistan 🤩#CWC23 | #BANvAFG pic.twitter.com/jV0yDDZ0Tm

  — ICC (@ICC) October 7, 2023

ಆರಂಭಿಕ ಹಿನ್ನಡೆ ಕಂಡ ಬಾಂಗ್ಲಾ: 157 ರನ್​ಗಳ ಗುರಿ ಬೆನ್ನಟ್ಟಿದ್ದ ಬಾಂಗ್ಲಾದೇಶ ಉತ್ತಮ ಆರಂಭ ಪಡೆಯಲಿಲ್ಲ. ತಂಡದ ಪರ ಇನ್ನಿಂಗ್ಸ್​ ಶುರು ಮಾಡಿದ ತಂಝೀದ್ ಹಸನ್ ಹಾಗೂ ಲಿಟ್ಟನ್ ದಾಸ್ ಬೇಗ ವಿಕೆಟ್​ ಒಪ್ಪಿಸಿದರು. ಒಂದು ಬೌಂಡರಿ ಸಮೇತ ಕೇವಲ 5 ರನ್​ ಬಾರಿಸಿ ತಂಝೀದ್ ರನೌಟ್​ಗೆ ಸಿಲುಕಿದರು. ಇದಾದ ಸ್ವಲ್ಪ ಹೊತ್ತಿನಲ್ಲೇ ಲಿಟ್ಟನ್ ದಾಸ್ (13) ಕೂಡ ಫಜಲ್​ಹುಕ್ ಫಾರೂಕಿ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದರು. ಇದರಿಂದ 6.4 ಓವರ್​ಗಳಲ್ಲಿ 27 ರನ್​ಗಳಿಗೆ ಆರಂಭಿಕರ ಎರಡು ವಿಕೆಟ್​ ಕಳೆದುಕೊಂಡು ಬಾಂಗ್ಲಾ ಆರಂಭಿಕ ಹಿನ್ನಡೆ ಅನುಭವಿಸಿತು.

• Bangladesh showed all-round dominance to take their opening #CWC23 clash against Afghanistan 👌#BANvAFG 📝: https://t.co/kPZZikaktX pic.twitter.com/6aIXF5KM1A

  — ICC (@ICC) October 7, 2023 " class="align-text-top noRightClick twitterSection" data="

  Bangladesh showed all-round dominance to take their opening #CWC23 clash against Afghanistan 👌#BANvAFG 📝: https://t.co/kPZZikaktX pic.twitter.com/6aIXF5KM1A

  — ICC (@ICC) October 7, 2023

  ">

  Bangladesh showed all-round dominance to take their opening #CWC23 clash against Afghanistan 👌#BANvAFG 📝: https://t.co/kPZZikaktX pic.twitter.com/6aIXF5KM1A

  — ICC (@ICC) October 7, 2023

ಮಿರಾಜ್ - ಶಾಂತೋ ಜೊತೆಯಾಟ: ಮೂರನೇ ವಿಕೆಟ್​ಗೆ ನಜ್ಮುಲ್ ಹೊಸೈನ್ ಶಾಂತೋ ಹಾಗೂ ಮೆಹಿದಿ ಹಸನ್ ಮಿರಾಜ್ ಅದ್ಭುತ ಇನ್ನಿಂಗ್ಸ್ ಕಟ್ಟಿದರು. ಇಬ್ಬರು ತಾಳ್ಮೆಯ ಬ್ಯಾಟಿಂಗ್​ ಮೂಲಕ ರನ್​ಗಳನ್ನು ಕಲೆ ಹಾಕಿದರು. ಅದರಲ್ಲೂ, ಮಿರಾಜ್ ಸಿಂಗಲ್ಸ್​ ಹಾಗೂ ಡಬಲ್ಸ್​ಗಳೊಂದಿಗೆ ಅವಕಾಶ ಸಿಕ್ಕಾಗ ಬೌಂಡರಿಗಳು ಬಾರಿಸುತ್ತ ರನ್​ ಪೇರಿಸಿದರು. ಜೊತೆಗೆ 58 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಅವರು, ಐದು ಬೌಂಡರಿಗಳೊಂದಿಗೆ 57 ರನ್​ ಗಳಿಸಿದ್ದಾಗ ವಿಕೆಟ್​ ಒಪ್ಪಿಸಿದರು. ಈ ಜೋಡಿ 97 ರನ್​ಗಳ ಜೊತೆಯಾಟ ನೀಡಿತು.

ಮತ್ತೊಂದೆಡೆ, ನಿಧಾನವಾಗಿ ಬ್ಯಾಟ್​ ಬೀಸುತ್ತಿದ್ದ ಶಾಂತೋ 80 ಬಾಲ್​ಗಳಲ್ಲಿ ಅರ್ಧಶತಕ ಬಾರಿಸಿದರು. ಮಿರಾಜ್ ನಂತರ ನಾಯಕ ಶಕೀಬ್ ಅಲ್​ ಹಸನ್​ 14 ರನ್​ಗಳ ಕೊಡುಗೆ ನೀಡಿ ನಿರ್ಗಮಿಸಿದರು. ಅಂತಿಮವಾಗಿ ಶಾಂತೋ ಬಾಲ್​ಅನ್ನು ಬೌಂಡರಿಗೆ ಸೇರಿಸುವ ಮೂಲಕ ತಂಡಕ್ಕೆ ಗೆಲುವು ತಂದುಕೊಟ್ಟರು. ಈ ಮೂಲಕ 34.4 ಓವರ್​ಗಳಲ್ಲಿ 158 ರನ್​ ಕಲೆ ಹಾಕಿ 6 ವಿಕೆಟ್​ಗಳಿಂದ ಗೆಲುವು ಸಾಧಿಸಿತು. ಶಾಂತೋ ಅಜೇಯ 59 ರನ್ ಹಾಗೂ ಮುಶ್ಫಿಕರ್ ರಹೀಮ್ ಅಜೇಯ 2 ರನ್ ಕಲೆ ಹಾಕಿದರು. ಅಫ್ಘಾನಿಸ್ತಾನ ಪರ ಫಜಲ್​ಹಕ್​ ಫಾರೂಕಿ, ನವೀನ್​ ಉಲ್​-ಹಕ್​ ಹಾಗೂ ಅಜ್ಮತುಲ್ಲಾ ಒಮರ್​ಝೈ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: Cricket World Cup 2023: ಅಫ್ಘಾನಿಸ್ತಾನವನ್ನು ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕಿದ ಬಾಂಗ್ಲಾದೇಶ