ಕಮಿನ್ಸ್​ ಪಡೆಗೆ ಒಲಿಯುವುದೇ 6ನೇ ವಿಶ್ವಕಪ್‌? ಭಾರತದಲ್ಲಿ ಆಸ್ಟ್ರೇಲಿಯಾಗೆ ಎದುರಾಗುವ ಸವಾಲುಗಳೇನು?

Cricket World Cup 2023: ಐದು ಬಾರಿಯ ಚಾಂಪಿಯನ್ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡ ಆರನೇ ವಿಶ್ವಕಪ್ ಎತ್ತಿ ಹಿಡಿಯಲು ತವಕಿಸುತ್ತಿದೆ. ಪ್ಯಾಟ್​ ಕಮಿನ್ಸ್ ​​ತಂಡದ ಬಲ ಮತ್ತು ದೌರ್ಬಲ್ಯಗಳನ್ನು ನೋಡೋಣ.

ಹೈದರಾಬಾದ್: ವಿಶ್ವಕಪ್​​ ಮಹಾ ಕ್ರಿಕೆಟ್​ ಹಬ್ಬಕ್ಕೆ ಇನ್ನೆರಡು ದಿನಗಳಷ್ಟೇ ಬಾಕಿ. ಅಭಿಮಾನಿಗಳಲ್ಲಿ ದಿನ ದಿನಕ್ಕೂ ಕುತೂಹಲ ಹೆಚ್ಚುತ್ತಿದೆ. 10 ತಂಡಗಳು ರನ್​ ಮತ್ತು ವಿಕೆಟ್​ ಬೇಟೆಗೆ ಸಜ್ಜಾಗುತ್ತಿವೆ. ಹೀಗಿರುವಾಗ 1987, 1999, 2003, 2007 ಮತ್ತು 2015 ಸೇರಿದಂತೆ ಒಟ್ಟು ಐದು ಬಾರಿ ವಿಶ್ವಕಪ್​ ಗೆದ್ದಿರುವ ಆಸ್ಟ್ರೇಲಿಯಾ ಕದನದಲ್ಲಿ ಬಲಿಷ್ಠ ಕ್ರಿಕೆಟ್​ ರಾಷ್ಟ್ರ ಎನಿಸಿಕೊಂಡಿದೆ. ಕಾಂಗರೂ ಪಡೆ ಆರನೇ ಟ್ರೋಫಿ ಗೆಲ್ಲುವ ಗುರಿಯೊಂದಿಗೆ ಭಾರತಕ್ಕೆ ಆಗಮಿಸಿದೆ. ಈ ವರ್ಷ ನಡೆದ ಐಸಿಸಿ ಟೆಸ್ಟ್​ ಚಾಂಪಿಯನ್​ಶಿಪ್​ ಗೆದ್ದ ಹುರುಪು ತಂಡದಲ್ಲಿದೆ. ಏಕದಿನ ವಿಶ್ವಕಪ್ ಅ​ನ್ನೂ ಗೆದ್ದು ಒಂದೇ ವರ್ಷ ಎರಡು ಐಸಿಸಿ ಟ್ರೋಫಿ ಗೆಲ್ಲುವ ಲೆಕ್ಕಾಚಾರ ಕಮಿನ್ಸ್​ ಪಡೆಯದ್ದು.

• Ready to claim their sixth title at #CWC23 🏆 pic.twitter.com/VgX26hDGCH

  — ICC Cricket World Cup (@cricketworldcup) October 2, 2023 " class="align-text-top noRightClick twitterSection" data="

  Ready to claim their sixth title at #CWC23 🏆 pic.twitter.com/VgX26hDGCH

  — ICC Cricket World Cup (@cricketworldcup) October 2, 2023

  ">

  Ready to claim their sixth title at #CWC23 🏆 pic.twitter.com/VgX26hDGCH

  — ICC Cricket World Cup (@cricketworldcup) October 2, 2023

ಅಸಾಧಾರಣ ಬೌಲಿಂಗ್ ದಾಳಿ: ಆಸ್ಟ್ರೇಲಿಯಾವು ಪ್ಯಾಟ್ ಕಮಿನ್ಸ್, ಮಿಚೆಲ್ ಸ್ಟಾರ್ಕ್ ಮತ್ತು ಜೋಶ್ ಹ್ಯಾಜಲ್‌ವುಡ್‌ರಂಥ ದಿಗ್ಗಜ ಬೌಲರ್‌ಗಳನ್ನು ಒಳಗೊಂಡಿದೆ. ಈ ತ್ರಿವಳಿ ವೇಗಿಗಳು ತಮ್ಮ ರೆಕಾರ್ಡ್​ಗಳಿಂದ ಎಷ್ಟು ಮಾರಕ ಎಂಬುದನ್ನು ಸಾಬೀತು ಮಾಡಿದವರು. ಭಾರತದ ಮಧ್ಯಮ ವೇಗದ ಪಿಚ್‌ಗಳಲ್ಲೂ ಗಂಟೆಗೆ 140 ಕಿಲೋಮೀಟರ್​ ವೇಗದಲ್ಲಿ ಬೌಲಿಂಗ್​ ಮಡುವ ಸಾಮರ್ಥ್ಯವನ್ನು ಇವರು ಹೊಂದಿದ್ದಾರೆ. ಲೆಗ್ ಸ್ಪಿನ್ನರ್ ಆ್ಯಡಮ್ ಝಂಪಾ ಭಾರತೀಯ ಪಿಚ್​ಗಳಲ್ಲಿ ಬೌಲಿಂಗ್​ ಮಾಡಿದ ಅನುಭವಿ.

ಜನವರಿ 2023ರಿಂದ ಮಿಚೆಲ್ ಸ್ಟಾರ್ಕ್ ಭಾರತದ ನೆಲದಲ್ಲಿ ಕೇವಲ ನಾಲ್ಕು ಏಕದಿನ ಆಡಿದ್ದು, 24.66 ಸರಾಸರಿಯಲ್ಲಿ ಒಂಬತ್ತು ವಿಕೆಟ್​ ಪಡೆದಿದ್ದಾರೆ. ಹ್ಯಾಜಲ್‌ವುಡ್ ಗಾಯದ ಕಾರಣದಿಂದ ತಂಡದಿಂದ ಹೊರಗುಳಿದಿದ್ದರು. ಆದರೆ ಭಾರತದ ಪಿಚ್​ಗಳ ಅರಿವು ಅವರಿಗಿದೆ. ಇಲ್ಲಿಯವರೆಗೆ ಹ್ಯಾಜಲ್‌ವುಡ್ 74 ಏಕದಿನಗಳಲ್ಲಿ 26.4 ರ ಸರಾಸರಿಯಲ್ಲಿ 4.70ರ ಎಕಾನಮಿಯೊಂದಿಗೆ 116 ವಿಕೆಟ್​​ಗಳನ್ನು ಪಡೆದಿದ್ದಾರೆ. ಕಮಿನ್ಸ್ 77 ಒನ್‌ ಡೇ ಮ್ಯಾಚ್​ಗಳಿಂದ 126 ವಿಕೆಟ್​ ಪಡೆದಿದ್ದಾರೆ. ಭಾರತೀಯ ಸ್ಪಿನ್​ ವಿಕೆಟ್​ಗಳಲ್ಲಿ ಆ್ಯಡಮ್ ಝಂಪಾ ಪಾತ್ರ ತಂಡದಲ್ಲಿ ಪ್ರಮುಖವಾಗಿರುತ್ತದೆ. ಭಾರತದ ಪಿಚ್‌ಗಳಲ್ಲಿ 16 ಏಕದಿನ ಪಂದ್ಯದಲ್ಲಿ 30.77 ಸರಾಸರಿಯಲ್ಲಿ 27 ವಿಕೆಟ್‌ ಉರುಳಿಸಿದ್ದಾರೆ.

ಸ್ಫೋಟಕ ಬ್ಯಾಟಿಂಗ್ ಲೈನಪ್: ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಅವರಂತಹ ಪವರ್ ಹಿಟ್ಟರ್‌ಗಳು ತಂಡ ಬ್ಯಾಟಿಂಗ್ ಬಲ. ಸ್ಟೀವ್ ಸ್ಮಿತ್ ಅವರ ಅನುಭವ ಮತ್ತು ಉದಯೋನ್ಮುಖ ಪ್ರತಿಭೆ ಮಾರ್ನಸ್ ಲ್ಯಾಬುಶೇನ್​ ತಂಡಕ್ಕೆ ಆಧಾರವಾಗಲಿದ್ದಾರೆ. ಅಗ್ರ ಕ್ರಮಾಂಕ ಕುಸಿದರೆ, ಮಧ್ಯಮ ಕ್ರಮಾಂಕದಲ್ಲಿ ಸ್ಥಿರತೆ ಒದಗಿಸುವ ಸಾಮರ್ಥ್ಯ ತಂಡಕ್ಕಿದೆ. ಈ ವರ್ಷ ಡೇವಿಡ್ ವಾರ್ನರ್ ಭಾರತದ ವಿರುದ್ಧ ಸತತ ಮೂರು ಅರ್ಧಶತಕಗಳು ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ಶತಕಗಳೊಂದಿಗೆ 9 ಏಕದಿನದಲ್ಲಿ 390 ರನ್‌ಗಳನ್ನು ಗಳಿಸಿದ್ದಾರೆ. ಒನ್​ಡೇ ಕ್ರಿಕೆಟ್ ಮಾದರಿಯಲ್ಲಿ ಆಸ್ಟ್ರೇಲಿಯಾ ಪರ ಅತಿ ಹೆಚ್ಚು ರನ್ ಗಳಿಸಿದ ಮೂರನೇ ಆಟಗಾರ ಇವರು.

• An in-form batter makes a last-minute entry into the Australia #CWC23 squad ⚡
  
  Details 👉 https://t.co/2VT9G4oTiS pic.twitter.com/5tYKB9QK8i

  — ICC Cricket World Cup (@cricketworldcup) September 28, 2023 " class="align-text-top noRightClick twitterSection" data="

  An in-form batter makes a last-minute entry into the Australia #CWC23 squad ⚡
  
  Details 👉 https://t.co/2VT9G4oTiS pic.twitter.com/5tYKB9QK8i

  — ICC Cricket World Cup (@cricketworldcup) September 28, 2023

  ">

  An in-form batter makes a last-minute entry into the Australia #CWC23 squad ⚡
  
  Details 👉 https://t.co/2VT9G4oTiS pic.twitter.com/5tYKB9QK8i

  — ICC Cricket World Cup (@cricketworldcup) September 28, 2023

ಆಲ್‌ರೌಂಡ್ ಪ್ರದರ್ಶನ: ಕ್ಯಾಮರೂನ್ ಗ್ರೀನ್, ಮಾರ್ಕಸ್ ಸ್ಟೊಯಿನಿಸ್ ಮತ್ತು ಮಿಚೆಲ್ ಮಾರ್ಷ್ ಅವರಂತಹ ಪ್ರತಿಭಾವಂತ ಆಲ್‌ರೌಂಡರ್‌ಗಳನ್ನು ತಂಡ ಒಳಗೊಂಡಿದೆ. ಗ್ಲೆನ್ ಮ್ಯಾಕ್ಸ್‌ವೆಲ್, ಮಾರ್ನಸ್ ಲ್ಯಾಬುಶೇನ್​ ಮತ್ತು ಟ್ರಾವಿಸ್ ಹೆಡ್ ಸ್ಪಿನ್ ವಿಭಾಗದಲ್ಲಿ ಕಾರ್ಯನಿರ್ವಹಿಸಬಲ್ಲರು. ಮ್ಯಾಕ್ಸ್​ವೆಲ್​ 10 ಓವರ್​ ಮಾಡುವ ಕ್ಷಮತೆ ಹೊಂದಿದ್ದಾರೆ. ವಿಶ್ವಕಪ್​ಗೂ ಮುನ್ನ ಭಾರತದಲ್ಲಿ ನಡೆದ ಏಕದಿನ ಸರಣಿಯ ಮೂರನೇ ಪಂದ್ಯದಲ್ಲಿ 10 ಓವರ್​ ಮಾಡಿದ ಅವರು ಪ್ರಮುಖ ಐದು ವಿಕೆಟ್​ ಕಿತ್ತು ಆಸಿಸ್​ ಗೆಲುವಿಗೆ ಕಾರಣರಾಗಿದ್ದರು. ಸ್ಟೊಯಿನಿಸ್ ಈ ವರ್ಷ 7 ಏಕದಿನ ಪಂದ್ಯಗಳಲ್ಲಿ 7 ಮತ್ತು ಗ್ರೀನ್ 7 ಪಂದ್ಯಗಳಲ್ಲಿ 5 ವಿಕೆಟ್ ಪಡೆದಿದ್ದಾರೆ.

ದೌರ್ಬಲ್ಯಗಳೇನು?:
ಗಾಯದ ಸಮಸ್ಯೆ: ಪ್ಯಾಟ್ ಕಮಿನ್ಸ್, ಗ್ಲೆನ್ ಮ್ಯಾಕ್ಸ್‌ವೆಲ್, ಸ್ಟೀವ್ ಸ್ಮಿತ್ ಮತ್ತು ಮಿಚೆಲ್ ಸ್ಟಾರ್ಕ್ ಸೇರಿದಂತೆ ಕೆಲವು ಪ್ರಮುಖ ಆಟಗಾರರು ಸತತ ಟೆಸ್ಟ್​ ಪಂದ್ಯಗಳಲ್ಲಿ ಭಾಗವಗಹಿಸಿ ಗಾಯಕ್ಕೆ ತುತ್ತಾಗಿ ತಂಡದಿಂದ ಹೊರಗುಳಿದಿದ್ದರು. ಈ ಪ್ರಮುಖ ಆಟಗಾರರು ಸಂಪೂರ್ಣ ಫಿಟ್​ ಆಗಿದ್ದಾರೆ ಎಂದು ಹೇಳುವುದು ಕಷ್ಟ. ಪಂದ್ಯಾವಳಿಯ ನಡುವೆ ಮತ್ತೆ ಫಿಟ್ನೆಸ್ ಸಮಸ್ಯೆ ಎದುರಿಸಿದರೆ ತಂಡ ದುರ್ಬಲವಾಗಲಿದೆ. ಈ ವರ್ಷ ವಿಶ್ವಕಪ್​ ಇದ್ದರೂ ಏಕದಿನ ಪಂದ್ಯಗಳಿಂದ ಬುಹುತೇಕ ಆಸ್ಟ್ರೇಲಿಯನ್​ ತಂಡದ ಆಟಗಾರರು ದೂರವೇ ಇದ್ದರು. ಇತ್ತೀಚೆಗೆ ಪ್ಯಾಟ್ ಕಮ್ಮಿನ್ಸ್ ಎರಡು, ಗ್ಲೆನ್ ಮ್ಯಾಕ್ಸ್‌ವೆಲ್ ಒಂದು, ಸ್ಟೀವ್ ಸ್ಮಿತ್ ಆರು ಮತ್ತು ಮಿಚೆಲ್ ಸ್ಟಾರ್ಕ್ ನಾಲ್ಕು ಪಂದ್ಯ ಆಡಿದ್ದಾರೆ ಅಷ್ಟೇ.

ಏಕಾಂಗಿ ಸ್ಪಿನ್ನರ್​: ಆ್ಯಡಮ್ ಝಂಪಾ ಆಸ್ಟ್ರೇಲಿಯಾದ ಏಕೈಕ ಸ್ಪೆಷಲಿಸ್ಟ್ ಸ್ಪಿನ್ನರ್. ತಂಡ ಬ್ಯಾಕಪ್ ಸ್ಪೆಷಲಿಸ್ಟ್ ಸ್ಪಿನ್ನರ್​ಗಳನ್ನು ಹೊಂದಿಲ್ಲ. ಭಾರತದಂತಹ ಸ್ಪಿನ್‌ಸ್ನೇಹಿ ಪಿಚ್​ಗಳಲ್ಲಿ ಎರಡನೇ ಪ್ರಮುಖ ಸ್ಪಿನ್ನರ್​ ಇರದಿರುವುದು ತಂಡದ ದೊಡ್ಡ ದೌರ್ಬಲ್ಯ.

ಅವಕಾಶಗಳೇನು?: ಯುವ ಪ್ರತಿಭೆಗಳಾದ ಜೋಶ್ ಇಂಗ್ಲಿಸ್, ಅಲೆಕ್ಸ್ ಕ್ಯಾರಿ, ಮಾರ್ನಸ್ ಲ್ಯಾಬುಶೇನ್​ ಮತ್ತು ಕ್ಯಾಮರೂನ್ ಗ್ರೀನ್​ ಆಸ್ಟ್ರೇಲಿಯಾ ತಂಡಕ್ಕೆ ಮುಂದಿನ ವರ್ಷಗಳ ಭರವಸೆಯ ಆಟಗಾರರು. ಈಗಾಗಲೇ ತಂಡದಲ್ಲಿ ಸಿಕ್ಕ ಅವಕಾಶಗಳಲ್ಲಿ ಪ್ರತಿಭೆಯನ್ನು ತೋರಿಸಿದ್ದಾರೆ. ವಿಶ್ವಕಪ್​ನಲ್ಲಿ ಅನುಭವಿ ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಅವರೊಂದಿಗೆ ಸೇರಿ ಮಹತ್ವದ ಕೊಡುಗೆ ನಿರೀಕ್ಷಿಸಲಾಗುತ್ತಿದೆ.

ಇದನ್ನೂ ಓದಿ: ಏಕದಿನ ವಿಶ್ವಕಪ್ 2023: ಮಾಜಿ ಕ್ರಿಕೆಟರ್​ ಕಿರಣ್ ಮೋರೆ​ ಜತೆ ಈಟಿವಿ ಭಾರತ ವಿಶೇಷ ಸಂದರ್ಶನ