ಮತ್ತೆರಡು ದಾಖಲೆಗಳ ಮೇಲೆ ರೋಹಿತ್​ ಕಣ್ಣು: ಹಿಟ್​ಮ್ಯಾನ್​ ಬ್ರೇಕ್​ ಮಾಡ್ತಾರಾ ಈ ರೆಕಾರ್ಡ್ಸ್?

ಈಗಾಗಲೆ ತಮ್ಮ ಸ್ಪೋಟಕ ಆಟದಿಂದ ಹಲವು ದಾಖಲೆ ನಿರ್ಮಿಸಿರುವ ರೋಹಿತ್​ ಶರ್ಮಾ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ನೂತನ ದಾಖಲೆ ಬರೆಯಲು ಸಜ್ಜಾಗಿದ್ದಾರೆ.

ಲಂಡನ್: ವಿಶ್ವಕಪ್​ ಟೂರ್ನಿಯಲ್ಲಿ ಭರ್ಜರಿ ಫಾರ್ಮ್​ನಲ್ಲಿರುವ ಹಿಟ್​ ಮ್ಯಾನ್​ ರೋಹಿತ್​ ಶರ್ಮಾ ಅಮೋಘ ಪ್ರದರ್ಶನ ತೋರುತ್ತಿದ್ದಾರೆ. ಈಗಾಗಲೇ ಏಕದಿನ ಕ್ರಿಕೆಟ್​ನಲ್ಲಿ ಹಲವು ದಾಖಲೆ ಬರೆದಿರುವ ರೋಹಿತ್, ಇಂದಿನ ಪಂದ್ಯದಲ್ಲಿ ಹೊಸ ದಾಖಲೆಗಳ ಮೇಲೆ ಕಣ್ಣಿಟ್ಟಿದ್ದಾರೆ.

ಸಂಗಕ್ಕರ ದಾಖಲೆ ಬ್ರೇಕ್​ ಮಾಡಲು ಬೇಕು 1 ಶತಕ:
ವರ್ಲ್ಡ್​ಕಪ್​ ಟೂರ್ನಿಯಲ್ಲಿ ನಾಲ್ಕು ಶತಕ ಸಿಡಿಸಿರುವ ರೋಹಿತ್​ ಶರ್ಮಾ ಇನ್ನೊಂದು ಶತಕ ಸಿಡಿಸಿದ್ರೆ, ಶ್ರೀಲಂಕಾ ಆಟಗಾರ ಕುಮಾರ್​ ಸಂಗಕ್ಕರ ದಾಖಲೆ ಬ್ರೇಕ್​ ಮಾಡಲಿದ್ದಾರೆ. 2015ರ ವಿಶ್ವಕಪ್​ ಟೂರ್ನಿಯಲ್ಲಿ ಸಂಗಕ್ಕರ 4 ಶತಕ ಸಿಡಿಸಿ ದಾಖಲೆ ಬರೆದಿದ್ದರು.

ಈಗಾಗಲೇ ರೋಹಿತ್​ ಶರ್ಮಾ ಎಂಟು ಇನ್ನಿಂಗ್ಸ್​ನಲ್ಲಿ 544 ರನ್​ಗಳು ಕಲೆಹಾಕುವ ಮೂಲಕ 2011 ರಲ್ಲಿ 482 ಹಾಗೂ 1996ರಲ್ಲಿ 523 ರನ್​ ಬಾರಿಸಿದ್ದ ಸಚಿನ್ ​ ದಾಖಲೆಯನ್ನು ಮುರಿದಿದ್ದಾರೆ. 2003 ರ ವಿಶ್ವಕಪ್​​ನಲ್ಲಿ ತೆಂಡೂಲ್ಕರ್ 673 ರನ್ ​ಗಳಿಸಿ ದಾಖಲೆ ಬರೆದಿದ್ದರು. ಈ ದಾಖಲೆ ಮುರಿಯಲು ರೋಹಿತ್​ ಶರ್ಮಾಗೆ ಕೇವಲ 129 ರನ್​ಗಳು ಬೇಕಾಗಿವೆ.