ಲಂಡನ್: ನಿನ್ನೆ ಲೀಡ್ಸ್ ಮೈದಾನದಲ್ಲಿ ಭಾರತ ಮತ್ತು ಶ್ರೀಲಂಕಾ ನಡುವಿನ ಪಂದ್ಯದ ವೇಳೆ ವಿಮಾನಗಳು ಭಾರತ ವಿರೋಧಿ ಬ್ಯಾನರ್ಗಳನ್ನ ಪ್ರದರ್ಶಿಸಿ ಆತಂಕ ಮೂಡಿಸಿವೆ.
ಭಾರತ ಶ್ರೀಲಂಕಾ ನಡುವಿನ ಪಂದ್ಯ ಆರಂಭವಾದ ಕೆಲವೇ ನಿಮಿಷಗಳಲ್ಲಿ ವಿಮಾನವೊಂದು 'ಜಸ್ಟಿಸ್ ಫಾರ್ ಕಾಶ್ಮೀರ' ಎಂಬ ಬ್ಯಾನರ್ ಪ್ರದರ್ಶಿಸುತ್ತಾ ಮೈದಾನದ ಮೇಲೆ ಹಾರಾಟ ನಡೆಸಿತು. ಅದಾದ ಅರ್ಧಗಂಟೆಯಲ್ಲೆ ಅಂತದ್ದೇ ವಿಮಾನ 'ನರಮೇಧ ನಿಲ್ಲಿಸಿ, ಕಾಶ್ಮೀರ ಸ್ವತಂತ್ರಗೊಳಿಸಿ' ಎಂಬ ಮತ್ತೊಂದು ಬ್ಯಾನರ್ ಹೊತ್ತು ಸಾಗಿತು.
ಇನ್ನು ಟೀಂ ಇಂಡಿಯಾ ಬ್ಯಾಟಿಂಗ್ ಆರಂಭಿಸಿದ ವೇಳೆ 'ಜನರನ್ನ ಕಾನೂನು ಬಾಹಿರವಾಗಿ ಗಲ್ಲಿಗೇರಿಸುವುದನ್ನ ನಿಲ್ಲಿಸಿ' ಎಂಬ ಮತ್ತೊಂದು ಬ್ಯಾನರ್ ಪ್ರದರ್ಶಿಸುತ್ತ ಮೈದಾನದ ಮೇಲೆ ವಿಮಾನವೊಂದು ಹಾರಾಟ ನಡೆಸಿದೆ.
ಘಟನೆಯನ್ನ ಗಂಭೀರವಾಗಿ ಪರಿಗಣಿಸಿರುವ ಬಿಸಿಸಿಐ, ಐಸಿಸಿಗೆ ಪತ್ರ ಬರೆದಿದೆ. ನಮಗೆ ನಮ್ಮ ಆಟಗಾರ ರಕ್ಷಣೆ ಮುಖ್ಯ ಈ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಪತ್ರದಲ್ಲಿ ತಿಳಿಸಿದೆ.
ಇದೇ ಮೈದಾನದಲ್ಲಿ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನ ನಡುವಿನ ಪಂದ್ಯದ ವೇಳೆ ವಿಮಾನವೊಂದು 'ಜಸ್ಟಿಸ್ ಫಾರ್ ಬಲೂಚಿಸ್ತಾನ್' ಎಂಬ ಬ್ಯಾನರ್ ಪ್ರದರ್ಶಿಸಿ ಆತಂಕ ಮೂಡಿಸಿತ್ತು.
