'ಆರಂಭ-ನಾಲ್ಕು' ಯಾರು?.. ರಾಯ್ಡು ಕರೆತನ್ನಿ ಅಂತಾರೆ ಗಂಭೀರ್​.. ಪಂತ್​ ಬೇಕು ಅಂತಾರೆ ಪೀಟರ್ಸನ್​..

ಹೆಬ್ಬೆರಳಿನ ಗಾಯಕ್ಕೆ ತುತ್ತಾಗಿ ಮೂರು ವಾರಗಳ ಕಾಲ ವಿಶ್ವಕಪ್​ ಟೂರ್ನಿಯಿಂದ ಹೊರಗುಳಿದಿರುವ ಶಿಖರ್​ ಧವನ್​ ಸ್ಥಾನಕ್ಕೆ ಹಲವು ಹೆಸರುಗಳು ಕೇಳಿಬರುತ್ತಿವೆ.

ನವದೆಹಲಿ: ಹೆಬ್ಬೆರಳಿನ ಗಾಯಕ್ಕೆ ತುತ್ತಾಗಿ ಮೂರು ವಾರಗಳ ಕಾಲ ವಿಶ್ವಕಪ್​ ಟೂರ್ನಿಯಿಂದ ಹೊರಗುಳಿದಿರುವ ಶಿಖರ್​ ಧವನ್​ ಜಾಗಕ್ಕೆ ಅಂಬಟಿ ರಾಯ್ಡು ಸೂಕ್ತ ಎಂದು ಮಾಜಿ ಕ್ರಿಕೆಟರ್​ ಗೌತಮ್​ ಗಂಭೀರ್​ ಅಭಿಪ್ರಾಯಪಟ್ಟಿದ್ದಾರೆ.

ಅಂಬಟಿ ರಾಯ್ಡು ಏಕದಿ ಕ್ರಿಕೆಟ್​ನಲ್ಲಿ 45 ರನ್​ಗಳ ಆವರೇಜ್​ ಹೊಂದಿದ್ದಾರೆ. ಅಂಥಾ ಆಟಗಾರನಿಗೆ ವಿಶ್ವಕಪ್​ ಟೂರ್ನಿಯಲ್ಲಿ ಅವಕಾಶ ಕೊಡಲೇಬೇಕು. ಶಿಖರ್​ ಸ್ಥಾನಕ್ಕೆ ರಾಯ್ಡು ಸೂಕ್ತ ವ್ಯಕ್ತಿ ಎಂದಿದ್ದಾರೆ ಗಂಭೀರ್. ಇತ್ತ ಮಾಜಿ ಇಂಗ್ಲೆಂಡ್​ ಆಟಗಾರ ಕೆವಿನ್​ ಪೀಟರ್ಸನ್, ಕೆ ಎಲ್‌ ರಾಹುಲ್​ ಆರಂಭಿಕನಾಗಿ ಕಣ್ಣಕ್ಕಿಳಿಯಲಿ, ನಾಲ್ಕನೇ ಸ್ಥಾನಕ್ಕೆ ರಿಷಭ್ ಪಂತ್​ ಸೂಕ್ತ ವ್ಯಕ್ತಿ ಎಂದು ಟ್ವೀಟ್​ ಮಾಡಿದ್ದಾರೆ.

• Shikha OUT the World Cup.
  
  Get Pant on the plane ASAP.
  
  KL Rahul to open and Pant at number 4...

  — Kevin Pietersen🦏 (@KP24) June 11, 2019 " class="align-text-top noRightClick twitterSection" data="

  Shikha OUT the World Cup.
  
  Get Pant on the plane ASAP.
  
  KL Rahul to open and Pant at number 4...

  — Kevin Pietersen🦏 (@KP24) June 11, 2019

  ">

  Shikha OUT the World Cup.
  
  Get Pant on the plane ASAP.
  
  KL Rahul to open and Pant at number 4...

  — Kevin Pietersen🦏 (@KP24) June 11, 2019

'ಶಿಖರ್ ಧವನ್​​ ಸ್ಥಾನಕ್ಕೆ ಕೆ ಎಲ್ ರಾಹುಲ್​ ಅವರನ್ನ ಆಯ್ಕೆ ಮಾಡಬೇಕು. ರಾಹುಲ್​ ಆರಂಭಿಕರಾಗಿ ಉತ್ತಮವಾಗಿ ಬ್ಯಾಟ್​ ಬೀಸಬಲ್ಲರು. 4ನೇ ಸ್ಥಾನಕ್ಕೆ ದಿನೇಶ್​ ಕಾರ್ತಿಕ್​ ಉತ್ತಮ ಆಯ್ಕೆ ಅನ್ನೋದು ನನ್ನ ಅಭಿಪ್ರಾಯ. ಕಾರ್ತಿಕ್​, ಬ್ಯಾಟಿಂಗ್​, ಫೀಲ್ಡಿಂಗ್​ ಮತ್ತು ಅಗತ್ಯ ಬಿದ್ದಾಗ ಕೀಪಿಂಗ್​ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಹೀಗಾಗಿ 4ನೇ ಸ್ಥಾನಕ್ಕೆ ಕಾರ್ತಿಕ್​ ಅವರನ್ನೇ ಆಯ್ಕೆ ಮಾಡಿದರೆ ಉತ್ತಮ' ಎಂದು ಮಾಜಿ ಕ್ರಿಕೆಟರ್​ ಕಿರಣ್​ ಮೋರೆ ಹೇಳಿದ್ದಾರೆ.

ಆಸೀಸ್ ವಿರುದ್ಧದ ಪಂದ್ಯದಲ್ಲಿ ಹೆಬ್ಬೆರಳಿನ ಗಾಯಕ್ಕೆ ತುತ್ತಾಗಿರುವ ಆರಂಭಿಕ ಆಟಗಾರ ಶಿಖರ್ ಧವನ್​ಗೆ ವೈದ್ಯರು ಮೂರು ವಾರಗಳ ಕಾಲ ವಿಶ್ರಾಂತಿ ಪಡೆಯುವಂತೆ ಸೂಚಿಸಿದ್ದಾರೆ. ಹೀಗಾಗಿ ನಾಳೆ ನ್ಯೂಜಿಲೆಂಡ್​ ವಿರುದ್ಧ ನಡೆಯುವ ಪಂದ್ಯದಲ್ಲಿ ರಾಹುಲ್​ ಆರಂಭಿಕನಾಗಿ ಕಣಕ್ಕಿಳಿಯುವ ಸಾಧ್ಯತೆ ಇದೆ.