ನವದೆಹಲಿ: ಭಾರತ ತಂಡದ ಸ್ಪಿನ್ ಬೌಲರ್ ಚಹಾಲ್ ತಮ್ಮನ್ನು ಆರಂಭಿಕನಾಗಿ ಕಣಕ್ಕಿಳಿಸುವಂತೆ ಕೊಹ್ಲಿಗೆ ಶಿಫಾರಸು ಮಾಡಿ ಎಂದು ಅನುಷ್ಕಾ ಶರ್ಮಾರಿಗೆ ಮನವಿ ಮಾಡಿಕೊಂಡಿದ್ದಾರೆ.
ಕೊರೊನಾ ಸಾಂಕ್ರಾಮಿಕ ರೋಗದಿಂದ ಇಡೀ ದೇಶವೇ ಲಾಕ್ಡೌನ್ನಲ್ಲಿ ಸಿಲುಕಿದ್ದು, ಕಳೆದ ಒಂದು ತಿಂಗಳಿಂದ ಯಾವುದೇ ಕ್ರಿಕೆಟ್ ಪಂದ್ಯಗಳು ನಡೆದಿಲ್ಲ, ಮುಂದಿನ ಕೆಲವು ತಿಂಗಳವರೆಗೆ ನಡೆಯುವುದೂ ಅನುಮಾನವಾಗಿದೆ.
ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಪತ್ನಿ ಹಾಗೂ ಬಾಲಿವುಡ್ ಬೆಡಗಿ ಅನುಷ್ಕಾ ಶರ್ಮಾ ನಿನ್ನೆ ಕೊಹ್ಲಿಯನ್ನು ಅಭಿಮಾನಿಯಂತೆ ಏಯ್ ಕೊಹ್ಲಿ, ಚೌಕಾ ಮಾರ್ ನಾ.. ಚಾಕಾ.. ಏಯ್ ಕೊಹ್ಲಿ ಎಂದು ಕೊಹ್ಲಿ ಮುಂದೆ ಜೋರಾಗಿ ಕೂಗುತ್ತಿರುವ ವಿಡಿಯೋ ಶೇರ್ ಮಾಡಿಕೊಂಡಿದ್ದರು.
ವಿಡಿಯೋದ ಜೊತೆಗೆ, "ಕೊಹ್ಲಿ ತುಂಬಾ ಕ್ರಿಕೆಟ್ ಮೈದಾನವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾರೆ ಎಂದೆನಿಸಿತು. ಏಕೆಂದರೆ ಮೈದಾನದಲ್ಲಿ ಲಕ್ಷಾಂತರ ಅಭಿಮಾನಿಗಳ ಪ್ರೀತಿ ಅವರಿಂದ ಸಿಗುತ್ತದೆ. ಅದರಲ್ಲೂ ಈ ರೀತಿಯ ವಿಶೇಷ ಅಭಿಮಾನಿಗಳನ್ನು ಕೂಡ ಮಿಸ್ ಮಾಡಿಕೊಳ್ಳುತ್ತಾರೆ. ಅವರಂತೆ ನಟಿಸಿ ಅವರ ಅನುಭವವನ್ನು ಕೊಡುವ ಪ್ರಯತ್ನ ಮಾಡಿದ್ದೇನೆ" ಎಂದು ವಿಡಿಯೋಗೆ ಟ್ಯಾಗ್ಲೈನ್ ಸಹ ಬರೆದುಕೊಂಡಿದ್ದರು.
- " class="align-text-top noRightClick twitterSection" data="
">
ಈ ವಿಡಿಯೋಗೆ ಕಾಮೆಂಟ್ ಮಾಡಿರುವ ಯುಜವೇಂದ್ರ ಚಹಾಲ್ ಮುಂದಿನ ಸಲ ನನಗೆ ಆರಂಭಿಕನಾಗಿ ಆಡಲು ಅವಕಾಶ ಕೊಡಲು ಕೊಹ್ಲಿಗೆ ಹೇಳಿ ಅತ್ತಿಗೆ ಎಂದು ಅನುಷ್ಕಾ ಶರ್ಮಾರನ್ನು ಕೇಳಿಕೊಂಡಿದ್ದಾರೆ.
ಈ ವಿಡಿಯೋಗೆ ಕರುಣ್ ಜೊಹಾರ್, ರಣವೀರ್ ಸಿಂಗ್, ಅರ್ಜುನ್ ಕಪೂರ್, ಪೂಜಾ ಹೆಗ್ಡೆ, ಹೃತಿಕ್ ರೋಷನ್, ಕಾಜಲ್ ಅಗರ್ವಾಲ್, ಸಾನಿಯಾ ಮಿರ್ಜಾ ಸೇರಿದಂತೆ ಹಲವಾರು ಸೆಲೆಬ್ರೆಟಿಗಳು ಕಾಮೆಂಟ್ ಮಾಡಿದ್ದಾರೆ.
