ನವದೆಹಲಿ: ಭಾರತ ತಂಡದ ಸ್ಟಾರ್ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ 400 ವಿಕೆಟ್ ಪಡೆಯಬೇಕು ಎಂದು ಭಾರತದ ಮಾಜಿ ಆಲ್ರೌಂಡರ್ ಯುವರಾಜ್ ಸಿಂಗ್ ಟಾರ್ಗೆಟ್ ನೀಡಿದ್ದಾರೆ.
ಇಂಗ್ಲೆಂಡ್ ವೇಗಿ ಜೇಮ್ಸ್ ಆ್ಯಂಡರ್ಸನ್ ಪಾಕಿಸ್ತಾನದ ವಿರುದ್ಧ ಕೊನೆಯ ಟೆಸ್ಟ್ ಕ್ರಿಕೆಟ್ನಲ್ಲಿ 600 ವಿಕೆಟ್ ಸಾಧನೆ ಮಾಡಿದ ಬೆನ್ನಲ್ಲೇ ವಿರಾಟ್ ಕೊಹ್ಲಿ ಸೇರಿದಂತೆ ಹಲವಾರು ಕ್ರಿಕೆಟಿಗರು ಶುಭಕೋರಿದ್ದರು. ಅದೇ ರೀತಿ ಬುಮ್ರಾ ಕೂಡ ಇಂಗ್ಲೆಂಡ್ ವೇಗಿಯ ಅದ್ಭುತ ಸಾಧನೆ ಮೆಚ್ಚಿ ಟ್ವೀಟ್ ಮೂಲಕ ಅಭಿನಂದನೆ ಸಲ್ಲಿಸಿದ್ದರು.
" ನಿಮ್ಮ ಗಮನಾರ್ಹ ಸಾಧನೆಗೆ ಅಭಿನಂದನೆಗಳು ಜೇಮ್ಸ್ ಆ್ಯಂಡರ್ಸನ್. ನಿಮ್ಮ ಉತ್ಸಾಹ, ದೃಢತೆ ಅಸಾಧಾರಣವಾದದ್ದು, ನಿಮ್ಮ ಭವಿಷ್ಯಕ್ಕೆ ಶುಭಾಶಯಗಳು " ಎಂದು ಬುಮ್ರಾ ಟ್ವೀಟ್ ಮಾಡಿದ್ದಾರೆ.
ಈ ಟ್ವೀಟ್ಗೆ ಪ್ರತಿಕ್ರಿಯಿಸಿರುವ ಯುವರಾಜ್ ಸಿಂಗ್ , " ನಿನ್ನ ಟಾರ್ಗೆಟ್ ಕಡಿಮೆ ಎಂದರೂ 400 ವಿಕೆಟ್ಗಳು" ಎನ್ನುವ ಮೂಲಕ ಬುಮ್ರಾಗೆ ಟಾರ್ಗೆಟ್ ನೀಡಿದ್ದಾರೆ. ಪ್ರಸ್ತುತ ಬುಮ್ರಾ 14 ಟೆಸ್ಟ್ ಪಂದ್ಯಳನ್ನಾಡಿದ್ದು, 68 ವಿಕೆಟ್ ಪಡೆದಿದ್ದಾರೆ. ಯುವರಾಜ್ ನೀಡಿರುವ ಟಾರ್ಗೆಟ್ ಮುಟ್ಟಬೇಕಾದರೆ ತುಂಬಾ ದೀರ್ಘ ಪ್ರಯಾಣ ಮಾಡಬೇಕಿದೆ.
