ಲಾರ್ಡ್ಸ್: 45 ದಿನಗಳ ಕೂತೂಹಲಕ್ಕೆ ತೆರೆಬಿದ್ದಿದ್ದು,12ನೇ ವಿಶ್ವಕಪ್ ಇಂಗ್ಲೆಂಡ್ ಕೈಸೇರಿದೆ. ಈ ಸುದೀರ್ಘ ಬಹುರಾಷ್ಟ್ರಗಳ ಟೂರ್ನಿಯಲ್ಲಿ ರೋಹಿತ್ ಶರ್ಮಾ ಗರಿಷ್ಠ ರನ್ಗಳಿಸಿದ್ದರೆ, ಮಿಶೆಲ್ ಸ್ಟಾರ್ಕ್ ಅತಿ ಹೆಚ್ಚು ವಿಕೆಟ್ ಪಡೆದ ದಾಖಲೆಗೆ ಪಾತ್ರರಾಗಿದ್ದಾರೆ.
ವಿಶ್ವಕಪ್ನಲ್ಲಿ ಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್:
ಭಾರತದ ರೋಹಿತ್ ಶರ್ಮಾ ಟೂರ್ನಿಯಲ್ಲಿ ಗರಿಷ್ಠ ರನ್ ಸರದಾರರಾಗಿದ್ದಾರೆ. ಹಿಟ್ಮ್ಯಾನ್ ಈ ಟೂರ್ನಿಯಲ್ಲಿ 5 ಶತಕ ಹಾಗೂ ಒಂದು ಅರ್ಧಶತಕದ ಸಹಿತ 648 ರನ್ಗಳಿಸಿ ಗರಿಷ್ಠ ಸ್ಕೋರರ್ ಆಗಿದ್ದಾರೆ. ಇವರಿಗಿಂತ ಕೇವಲ ಒಂದು ರನ್ ಕಡಿಮೆ ಗಳಿಸಿರುವ ಡೇವಿಡ್ ವಾರ್ನರ್ ಎರಡನೇ ಸ್ಥಾನದಲ್ಲಿದ್ದಾರೆ.
ಟೂರ್ನಿಯ ಗರಿಷ್ಠ ರನ್ ಸರದಾರರು:
ರೋಹಿತ್ ಶರ್ಮಾ 648
ಡೇವಿಡ್ ವಾರ್ನರ್ 647
ಶಕಿಬ್ ಅಲ್ ಹಸನ್ 606
ಕೇನ್ ವಿಲಿಯಮ್ಸನ್ 578
ಜೋ ರೂಟ್ 556
2015ರ ವಿಶ್ವಕಪ್ನಲ್ಲಿ ಗರಿಷ್ಠ ವಿಕೆಟ್ ಪಡೆದಿದ್ದ ಆಸ್ಟ್ರೇಲಿಯಾ ಮಿಶೆಲ್ ಸ್ಟಾರ್ಕ್ ಈ ಬಾರಿಯೂ ತಮ್ಮ ಉತ್ತಮ ಪ್ರದರ್ಶನ ಮುಂದುವರಿಸಿದ್ದು 27 ವಿಕೆಟ್ ಪಡೆಯುವ ಮೂಲಕ ಮೆಕ್ಗ್ರಾತ್(26)ರ ಈ ಹಿಂದಿನ ದಾಖಲೆಯನ್ನು ಮುರಿದಿದ್ದಾರೆ.
ಗರಿಷ್ಠ ವಿಕೆಟ್ ಪಡೆದ ಬೌಲರ್ಗಳು
ಮಿಶೆಲ್ ಸ್ಟಾರ್ಕ್ 27
ಲೂಕಿ ಫರ್ಗ್ಯುಸನ್ 21
ಮುಸ್ತಫಿಜುರ್ ರೆಹಮಾನ್ 20
ಜೋಫ್ರಾ ಆರ್ಚರ್ 20
ಜಸ್ಪ್ರೀತ್ ಬುಮ್ರಾ 18
ಇಂಗ್ಲೆಂಡ್ನ ಜೋ ರೂಟ್ ಟೂರ್ನಿಯಲ್ಲಿ ಗರಿಷ್ಠ ಕ್ಯಾಚ್(13 ಕ್ಯಾಚ್) ಪಡೆದ ದಾಖಲೆಗೆ ಪಾತ್ರರಾಗಿದ್ದಾರೆ. ಈ ಹಿಂದೆ 2003ರ ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್ 11 ಕ್ಯಾಚ್ ಪಡೆದಿದ್ದುಈವರೆಗಿನ ವಿಶ್ವದಾಖಲೆಯಾಗಿತ್ತು. ಇದೀಗ ಆ ದಾಖಲೆ ರೂಟ್ ಪಾಲಾಗಿದೆ.
ಟೂರ್ನಿಯಲ್ಲಿ ಹೆಚ್ಚು ಕ್ಯಾಚ್ ಪಡೆದವರು
ಜೋ ರೂಟ್ 13
ಫಾಫ್ ಡು ಪ್ಲೆಸಿಸ್ 10
ಜಾನಿ ಬೈರ್ಸ್ಟೋವ್ 9
ಶೆಲ್ಡಾನ್ ಕಾಟ್ರೆಲ್ 8
ಮಾರ್ಟಿನ್ ಗಪ್ಟಿಲ್ 8
