ಹೈದರಾಬಾದ್: ಭಾರತ ತಂಡದ ಅನುಭವಿ ವೇಗಿ ಆರ್.ಅಶ್ವಿನ್ 2020ರ ಐಪಿಎಲ್ನಲ್ಲೂ ಯಾವುದೇ ಬ್ಯಾಟ್ಸ್ಮನ್ ಕ್ರೀಸ್ ಬಿಟ್ಟು ಹೋದರೂ ಮಂಕಡ್ ಮಾಡಲು ಹೆದರುವುದಿಲ್ಲ ಎಂದು ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ ಉತ್ತರಿಸಿದ್ದಾರೆ.
ಟ್ವಿಟರ್ನಲ್ಲಿ ತಮ್ಮ ಅಭಿಮಾನಿಗಳಿಗೆ ಅವರು ಪ್ರಶ್ನೆಗಳನ್ನು ಅಹ್ವಾನಿಸಿದ್ದರು. ಈ ವೇಳೆ ಆಕಾಶ್ ಎಂಬ ಅಭಿಮಾನಿ 'ಈ ಐಪಿಎಲ್ನಲ್ಲಿ ನೀವು ಮಂಕಡ್ ಮಾಡಬಹುದಾದ ಸಂಭಾವ್ಯ ಬ್ಯಾಟ್ಸ್‌ಮನ್‌ಗಳು ಯಾರು?' ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, 'ಕ್ರೀಸ್ ಬಿಟ್ಟು ತೆರಳುವ ಯಾವುದೇ ಬ್ಯಾಟ್ಸ್ಮನ್ ಆದರೂ' ಎಂದು ಉತ್ತರಿಸಿದ್ದಾರೆ.
2019 ರ ಐಪಿಎಲ್ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕನಾಗಿದ್ದ ಅಶ್ವಿನ್ ಬೌಲಿಂಗ್ ಮಾಡುವ ವೇಳೆ ನಾನ್ ಸ್ಟ್ರೈಕರ್ನಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದ ಜೋಸ್ ಬಟ್ಲರ್ರನ್ನು ಮಂಕಡ್ ರನ್ ಔಟ್ ಮಾಡಿ ವಿವಾದಕ್ಕೀಡಾಗಿದ್ದರು. ಆದರೆ ಇದು ಕ್ರೀಡಾಸ್ಫೂರ್ತಿಯಲ್ಲ ಎಂದು ಕೆಲವರು ಹೇಳಿದ್ರೆ, ಇನ್ನೂ ಕೆಲವರು ಅಶ್ವಿನ್ ಕ್ರಿಕೆಟ್ ನಿಯಮದಂತೆ ನಡೆದುಕೊಂಡಿದ್ದಾರೆ ಎಂದು ಸಮರ್ಥಿಸಿಕೊಂಡಿದ್ದರು.
ರವಿಚಂದ್ರನ್ ಅಶ್ವಿನ್ 2020ರ ಆವೃತ್ತಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ ತಂಡದ ಪರ ಆಡಲಿದ್ದಾರೆ.
