ಚೆನ್ನೈ: ವಾಷಿಂಗ್ಟನ್ ಸುಂದರ್ ಮತ್ತು ಮೊಹಮ್ಮದ್ ಸಿರಾಜ್ ಅವರು ಭಾರತ ತಂಡಕ್ಕೆ ತೋರಿದ ಸಾಹಸ ಪ್ರದರ್ಶನವೇ ಐಪಿಎಲ್ನಲ್ಲಿ ಆರ್ಸಿಬಿ ಪರ ಆಡುವಾಗ ಅವರ ಆತ್ಮವಿಶ್ವಾಸ ಹೆಚ್ಚಾಗಲು ನೆರವಾಗಿದೆ ಎಂದು ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ಕೊಹ್ಲಿ ನೇತೃತ್ವದ ಆರ್ಸಿಬಿ ಶುಕ್ರವಾರ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡವನ್ನು 14ನೇ ಆವೃತ್ತಿಯ ಐಪಿಎಲ್ನ ಉದ್ಘಾಟನಾ ಪಂದ್ಯದಲ್ಲಿ ಎದುರಿಸಲಿದೆ. ಚೆನ್ನೈನ ಎಂ.ಎ.ಚಿದಂಬರಂ ಸ್ಟೇಡಿಯಂನಲ್ಲಿ ಮುಚ್ಚಿದ ಕ್ರೀಡಾಂಗಣದಲ್ಲಿ ಪಂದ್ಯ ಜರುಗಲಿದೆ.
ತಾವು ಯುವ ಕ್ರಿಕೆಟಿಗನಾಗಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಆಡಿದ ನಂತರ ಐಪಿಎಲ್ನಲ್ಲಿ ಉತ್ತಮ ಪ್ರದರ್ಶನ ನೀಡುವುದಕ್ಕೆ ಹೇಗೆ ಸಾಧ್ಯವಾಯಿತು ಎಂದು ತಿಳಿಸಿರುವ ಕೊಹ್ಲಿ, ಅದೇ ರೀತಿ ಸಿರಾಜ್ ಮತ್ತು ಸುಂದರ್ರಲ್ಲೂ ಈ ವರ್ಷ ಆಗಬಹುದು ಎಂದು ಹೇಳಿದ್ದಾರೆ. ಏಕೆಂದರೆ ಅವರಿಬ್ಬರು ಇತ್ತೀಚಿನ ಟೆಸ್ಟ್ ಸರಣಿಗಳಲ್ಲಿ ಭಾರತದ ಪರ ಅತ್ಯುತ್ತಮ ಪ್ರದರ್ಶನ ತೋರಿದ್ದಾರೆ.
ವಾಷಿಂಗ್ಟನ್ ಸುಂದರ್, ಕೊಹ್ಲಿ, ಸಿರಾಜ್ ಇದನ್ನು ಓದಿ:ಸರಣಿಯುದ್ದಕ್ಕೂ ಆಟದಲ್ಲಿ ಫುಲ್ ಎನರ್ಜಿ ತೋರಿಸಿ... ಆರ್ಸಿಬಿ ಬಾಯ್ಸ್ಗೆ ಕೊಹ್ಲಿ ಕಿವಿಮಾತು
"ನಾನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆಡುವಾಗ ಇದ್ದ ವಿಶ್ವಾಸವನ್ನು ಐಪಿಎಲ್ನಲ್ಲಿ ಮುಂದುವರಿಸಿದ್ದೆ. ಇದೀಗ ವಾಶಿ, ಸೈನಿ, ಸಿರಾಜ್ ಅವರೂ ಕೂಡ ತಮ್ಮದೇ ಆದ ಸಾಮರ್ಥ್ಯದಿಂದ ಬರುತ್ತಿದ್ದಾರೆ. ಯುಜಿ(ಚಹಾಲ್) ಕೂಡ ಕೆಲವು ವರ್ಷಗಳಿಂದ ತಂಡದಲ್ಲಿದ್ದಾರೆ. ಈ ರೀತಿಯ ಆಟಗಾರರು ತಂಡವನ್ನು ಬಲವಾಗಿ ಕಟ್ಟಲು ಮತ್ತು ಸರಿಯಾದ ದಿಕ್ಕಿನಲ್ಲಿ ಸಾಗಿಸಲು ನಮಗೆ ಸಹಾಯ ಮಾಡುತ್ತಾರೆ" ಎಂದು ಮಾಧ್ಯಮಗೋಷ್ಠಿಯಲ್ಲಿ ಯುವ ಆಟಗಾರರ ಬಗ್ಗೆ ಕೊಹ್ಲಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ನಮ್ಮ ಯುವ ಆಟಗಾರರು ಹೆಚ್ಚು ಆತ್ಮವಿಶ್ವಾಸದಿಂದಿದ್ದಾರೆ ಮತ್ತು ಹೆಚ್ಚು ಅನುಭವವುಳ್ಳವರಾಗಿದ್ದಾರೆ. ಈ ಹುಡುಗರು ಯಾವುದೇ ಸಂದರ್ಭದಲ್ಲಿ ಪ್ರಭಾವ ಬೀರಬಹುದು ಎಂದು ಎದುರಾಳಿಗಳಿಗೆ ಗೊತ್ತಾಗಿದೆ. ಇದು ಖಂಡಿತವಾಗಿಯೂ ನಮಗೆ ಉತ್ತಮ ಸೂಚನೆ ಎಂದು ಕೊಹ್ಲಿ ಹೇಳಿದ್ದಾರೆ.
