ಹೈದರಾಬಾದ್: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿಯನ್ನು ಮೂರು ಮಾದರಿಯ ಕ್ರಿಕೆಟ್ನ ' ಅಂತ್ಯಂತ ಪರಿಪೂರ್ಣ ಆಟಗಾರ' ಎಂದು ಪರಿಗಣಿಸುವುದಾಗಿ ಇಂಗ್ಲೆಂಡ್ ಟೆಸ್ಟ್ ತಂಡದ ನಾಯಕ ಜೋ ರೂಟ್ ಹೇಳಿದ್ದಾರೆ.
ವಿರಾಟ್ ಕೊಹ್ಲಿ ಅವರ ಆಲ್ರೌಂಡರ್ ಆಟ, ಅದರಲ್ಲೂ ಸೀಮಿತ ಓವರ್ಗಳ ಕ್ರಿಕೆಟ್‌ನಲ್ಲಿರುವ ಚೇಸಿಂಗ್ ಮಾಡುವ ಅವರ ಸಾಮರ್ಥ್ಯ ಅಸಾಧಾರಣ ಎಂದು ರೂಟ್ ಹೇಳಿದ್ದಾರೆ. ಜೊತೆಗೆ ತಮ್ಮದೇ ದೇಶದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಜೋಸ್ ಬಟ್ಲರ್ ಪ್ರಸ್ತುತ ವಿಶ್ವದ ಪರಿಪೂರ್ಣ ವೈಟ್ ಬಾಲ್ ಕ್ರಿಕೆಟಿಗ ಎಂದು ಜೋ ರೂಟ್ ಅಭಿಪ್ರಾಯಪಟ್ಟಿದ್ದಾರೆ.
ವಿಶ್ವ ಕ್ರಿಕೆಟ್ನಲ್ಲಿ ಕೊಹ್ಲಿ, ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್, ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಮತ್ತು ರೂಟ್ ಪ್ರಸ್ತುತ ವಿಶ್ವ ಟೆಸ್ಟ್ ಕ್ರಿಕೆಟ್ನಲ್ಲಿ ಪ್ರಮುಖ ಬ್ಯಾಟ್ಸ್‌ಮನ್‌ಗಳು ಎಂದು ಒಪ್ಪಿಕೊಳ್ಳಲಾಗಿದೆ. ಇವರನ್ನು ವಿಶ್ವದ ' ಅಗ್ರ ನಾಲ್ವರು(fab four) ' ಎಂದಲೂ ಬಣ್ಣಿಸಲಾಗುತ್ತದೆ.
"ಆ ಮೂವರಲ್ಲಿ ವಿರಾಟ್ ಮೂರು ಮಾದರಿಯ ಕ್ರಿಕೆಟ್ನಲ್ಲೂ ಪರಿಪೂರ್ಣ ಬ್ಯಾಟ್ಸ್ಮನ್ ಆಗಿದ್ದಾರೆ. ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಅವರ ಚೇಸಿಂಗ್ ಮಾಡುವ ಕೌಶಲ್ಯ ಅದ್ಭುತ, ಅವರು ಅಜೇಯರಾಗಿ ಪಂದ್ಯ ಮುಗಿಸುವುದು ಅಸಾಧಾರಣ" ಎಂದು ರೂಟ್ ಕೊಹ್ಲಿ ಸಾಮರ್ಥ್ಯವನ್ನು ವಿವರಿಸಿದ್ದಾರೆ.
"ಕೊಹ್ಲಿ ಉತ್ತಮ ಆಲ್ರೌಂಡ್ ಆಟವನ್ನು ಹೊಂದಿದ್ದಾರೆ. ವೇಗ ಅಥವಾ ಸ್ಪಿನ್ ಬೌಲಿಂಗ್ ವಿರುದ್ಧ ಅವರು ದುರ್ಬಲ ಎಂದು ಹೇಳಲಾಗದು. 2014ರ ಇಂಗ್ಲೆಂಡ್ ಪ್ರವಾಸದಲ್ಲಿ ಕೊಹ್ಲಿ ಫಾರ್ಮ್ ಸಮಸ್ಯೆ ಎದುರುಸಿದ್ದರು. ಆದರೆ 2018ರ ಪ್ರವಾಸದಲ್ಲಿ ತುಂಬಾ ರನ್ಗಳಿಸಿದ್ದರು. ಅವರು ಇದೇ ರೀತಿಯ ಪ್ರದರ್ಶನವನ್ನು ವಿಶ್ವದಾದ್ಯಂತ ತೋರಿದ್ದಾರೆ. ಭಾರತ ತಂಡದ ಭಾರವನ್ನು ತಮ್ಮ ಭುಜದ ಮೇಲೆ ಹೊತ್ತಿದ್ದಾರೆ" ಎಂದು ರೂಟ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
2014 ರ ಇಂಗ್ಲೆಂಡ್ ಪ್ರವಾಸದಲ್ಲಿ 13.5 ಸರಾಸರಿಯಲ್ಲಿ 144 ರನ್ಗಳಿಸಿದ್ದ ವಿರಾಟ್ 2018 ರ ಪ್ರವಾಸದಲ್ಲಿ ಅದ್ಭುತವಾಗಿ ಕಮ್ಬ್ಯಾಕ್ ಮಾಡಿ 3 ವಿಭಾಗದಲ್ಲಿ 894 ರನ್ಗಳಿಸಿ ಮಿಂಚಿದ್ದರು. ಆದರೆ ಟಿ20 ಸರಣಿಯನ್ನು ಗೆದ್ದಿದ್ದ ಭಾರತ ಏಕದಿನ ಹಾಗೂ ಟೆಸ್ಟ್ ಸರಣಿಯನ್ನು ಕಳೆದುಕೊಂಡಿತ್ತು.
29 ವರ್ಷದ ರೂಟ್ ತಮ್ಮನ್ನು ಅಗ್ರ ಮೂರು ಬ್ಯಾಟ್ಸ್ಮನ್ಗಳಾದ ವಿರಾಟ್, ವಿಲಿಯಮ್ಸನ್ ಹಾಗೂ ಸ್ಮಿತ್ರೊಂದಿಗೆ ಎಂದಿಗೂ ಹೋಲಿಸಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ. ಏಕೆಂದರೆ ಅವರು ಮೂರು ವಿಭಾಗದ ಕ್ರಿಕೆಟ್ನಲ್ಲಿ ಹೇಗೆ ಇನ್ನಿಂಗ್ಸ್ ಕಟ್ಟುತ್ತಾರೆ ಎಂದು ನಾನು ಬಹಳಷ್ಟು ನೋಡಿದ್ದೇನೆ ಎಂದು ಅವರು ಹೋಲಿಕೆಗೆ ನಾನು ಸಮರ್ಥನಲ್ಲ ಎಂದು ಅಬಿಪ್ರಾಯಪಟ್ಟಿದ್ದಾರೆ.
