ಅಹಮದಾಬಾದ್: ಇಂಗ್ಲೆಂಡ್ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಆರಂಭಿಕರಾಗಿ ಕಣಕ್ಕಿಳಿದ ರನ್ ಮಷಿನ್ ಖ್ಯಾತಿಯ ವಿರಾಟ್ ಕೊಹ್ಲಿ ರನ್ ಹೊಳೆ ಹರಿಸಿದ್ದು, ಈ ಮೂಲಕ ದಾಖಲೆ ಮೇಲೆ ದಾಖಲೆ ನಿರ್ಮಾಣ ಮಾಡಿದ್ದಾರೆ.
ನರೇಂದ್ರ ಮೋದಿ ಮೈದಾನದಲ್ಲಿ ನಡೆದ ಕೊನೆಯ ಟಿ-20 ಪಂದ್ಯದಲ್ಲಿ 36 ಎಸೆತಗಳಲ್ಲಿ ಅರ್ಧಶತಕ ದಾಖಲಿಸಿದ ವಿರಾಟ್ ಕೊಹ್ಲಿ, ಚುಟುಕು ಕ್ರಿಕೆಟ್ನಲ್ಲಿ 28ನೇ ಅರ್ಧಶತಕ ಬಾರಿಸಿದ್ದಾರೆ. ಜತೆಗೆ ಟಿ-20 ತಂಡದ ಕ್ಯಾಪ್ಟನ್ ಆಗಿ ಅತಿ ಹೆಚ್ಚು ಸಲ 50+ ರನ್ ಗಳಿಸಿರುವ ದಾಖಲೆ ಬರೆದಿದ್ದಾರೆ.
ಟಿ-20 ಕ್ಯಾಪ್ಟನ್ ಆಗಿ 12 ಸಲ ವಿರಾಟ್ ಕೊಹ್ಲಿ 50+ ರನ್ ಗಳಿಸಿದ್ದಾರೆ. ನ್ಯೂಜಿಲ್ಯಾಂಡ್ನ ಕೇನ್ ವಿಲಿಯಮ್ಸನ್(11), ಆಸ್ಟ್ರೇಲಿಯಾದ ಫಿಂಚ್(10) ಹಾಗೂ ಇಂಗ್ಲೆಂಡ್ ಕ್ಯಾಪ್ಟನ್ ಮಾರ್ಗನ್ 9 ಸಲ ಅರ್ಧಶತಕ ಗಳಿಸಿ ನಂತರದ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ: ಟಿ-20ಯಲ್ಲಿ ಮತ್ತೊಂದು ದಾಖಲೆ: ಮಾರ್ಟಿನ್ ಗಪ್ಟಿಲ್ ರೆಕಾರ್ಡ್ ಬ್ರೇಕ್ ಮಾಡಿದ ಹಿಟ್ ಮ್ಯಾನ್!
ಇನ್ನು ಟಿ-20 ಕ್ರಿಕೆಟ್ನ ದ್ವಿಪಕ್ಷೀಯ ಸರಣಿಯಲ್ಲಿ ವಿರಾಟ್ ಕೊಹ್ಲಿ ಅತಿ ಹೆಚ್ಚು ರನ್ ಗಳಿಸಿದ್ದು, ಇಂಗ್ಲೆಂಡ್ ವಿರುದ್ಧದ ಟಿ-20(ಪ್ರಸಕ್ತ) ಟೂರ್ನಿಯಲ್ಲಿ 5 ಇನ್ನಿಂಗ್ಸ್ಗಳಿಂದ 231 ರನ್ ಗಳಿಸಿದ್ದಾರೆ. ಇದರಲ್ಲಿ ಮೂರು ಅರ್ಧಶತಕ ಸೇರಿಕೊಂಡಿವೆ. ಉಳಿದಂತೆ 2020ರಲ್ಲಿ ಕನ್ನಡಿಗ ರಾಹುಲ್ ನ್ಯೂಜಿಲ್ಯಾಂಡ್ ವಿರುದ್ಧ 224 ರನ್ ಗಳಿಸಿದ್ರು. ಇದಕ್ಕೂ ಮೊದಲು 2018ರಲ್ಲಿ ಕಾಲಿನ್ ಮುನ್ರೋ 3 ಇನ್ನಿಂಗ್ಸ್ಗಳಿಂದ 223 ರನ್ ಗಳಿಸಿದ್ರು. ಕ್ಯಾಪ್ಟನ್ ಆಗಿಯೂ ವಿರಾಟ್ ಕೊಹ್ಲಿ ಟಿ-20ಯಲ್ಲಿ ಅಧಿಕರನ್ಗಳಿಸಿದ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಅವರು 1464 ರನ್ ಗಳಿಸಿ ಅಗ್ರಸ್ಥಾನದಲ್ಲಿದ್ದರೆ, ಆಸ್ಟ್ರೇಲಿಯಾದ ಫಿಂಚ್ 1462 ರನ್ ಹಾಗೂ ವಿಲಿಯಮ್ಸನ್ 1383 ರನ್ ಗಳಿಸಿದ್ದಾರೆ.
