ಲಂಡನ್ : ಇಂಗ್ಲೆಂಡ್ನ ಅಂತಾರಾಷ್ಟ್ರೀಯ ಖ್ಯಾತಿಯ ಅಂಪೈರ್ ಇಯಾನ್ ಗೌಲ್ಡ್, ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಫಿಟ್ನೆಸ್ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅವರನ್ನು ಮಾಡೆಲ್ಗೆ ಹೋಲಿಕೆ ಮಾಡಿ ಬಣ್ಣಿಸಿದ್ದಾರೆ.
ವಿರಾಟ್ ಕೊಹ್ಲಿಗೆ ಉತ್ತಮ ಕ್ರಿಕೆಟ್ ಮೆದುಳಿದೆ. ಅವರ ಕ್ರೀಡಾ ಸ್ಫೂರ್ತಿಯ ಬಗ್ಗೆ ಗಂಟೆಗಟ್ಟಲೇ ಮಾತನಾಡಬಹುದು ಎಂದು ಗೌಲ್ಡ್ ಅಭಿಪ್ರಾಯಪಟ್ಟಿದ್ದಾರೆ. ಅವರೊಬ್ಬ ತಮಾಷೆಯ ಮನುಷ್ಯ, ಅವರು ಒಂದೆರೆಡು ಬಾರಿ ನನ್ನಂತೆಯೇ ಬ್ಯಾಟಿಂಗ್ ಮಾಡಿದ್ದಾರೆ. ಅವರೊಬ್ಬ ಮೋಹಕ ಬ್ಯಾಟ್ಸ್ಮನ್. ಸಚಿನ್ ತೆಂಡೂಲ್ಕರ್ ಅವರಂತೆಯೇ ಕೊಹ್ಲಿ ಕೂಡ. ಇಡೀ ಭಾರತ ಅವರ ಬೆನ್ನ ಹಿಂದೆ ಇದೆ ಎಂದು ಗೌಲ್ಡ್ ವೆಬ್ಸೈಟ್ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
![ವಿರಾಟ್ ಕೊಹ್ಲಿ- ಇಯಾನ್ ಗೌಲ್ಡ್](https://etvbharatimages.akamaized.net/etvbharat/prod-images/playing-one-day-cricket-or-test-cricket-a-good-eight-weeks-of-leading-and-bowling-at-full-pace-to-get-into-that-match-fitness-so-it-will-be-a-bit-tougher-for-the-bowlers-2_3105newsroom_1590896418_437.jpg)
ನೀವು ರೆಸ್ಟೋರೆಂಟ್ನಲ್ಲಿ ಅವರೊಂದಿಗೆ ಗಂಟೆಗಟ್ಟಲೇ ಮಾತನಾಡಬಹುದು. ಅವರೊಬ್ಬ ತುಂಬಾ ಲೌಕಿಕ ಹುಡುಗ. ನೀವು ವಿರಾಟ್ ಕಡೆ ನೋಡಿದಾಗ ನಿಮ್ಮ ಆಲೋಚನೆಯಲ್ಲಿ ಅವರೊಬ್ಬ ಮಾಡೆಲ್ ಎಂಬ ಭಾವನೆ ಮೂಡುತ್ತದೆ. ಅವನಿಗೆ ಆಟದ ಬಗ್ಗೆ, ಇತಿಹಾಸದ ಬಗ್ಗೆ ತಿಳಿದಿದೆ. ಅವನೊಬ್ಬ ಸುಂದರ ವ್ಯಕ್ತಿ ಎಂದು ಕೊಹ್ಲಿಯನ್ನು ಹಾಡಿ ಹೊಗಳಿದ್ದಾರೆ.
ವಿರಾಟ್ ಕೊಹ್ಲಿಯನ್ನು ಸಚಿನ್ಗೆ ಹೋಲಿಕೆ ಮಾಡಿರುವ ಮಾಜಿ ಇಂಗ್ಲೆಂಡ್ ಕ್ರಿಕೆಟಿಗರೂ ಆಗಿರುವ ಇಯಾನ್ ಗೌಲ್ಡ್, ಭವಿಷ್ಯದಲ್ಲಿ ಕೊಹ್ಲಿ ಸಚಿನ್ ಅವರ ಎಲ್ಲಾ ದಾಖಲೆಗಳನ್ನೂ ಮುರಿಯಲಿದ್ದಾರೆ ಎಂದು ಭವಿಷ್ಯ ನುಡಿದಿದ್ದಾರೆ.